Joninu 8:48 - Yareba

⁴⁸ Yesuma eno weiro i Ju uwarama Dawaba weita, eno waisi, Ana seitaninu mui siosa imumu bobo Samaria orofa amara waisi ina ba aba me weita?

Joninu 8:48 ပူးပေါင်းရင်းမြစ်များ

Matiunu 10:5

Yesuma i uwara tuero (12) siaia uteda sina eno we kakara ui, i Ju me aika uwarabai da aniawete i Samaria uwaranu su suro da aniawete i Isaraero uwara, i uwarana feareta mamoe ari, i uwarabai aniawe wei.

Matiunu 11:18

Joni babataito amarama farite ietaini ogoini itawa utebiba yana weita, dawa seitaninu mui siosa imumu bobo amara weita.

Matiunu 12:24

I Ferosi uwarama ina nautate weita, ewa amarama i botai siosa imumu Biesabonu bunaro torowa seitaninu siosa imumu we yowerasu weita.

Matiunu 12:31

Godima uwaranu neno neno uetaini siosa sina weta nesia mubite imutawa ufisu. Anama Godinu Imumu Kotofuba siosa sina webisuna Godima i siosa da mubite imutawa ufiro danu siosa ueta i amarabai daido ibeibisu.

Matiunu 15:7

Weite wei, ya meo meo ueta uwara! Bodere Isaiyama yaba ba we bou uteda wei, Godinu wei sina edono, ewa uwarana Naba bebeturoma waitate nenoma Na imutawa utaita.

Joninu 1:19

Ju uwarama fuyo ode sina weta uwaraini i dera dubu su yawoeta Riwai waita uwaraini Jerusaremu suroma siaia utaro Jonibai ane fatate weita, a anaiya, weitaro Jonima bunawere wei, nana Keriso me wei. Godima Dawa siaia ufiro fafite i Ju uwara durua ufisu. Nana i amara me wei.

Joninu 13:13

Yana Na Dera Waria Amaraini Tisa Amara waita. Yana ba waita, ina Na wei.

Joninu 4:9

Eno weiro i awetama wei, ana Ju amara. Aneba na Samaria su awetabai sina wasu wei? Aneba naba ogo mai ima wasu wei? Ju uwarama Samaria uwaraba sina wiawa utebaitaro nono aneba a naini sina webae wasu wei?

Joninu 7:20

Weiro i uwarama weita, Ana seitaninu mui imumu siosa bobo amaraba ana gogore bobo weita. Anama A ma uifisu weita?

Joninu 8:22

Weiro i Ju uwarama weita, Danu torowa Danu nodo tufisu aba? Aneba eno wasu, Nanu animau orofaro da aniboita wasu weita?

Joninu 8:52

Weiro i Ju uwarama Dawaba weita, abai seitaninu mui siosa imumu ibinuro ya iwata utaisi weita. Eibaramuini i we bou ueta uwara nesia uitaba aneba anama Nanu sina nauegou ufisuna da uifite me ibene ibene ibifisu wasu weita?

Romani 15:3

Keriso Dawa Danu torowa imutawa utebi. Godinu bukaro sinama eno wasu, moana uwarama Godiba sina siosa weda Naini webita eno wasu.

Iburu 13:13

Enoba ya i su barunaro Dawabai anibete i awe uyareta nesia Dawaini uruama woufeisi.

Jeimisinu 2:19

Yana Godi Dawa demurai imutaita. Ina kobererau. Nono seitaninu siosa imumuma enanari imutaitate iyareda iwura mamaita.