Joninu 8:9 - Yareba

⁹ Yesuma eno uiro i Ju uwarama kiwuma wo bagaru ue demui demui dera uwara ko anitaro Yesuini i awetaini i guruguru ubita uwaranu iboro emanu aika ibita.

Joninu 8:9 ပူးပေါင်းရင်းမြစ်များ

Rukanu 13:17

Eno weiro Dawaba wasai ueta uwarama maru utaro moana uwara Yesunu buna uetaba yaru uta.

Joninu 8:10

Enoba Yesuma uyarite i awetaba wei, anu wawei weta uwara aboro? Aba wawei waita aba me?

Joninu 8:12

Mui kowaro Yesuma i dera dubu suro yaubita uwaraba wei, Nana ewa orofa atatanu dera nanefa ario ari. I orofa atata uwara nesia we mawetu utataneba iba Nana emanu dera ario ari. Nanu buribi afitaita uwarana dumuro da inareibitaita. Enoba Nanu wiroeta arioro anedibeibitaita wei.

Joninu 8:2

Wai uriro Yesuma owerite taranite dera dubu suro amui. Amuiro uwara faiyawere farebitate guruguru utebitaro Yesuma yaubeda we mawetu utebi.

Joninu 8:3

Yesuma webina moana tarawatu tisa uwaraini Ferosi uwaraini ema moana emeba utebi aweta mutate woure Yesubai fata. Fatate i guruguru ubita uwaranu iboro ma inatate Yesuba weita, tisa amara, ewa aweta kerere usinuro erisite munisite iba Abai woure farisia weita.

Romani 2:15

Ema eno utaitana Godima i tarawatunu ubi emanu nenoro owawa ue odiba iba eno utaita. Godima eme nesia emanu nenoro feare ibetawere imueta nesia Yesu ma borobafite ido emabai koto derawere ufisu. Nana Godinu kobere sina eno watane enanari ufisu. I kowaro i uwaranu nenona emanu ere weta, ima emanu uetana siosawere wawei webisu aba emanu uetana kobererau eno webisu.

Romani 2:22

Dita yagera da fa waitade, ya dita yagera faraita aba me? I ba me godi ya unutawa waitade, i ba me godinu su ibaiabai waira utaita aba me?

1 Joninu 3:20

Yaini naini nenoma ya siosawere uwara torowa imutaisina yanu nenona kikiraturo Godi Dawana derawere. Dawa nesia iwata utasuba yanu nenoma imuetaba iya uyarawa uteda Godi imuegou utaisi.