Joninu 9:34 - Yareba

³⁴ Eno weiro i uwarama dua utate sina siosa weitate eno weita, anu munetaroma siosa ueta utebiba awona ya we mawetu ufae utasu weita? Eno weitate i Ju uwaranu dera dubu suroma dawa we yowetaro ani.

Joninu 9:34 ပူးပေါင်းရင်းမြစ်များ

Rukanu 11:45

Yesuma eno weiro mui Mosesinu tarawatu tisa amarama wei, Tisa A eno wasuba yaba sina siosa wasu wei.

Rukanu 14:11

Anama danu torowa ma derawere ufisuna Godima dawa ma kikiratu ufisu. Nono anama danu torowa ma otowaratu ufisuna Godima dawa ma derawere ufisu wei.

Rukanu 18:17

Yaba ba sina wemaro nauawe. Anama Godinu yawotasu amakanunu imueta ari da mubisuna Godinu yawotasu orofaro da anibisu wei.

Rukanu 6:22

Yana i Ba Eme Sini Amaranu uwaraba emema yaba neno ka ufitate yaba me sara ufitate yanu ifu ma siosa ufitaitaba iba yaru uawe.

Joninu 6:37

Nanu Babama moana uwara Naba matasuba i uwara nesia Nabai fafitaitana da we yowemau wei.

Joninu 8:41

Eno utaitana yanu yamama seitaninu ueta sineta enanari utaita wei. Weiro weita, yanu bayamutuma ya dabaro munawa uta. Yanu babana demurai, Dawa Godi weita.

Joninu 9:2

I uwarama dawa serigari ue fare aneda Yesunu iwata ueta uwarama Yesuba weita, ewa amara siosa uiro aba danu danua damama siosa usiba iba danu danuama dawa diti basugari bobo muniro yaubinu weita?

Joninu 9:22

Danua damamama i Ferosi uwaraba iyasite iba eno weisi. I Ju dera uwarama auboko weita, anama Yesuna i Mesaia webisuna dera dubu suroma yowefeisi weitaba iba danua damamama enanari weisi, dawa dera amaraea dawabai wenaueawe weisi.

Joninu 9:35

Yesuma i sina nauite i amara dobere ane atanite wei, i Ba Eme Sini Amarabai naue imue utasu aba me?

Joninu 9:40

Weiro moana inaibita Ferosi uwarama nautate weita, yaini diti basugari utaisi aba me weita?

1 Korinita 5:13

Godi Danu torowa Danu sina nautawa uwara koto ufisu. Enoba i siosawere amara yoweawero yabairoma kebiro anibie iba watane.

Gareisia 2:15

Aini naini wana i aika siosa utaita uwara ari mero wana ba Ju uwara. Nono wana eno imutaitu, i tarawatuma eme ma kobererau utawaba wana i tarawatu uegou utute Yesu Kerisoma wa ma kobererau uteda Godinu iboro ma inafiro efie iba wanu naueta Yesu Kerisobai oitu we.

Efesa 2:3

I ari ya nesia i uwara emanu ueta sineta enanari utebisi. Yanu siosa nenonu imueta unu torowa utebisi. Yanu ofenu unuini yanu beforonu imueta unuini i nesia eno utebisi. Ya eno utebisiba Godima yaba ibo uteda fanisi mafie utebi.

1 Fitanu 5:5

Ya reka uwarama i dera baeta uwaranu sina nauawete emaba ititi kakara uawe. Ya nesia nenoma sasae da uawete yanu yanu durua ue matawe. Godinu bukaroma eno wasu, Godima i sasae bobo uwara ekodasute i sasae me uwara durua utasu, eno wasu.

3 Joninu 1:10

Enoba na yabai ane famate yaba sina siosa weda utebasu sina wemau. Dawana eno torowa utawarogo eno utebasu, danu torowa i moana Godinu sina weta uwara danu suro woure odawa nono moana uwarama Godinu sina weta uwara mune emanu suro odaitana dawa unutawaba Godinu naueta uwara i dubu su ubareroma we yowefie utasu.

3 Joninu 1:9

Godinu sina naueta uwarabai owawa ue odete siaia uero nono Diotefasi danu torowa ma derawere utasuba nanu yawoeta sina ekodasu.

Jonibai We Ma Boroyari Sina 13:17

Enoba ana anabai i buna egi ari emerunu isi, danu ifu aba yawieta mena oiya ue munawa oiya utawa utebita.