Joninu 8:37 - Yareba

³⁷ Yana Eibaramunu sisia uwara Na iwataro nono ya unutawa Nanu sina yaba weta iba yana Na ma uifoe utaita wei.

Joninu 8:37 ပူးပေါင်းရင်းမြစ်များ

Matiunu 13:15

Ewa uwaranu nenona imuegou utawa. Emanu omena nautawa utaita. Emanu ditina nautama diti bumu utasuro aibitae utaita. Enoba erawa utaitate nautawa utaitate nenoma iwawa utaitate Nabai owerawa utaitaba ema ma wirotawa utatane. Eno da ufitarona ema ma wiromane, Isaiyama eno wei.

Matiunu 3:9

Eno weite nono wei, me sara uyafote Eibaramu dawa yanu baba yana danu sisia uwara weboitana Godima Eibaramunu moana sisia uwara gebiroma ubu ufie imufisuna ubu ufisu wei.

Joninu 10:31

Yesuma eno weiba i Ju uwarama Yesu nono ma uifitae iba gebiro mutaro Yesuma wei, Nana Godinu buna ueta faiyawere yanu ditiro utebatane wei. Abo buna uetaba Na gebiroma ma uifoita weiro i Ju uwarama weita, Anu kobere uetaba da ufeisi weita. Ana Godiba sina siosa wenute Ana emero nono Godini Naini arotorowa wenuba iba gebiroma ufeisi weita.

Joninu 11:53

Enoba i dera Ju uwarama weita, Yesu Dawa ma uifeisi weita.

Joninu 5:44

Yanu ununa emema ya kobere uwara webitae utaitate nono Godima ya kobere uwara weta ya unutawa utaitaba iba Godi imutawa utaita.

Joninu 7:1

Yesuma i sina weite Kafenamu su ekodite Gareri orofa aboro aboro me inarebi. Dawa unutawa Judia orofaro aneta. I Ju uwaranu dera uwarama Danu uieta daba doberebitaba iba iro anawa ui.

Joninu 7:19

Bodere Mosesima danu tarawatu yaba mai. Nono i tarawatu yana imutawa utaitade aneba Na ma uifoe utaita wei.

Joninu 7:25

Yesuma eno weiba moana Jerusaremu su uwarama weita, ewana emanu ma uifitae weita amara aba me? Eno weitate weita, Dawa yabai sina derawere wasuro i uwarama wate mu utaita weita. Yanu dera uwarama Dana i Keriso we imutaita aba?

Joninu 8:33

Weiro weita, yana Eibaramunu sisia uwara moana uwarama ya yawotawaba aneba yanu sabua ueta arina me sibisu wasu weita?

Joninu 8:43

Aneba Nanu sina nautawa utaita? Ya unutawa Nanu sina weta iba yanu ome garari utaitate Nanu sina nautawa utaita wei.

Joninu 8:56

Yanu yamama Eibaramuma Nanu fareta kowa efie utebe farero erite yaru ui wei.

Joninu 8:59

Yesuma eno weiba i Ju dera uwarama gebiro mutate Yesu ma uifitae utaro Yesuma me ari uite dera dubu su ekodite ani.

Joninu 8:6

Yesu wenauefitate Yesunu webisu sina naufitate Yesu ue efitae iba eno weita. Eno weitaro Yesu ubiri tafu uteda agema sakairo owawa yanaina woroworo webita, wiaro naufe webitaba Yesuma uyarite wei, i neno neno utawa amarama i awetabai dana botai gebiro sabiro dawa uifisu weite yaurite nono tafu uteda agema sakairo nono owawa yanai.

Afosoro 13:26

Foroma wei, nanu kaka nabue, ya Eibaramunu sisia uwaraini ya Godiba iyaraita uwaraini nauawe wei. Godima ewa ma wiroeta sina yabai siaia uiro arinu wei.

Romani 9:7

Enoba ya eno da imufe. I Eibaramubairoma arebe are fari sisia, ema nesiana Eibaramunu ba sisia me. Godinu bukaroma eno wasu, Aisikibairoma anu sisia uwarama afitaita wasu.

1 Korinita 2:14

Godinu Imumu Kotofuma Danu buna matawa utasuba Godinu sina nautawa uwarama Godinu Imumu Kotofunu we mawetu ueta iwawa utaitate i we mawetu uetana me sara eno we imutaita. Godinu Imumu Kotofuma emabai ibawa utasuba ema Danu Kotofu sina iwawa utaita.

1 Joninu 2:14

Ya koiniboroma Baba Godi iwata utaitaba yaba owawa ue odatane. Ya dera uwarama i botai kowaro ibebe awona ibinu Amara iwata utaitaba yaba owawa ue odatane. Ya reka uwarama buna uteda i siosawere amara serigari utaitaba Godinu sina yanu nenoro ibinu. Yaba owawa ue odatane.