Joninu 9:24 - Yareba

²⁴ Eno weisiba Ferosi uwarama nono weitaro diti basugariroma wiroi amarama emabai fariro dawaba weita, Yesu, Dana siosa amaraba Godi Dawa torowa we ma kobererau utebea weita.

Joninu 9:24 ပူးပေါင်းရင်းမြစ်များ

Rukanu 15:2

I Ferosi uwaraini tarawatu tisa uwaraini gimumutaroma weita, ewa amarama siosa uwaraini uruama yaubeda ieta itasu weita.

Rukanu 19:7

I guruguru ubita uwarama i etate gimumutaroma weita, Yesuma etei siosawere amaranu suro dawaini aibie ainu weita.

Rukanu 7:39

Eno uiro i Ferosi ieta ubi amarama erite we imui, ewa amarana we bou ueta amararona danu ofe buritasu awetana neno neno bobo aweta iwata ufi we imui.

Joninu 14:30

Sina yafawere yaba da wemau. Ewa orofa atatanu siosa yawoeta amara fafie utasu. Danu buna derawere meba Na da yawofisu wei.

Joninu 16:2

Moana uwarama ya Ju uwaranu dubu suroma we ma yowefitaita wei. I kowa ido fafisuba i kowaro moana uwarama Godinu gaukara ufitae webitate ya ma uifitaita wei.

Joninu 18:30

Weiro weita, Dawa siosa ueta amara iba woure farisia weita. Merona anu agero da odifene uteibene weita.

Joninu 8:46

Anama Naba A siosa utasu webisu? Eno da webisu. Nana ba sina watanero aneba Na naue imue utawa utaita wei?

Joninu 8:49

Weitana Yesuma wei, Na seitaninu mui siosa imumu bobo me wei. Nana Nanu Baba we ma kobererau utatanero yana Naba sina siosa waita wei.

Joninu 9:16

Weiro moana Ferosi uwarama weita, sabate kowa imutawa utasuba dawa Godibairoma farawa weitaro moanama weita, mui siosa ueta amara eno da ufisu weita. Enoba abanaro saragari utaba nono i amaraba weita, anu diti ma wirosinu amaraba ane wasu? Weitana Dana Godinu we bou ueta Amara wei.

Joninu 9:25

Weitaro i amarama wei, Dana siosa amara aba me, na iwata me. Nono nana diti basugari ue ibebe ibebe awonana eratanete ina na iwata utatane wei.

Romani 8:3

Nono ya uwarana siosawerero buna meba Mosesinu tarawatuma yaba eno utawaro nono Godima yaba eno utebi. Godima Danu Amara siaia uiro ewaro tararite yanu siosawere ofe ari ofe muneda ba eme sini. Godi Danu ununa Yesu Kerisoma siosa ueta mu sabie iba siaia uiro tararite ba eme sini.

2 Korinita 5:21

Godima ya imuegou uite Yesu Kerisonu kobererau ueta mubete Dawaini Godibai rorowarau ibifene iba i ba me utawa utebi Yesu muniro Dana ba me ueta ari sineda yanu ba me ueta nesia muni.

Jonibai We Ma Boroyari Sina 11:13

Nesia eno uina nasini dumu farite i natofo su derawere muduna afunu su su faiyawere ma jugari uiba eme faiyawere seweni tausani (7000) uie me sitaro eta. I erebita uwarama iya uyareda i urero ibinu Godinu ifu we ma derawere utebita.