Korose 1:28 - Yareba28 I orofa atataro inaredana uwarabai we kakara uteda Godinu iwataro Yesu Kerisonu sina weisi. Yanu unu uwara nesia Yesubai ibeda naueta derawere bobo Godibai odifene iba Danu sina nesia we mawetu utaisi. အခန်းကိုကြည့်ပါ။ |
Godima yaba Yesu Keriso mairo muta. Enoba Yesuna yanu me ibene ibene ibetanu ubi Amara sini. Godima weiba Yesu Keriso Dana yanu iwata ueta Amara sinite Danu torowa ma kobererau uetaro merau ibeta Amara sinite Dana ya ma rorowarau ue Godinu iboro ma inareta Amara sinite me kakara uegou uetaini Dana yanu yanu wiroeta ubi Amara sini.
Godinu naueta uwarabai nana derawere me, emana derawere. Godima i imutawa uteda Danu kobere sina gaukara naba maiba i aika uwaraba Yesu Kerisonu kobere ueta sineta imueta daido watane. Godima Danu kiwuma imueta anene ufisu iba eme nesiabai watane. Godi Dana i nesia ubu uite nono Danu kiwuma imueta bodere ma boroyarawa utebi.
Eno utebitaba Godinu Amara eme nesiaba tare uite emema Godibai anibitae iba Godinu ibo turi. Godi Danu unu ya uwara kakarawere neno roatarau imuetaini kobere uwara mune Godibai ane odifiro Godima yaba ibo da ufie iba eno ui. Godinu kotofu sina uwara nesiabai we inarebitaro nautebita yaini enanari nauta. Na Forona i kotofu sina weta amara. Ya uwara i kotofu sina nauegou ufote aika maika da imufote Godinu sina da ekodifoitana Yesu Kerisoma ya Godibai mune ane odifiro Godima yaba ibo da ufisu.
Yanu Yesu Keriso imuetanu ubina derawere. Iba eno webaisi, Dawa ba eme siniro Danu Imumu Kotofuma Danu kobererau ueta ma boroyari. Aneruma Dawa erebitaro emema Danu sina i orofa atata su su nesiaro webita. Orofa atata uwarama emanu naueta Dawabai oitaro Godima Dawa munite Danu araetawere orofaro woure amo odi.
I dubu su yawoeta amara dawa kobererau ueta sineta uteda ibifiro uwarama dawa siosa amara da webitaita. Dawa aweta sadei me. Dawa aweta demurai amara. Dawa i nesia ititi kakara bobo kekerama ufisu. Dawa kobere imueta amara. Dawa sina kobererau webisu. Dawa moana uwaraba bana webisu. Dawa kobere we mawetu ueta amara. Dawa kimu ogo ie beforo arama ueta amara me. Dawa urane yarane da ufite kobererau ibifisu. Dawa oi muneta torowa amara me.
Yanu Dera Waria Amarama sau farawa iro ibeda uwara nesia wirofitae iba yawotasu. I sina imuegou uawe. Yanu naiye Foro Godima dawa durua uiro dawa yaba enanari owawa ue odite siaia uiro eta. Dawa danu owawa nesiaro eno odasu. Danu moana imuetana feare ibetawereba i beforo buna me uwarama iwawa iwawa uteda i sinanu ubi ma siosa utaitate Godinu buka mui sinanu ubi enanari ma siosa utaitaba emanu torowa emanu uieta daba wabue odaitaba i siosawere orofaro daido anibitaita.