Joninu 7:37 - Yareba

³⁷ I ogaro ie me sinebita kowaro Yesuma yare wei, ana anama ogo nodo utaitana Nabai afote ifoe watane wei.

Joninu 7:37 ပူးပေါင်းရင်းမြစ်များ

Matiunu 11:28

Ya gaukara derawere utaitate urumuwere ego wouraita uwara ari, uwara ya Nabai arawero yaba imoieta mamaro imoiteda merau ibiawe.

Matiunu 3:3

Godinu we bou ueta amara Isaiyama i amaraba eno wei, dana eme ibawa orofaro sina we inareda wasu, i Dera Amaranu daba wabue moya uawe wasu, Isaiyama eno wei.

Matiunu 5:6

I uwara emanu ununa Godinu kobere imueta ari uegou ufitae ogoini ieta nodo wourebaita i ari utaita uwarana Godima ema durua ufiro enanari kobererau ufitate yaru ufitaita.

Joninu 1:23

Weitaro Jonima wei, Isaiyama naba weiya wei, nana i we bou ueta amara wei, enanari na eme ibawa orofaro eno watane, i Dera Waria Amaranu daba ma nabini ma rorowarau ue bou utebeawe watane, Isaiyama Joniba weiro Jonima i sina eno wei.

Joninu 14:6

Weiro Yesuma Tomasiba wei, Nana i urero aneta dabanu ubi, Nana i ba wetanu ubi nana i wiroetanu ubi iba mui amarama mui dabaroma Bababai da fafisu wei. Enoba Nana Bababai aneta daba demurai idoni wei.

Joninu 4:10

Weiro Yesuma wei, Godinu me maetaini i ogo mai ima watane amaraini a iwata ufarona nabai webaro aba i me ibene ibene ibeta ogo ari aba mamaro ifae wei.

Joninu 4:11

Eno weiro i awetama wei, abai ogo toretana me. Ewa ogo nasini ubare nubowere ibinuba me ibene ibene ibeta ogo ari aboro tofasu wei?

Joninu 4:14

Ana anama Nanu mamau ogo ifitaitana nono ogo nodo da ufitaita. Nanu mamau ogo gebiroro amutasu ubi erio ari, da yaraifisu. Enanari i ogo emanu nenoro ubi erio ari amufisu. I ogona me ibene ibene ibeta ariba da yaraifisu wei.

Joninu 5:40

Na imutawa utaitate Nabai yanu wiroeta fare munawa utaita wei.

Joninu 6:35

Yesuma emaba wei, Nana yanu me ibene ibene ibeta ieta. Ana anama Nabai fafitaitana i uwara osi da ufitaita wei. Ana anama Na imufitaitana ogo nodo da ufitaita, eno Yesuma weite wei, auboko Na yaba wene, yana Na eraitate imutawa utaita wene wei.

Joninu 6:37

Nanu Babama moana uwara Naba matasuba i uwara nesia Nabai fafitaitana da we yowemau wei.

Joninu 6:55

Nanu ofena ba ieta. Nanu iwana ba ogo wei.

Joninu 7:28

Weitaro Yesuma i Ju uwaranu dera dubu suro we mawetu utebe i sina nauite Yesuma nono derawere wei, Nanu suini Naini ya iwata utaisi waita? Eno weite wei, Nanu torowa Nanu unuro ewaro farawa uero Na siaia ui Godi Dawana ba. Yana Dawa iwawa utaita wei.

1 Korinita 10:21

Ya uwarama yanu Dera Waria Amaranu we ma kobererau ui kafusini yanu Babanu iwa ietaini seitaninu siosa imumunu ietaini nesia itaitana yana Godini ibawa yana seitanini ibaita.

1 Korinita 11:25

Emanu ieta ie me sitaro Yesuma i kafusi enanari munite wei, ewa waini kafusina Nanu unuro ue mataneta. Nanu onono iba itafisuba i reka unuro ue mataneta inare kimu ufisu. Ewa kafusiroma onono ifoitana Na imuawe wei.

1 Korinita 12:13

Godinu Imumu Kotofu Danu aikana ya uwara nesia mune ofe demurai ari ue odasu. Ya Ju uwaraini Guriki uwaraini aika uwaraini sabua ueta uwaraini me inaraita uwaraini Godinu Imumu Kotofuma ya nesia babataito uteda Yesu Kerisonu ofero odiro ofe demurai sisiro Dana yabai ibegou utasu.

Efesa 5:18

Beforo siosawere uosoro ya ma siosa uosoa kimu ogo da iawe. Eno da uawete kobererau uawe.

Jonibai We Ma Boroyari Sina 21:6

Dana nono wei, ina ido me sininu. Nana i kofirini buri, i botaini dubu. Anama ogo nodo ufisuna Nana i wiroeta erio ubiroma ogo mune dawaba me mamaro i wiroeta ogo ifite oi da mafisu.

Jonibai We Ma Boroyari Sina 22:1

I aneruma ma wiroeta ogo roatarau kurisa waita gebiro ari taritari uteda Godini i Reka Mamoenu dera yauretaroma fari wiroeta ogo mawetu uiro ere.

Jonibai We Ma Boroyari Sina 22:17

Imumu Kotofuini reka awetama arawe waisiro ana anama naufitaitana emaini arawe webaita. Ana anama ogo nodo ufote i wiroeta ogo ifoe ufoitana arawete iawe.