Korose 1:18 - Yareba

¹⁸ Dawana i ofenu kofiri. I ofena Danu naueta uwara, Danu dubu su. Dawa ko uietaroma uyariba Dawa i uietaroma uyafitate me ibifitaita naueta uwaranu Dera Waria Amara. Erawa nautawa ane ane derawere me, Dawana derawere, Dawana botai.

Korose 1:18 ပူးပေါင်းရင်းမြစ်များ

Matiunu 23:8

Ya nesia yatae yabue ya nesia su demurai uwaraba yabai mui amaraba tisa amara da wiawe. Yabai tisa Amara demurai ibinua wei.

Matiunu 28:18

Yesuma emabai farite wei, Godima buna derawere Naba masinuba ureini nasini yawotatane.

Joninu 1:1

Boderewere eme ibawa kowaro i Sina ibebi. I Sinana Yesu Keriso, Dana Godibai ibebi. I Sinana Godi.

Joninu 1:16

Dana ya nesiaba neno arama utasute ainewaure durua uteda ma kobererau utasuro merau ibinisi wei.

Joninu 1:27

Dana nanu buribi afiro Dawa Dera Amaraba Danu ibo nana da inare tumau wei.

Afosoro 26:23

I uwarama weita, I Mesaia oferi derawere woufite Dawa ko uietaroma uyafite Ju uwaraini aika uwarabai ario derawere odifisu wei.

Romani 8:29

Bodere i eme ibawa kowaro Danu Dawabai naue imue ufitaita uwara nesia Dawa iwata ui. Eno iwata uite ema Danu amara Yesu ari sibitae we mune odi. We mune odite Danu ununa Danu adarabu nesiabai Yesu Keriso Dawana botai Amara sibie iba eno ui.

1 Korinita 11:3

Nono ewa sina wemaro nauawe. Uwara nesianu kofirina Keriso. Awetabonu kofirina emanu awerasi. Kerisonu kofirina Godi.

1 Korinita 12:27

Ido, yana Yesu Kerisonu ofe. Yana Danu ofenu ememetu.

1 Korinita 15:25

Yesu Kerisoma yawoegou uteda Danu wasai uwara nesia ma dowafite i wasai uwara nesia Danu buri wowonaro odifite ido Danu yawoeta ekodifisu.

Efesa 1:10

Godinu imuetana edono, i dubu fafisu kowaro Godima nesia i urero ibaiabaini ewa nasiniro ibaiabaini ya uwaraini i nesia ma aine odifiro Yesuma daido yawofisu.

Efesa 5:23

Yesu Keriso Dawa i dubu su naueta uwara yawotasu enanari awerasima awetabo yawotaita. Yesu Keriso Dana i dubu su naueta uwara, Danu ofe ari, emanu ma wiroeta Amara.

Korose 1:24

Ya Korose su uwaraba awe uyareta faiyawere nabai farebita. Nono i awe uyaretaba iyarawa yaru utatane. Na awe uyareta wourataneba Yesu Keriso durua utatane. Yesu Kerisoma Danu uwara, emana Danu dubu suba awe uyareta faiyawere mune wourite ui. Na awona mui awe uyareta Danu uwaraba mune woure me simau. Nana Yesu Kerisonu dubu su yawoeta sina weta amara. Godima Danu kobere imueta nesia i aika uwarabai we ma boroyamane iba na Danu sina weta amara we mune odi.

Korose 2:19

I amarama Yesu Keriso munegou utawa, Yesu Keriso Dana yanu kofiri. I kofirima i ofe ubu nesiaba buna matasuro ima yanu ofero ememetu nesia daisineda ofe derawere uteda demurai utasu. Enoba yanu ofena Godinu bunama ma daisinasu.

1 Joninu 1:1

Yesu Kerisoba webene iba owawa ue odaisi. Yanu sina webero nauawe. Boderewere, Godima ane ane nesia ubu ui, i kowaro Dawa ibi. Dawa ibebe nono Ba Eme Sini. Ba Eme Siniro Danu sina naue, Dawa ere, Dawa agema burie, enoma enoma usiba iba Dawaba yabai waisi.

Jonibai We Ma Boroyari Sina 1:8

I Dera Godima eno wei, Na torowama Nana botairoma dubu, eno wei. I Godi torowama boderewere awonaini daido ibinuba duburona Dawana buna derawere fafisu.

Jonibai We Ma Boroyari Sina 11:15

Nono i dubu aneru dana danu tawuyo ubuiro moana wate ureroma eno weita, yanu Dera Waria Amaraini Danu fafisu wiroeta Amaraini emana i nasini nesia yawofitae buna munitaba Dawa yawoteibisu weita.

Jonibai We Ma Boroyari Sina 21:6

Dana nono wei, ina ido me sininu. Nana i kofirini buri, i botaini dubu. Anama ogo nodo ufisuna Nana i wiroeta erio ubiroma ogo mune dawaba me mamaro i wiroeta ogo ifite oi da mafisu.

Jonibai We Ma Boroyari Sina 22:13

Nana i kofirini buri, Nana i botaini dubu, Nana i sirorarini me sineta wasu.

Jonibai We Ma Boroyari Sina 3:14

Dana nono naba eno wei, I Reodisia dubu suro ibinu aneruba moana sina owawa eno ue odia. I sinana eno, Nana Godinu ba sinanu ubiba iba Danu sina nesia enanari ufisu. Nana ainewaure Godinu ba sina torowa webatane. Nana Godima ubu ui ememetunu ubi iba ewa sina watane.