Joninu 7:35 - Yareba

³⁵ Eno weiba i Ju uwarama we mataneda weita, ewa Amara aboro anibiro dawa da atafeisi weita? Yanu we berasiro Guriki uwaranu orofaro anita uwarabai anibite ema we mawetu uteibisu aba?

Joninu 7:35 ပူးပေါင်းရင်းမြစ်များ

Matiunu 12:21

I Ju me aika uwarama Danu ifu naufitate Dawa naue imuegou ufitae Dawa yawoegou ufitaita, Isaiyama eno wei.

Joninu 12:20

Moana Guriki uwaraini i ogaro kowaro Godibai guriguri ufitae Jerusaremu suro manita.

Joninu 7:1

Yesuma i sina weite Kafenamu su ekodite Gareri orofa aboro aboro me inarebi. Dawa unutawa Judia orofaro aneta. I Ju uwaranu dera uwarama Danu uieta daba doberebitaba iba iro anawa ui.

Joninu 8:22

Weiro i Ju uwarama weita, Danu torowa Danu nodo tufisu aba? Aneba eno wasu, Nanu animau orofaro da aniboita wasu weita?

Afosoro 11:18

Weiro nautate Godi we ma kobererau uteda weita, aika uwarama Godibai fataro Godima ema ma wiroite me ibene ibene ibeta mai weita. Enoba aika uwara emanu unu Godibai fafitaitana fafitaita weita.

Afosoro 11:20

Moana Saifurasini Sairina waita naueta uwarama Anitiyoka suro anita.

Afosoro 14:1

Aikoniamu suro ane fasite Ju uwaranu dubu suro amusite Godinu sina bunawere weisi. Weisiro moana Ju uwaraini Guriki uwaraini nautate Godi imuta.

Afosoro 17:4

Eno bunawere weiro moana nautate ina Yesu Keriso eno we imutate iba Foroini Sairasibai ane taka uta. Moana Godi naueta dera Guriki uwara, emeini awetaboini emanu naueta Yesubai oitate emabai ane taka uta.

Afosoro 18:4

Sabate kowaro ainewaure Ju uwaranu dubu suro amutebiro Ju uwaraini Guriki uwaraini sina sina we matanebitaro moana Ju uwaraini Guriki uwarama Foronu sina nautebita.

Afosoro 21:21

Moana uwarama emaba weita, Foro dawa unutawa Mosesinu tarawatu weita. Foro dawa unutawa yanu Ju uwaranu baeta weita. Foroma eno wasu weita. Yanu amarararatunu ofe da tuawe wasu weitaro ewa Ju uwarama nauta, Godinu sina naueta uwarama Forobai i sina eno weita.

Afosoro 22:21

Wero wei, daba yafawere i Ju me aika uwarabai siaia umaro ania weiya wei.

Romani 1:16

Nana Godinu weta kobere sinaba maru utawa utatane. I sinana Godinu buna derawere sina. I buna sinama i nautaita uwara ma wirotasu. I Ju uwara ma wirotasute nono duburo emanu buribi i Ju me aika uwara ma wirotasu.

Efesa 3:8

Godinu naueta uwarabai nana derawere me, emana derawere. Godima i imutawa uteda Danu kobere sina gaukara naba maiba i aika uwaraba Yesu Kerisonu kobere ueta sineta imueta daido watane. Godima Danu kiwuma imueta anene ufisu iba eme nesiabai watane. Godi Dana i nesia ubu uite nono Danu kiwuma imueta bodere ma boroyarawa utebi.

Korose 1:27

Godi Danu unu Danu kobere imuetarau Danu naueta uwarabai webie utasu. Danu imueta ya Ju me aika uwarabaini webie utasu. Danu kiwuma imueta eno, Yesu Keriso Dawa yanu neno ubarero ibinuba i araetawere me ibene ibene ibeta orofaro aniboita iwata utaita.

1 Timotibai 2:7

Godima iba na Danu sina weta amaraini afosoro amara mune odi. Na meo wiawa, ba watane. Aika uwarama Godinu ba sina imufitate Dawabai wirofitae iba na emanu tisa amara we mune odi.

2 Timotibai 1:11

Ewa sina wemane iba Godima na Danu afosoro amaraini tisa amara we mune odiba iba uwarama naba siosawere utaita. Naba siosawere utaitaro na iwata Yesu Keriso, Dawa imutataneba maru utawa utatane. Yesu Kerisoma naba ane ane maiba ina awonaroma Danu fafisu kowaro Yesuma yawoegou uteibisu.

Jeimisinu 1:1

Na Jeimisi, nana Godini yanu Dera Waria Amara Yesu Kerisonu gaukara amara. Ya mui abua tuero (12) Isaraero uwara yanu ba su ekoitate orofa atata aika maikaro wo bogaru ue anitaba yaba ario sina weda ya uwarabai ewa owawa siaia umane iba owawa ue odatane.

1 Fitanu 1:1

Na Fita Yesu Kerisonu afosoro amarama ewa owawa ue ya Godinu we muneta uwara yaba owawa odeda wataneba yaba wemaro nauawe. Ya Ju naueta uwara yana yanu ba suini orofaini ekode moana orofa atata ifu ifu Fonitusi orofaini Gareisia orofaini Kafadosia orofaini Eisia orofaini Bitinia orofaini i orofa atataro wo bogaru ue anita uwara yaba owawa ue odatane. Godima Danu unu uite ya we mune odi. Godinu Imumu Kotofuma ya uwaranu neno ma rorowarau uina Yesu Kerisonu sina naufoe iba ui. Godi Dana Yesu Kerisonu ononoma yanu siosawere neno uroi. Yana Godinu unu nesia ufoe imutaita. Godi Dawa ya durua uteibite Danu wesa ueta yabai mateibiro yana wesarau ue ibeiboe watane.