Joninu 7:30 - Yareba

³⁰ Yesuma eno weiba i uwarama Yesu budari ufitae utaro Danu kowa farawa uiba Dawa mame munawa uta.

Joninu 7:30 ပူးပေါင်းရင်းမြစ်များ

Matiunu 12:14

Eno uiro i Ferosi uwarama wawaro itatate Dawa anene ufete ma uifeisi weda we matanebita.

Matiunu 21:46

Eno we imutate Yesu budari ufitae weita. Weitaro i guruguru ubita uwarama Yesu Godinu we bou ueta amara imutaba dera fuyo ode sina weta uwaraini Ferosi uwaraini iyatate ekoita.

Makanu 11:18

Weiro i dera fuyo ode sina weta uwaraini tarawatu tisa uwaraini i sina nautate Yesu ma uieta daba dobereda iyarebita. I uwara nesia Yesunu sina nauegou utebitaba iyarebita.

Rukanu 20:19

Yesuma i kasei sinana emanu sina webie imutate i tarawatu tisa uwaraini dera fuyo ode sina weta uwaraini Yesu budari ufitae utate i uwaraba iyataba ekoita.

Rukanu 22:53

Eno weite wei, i dera dubu suro yabai ibebitararo i kowaro Na budari utawa utate nono awonana yanu kowa. Awonana seitanima buna utasu wei.

Joninu 10:31

Yesuma eno weiba i Ju uwarama Yesu nono ma uifitae iba gebiro mutaro Yesuma wei, Nana Godinu buna ueta faiyawere yanu ditiro utebatane wei. Abo buna uetaba Na gebiroma ma uifoita weiro i Ju uwarama weita, Anu kobere uetaba da ufeisi weita. Ana Godiba sina siosa wenute Ana emero nono Godini Naini arotorowa wenuba iba gebiroma ufeisi weita.

Joninu 10:39

Yesuma eno weiba i uwarama Yesu budari ufitae weitaro Yesuma ema ekodite me ari uite aniro munawa uta.

Joninu 11:57

I dera fuyo ode sina weta uwaraini Ferosi uwarama auboko weita, anama i amara Yesu efisuna yabai are webiro naufe weita. I weita ina emanu ununa Yesu yabae budari ufitae iba eno weita.

Joninu 7:19

Bodere Mosesima danu tarawatu yaba mai. Nono i tarawatu yana imutawa utaitade aneba Na ma uifoe utaita wei.

Joninu 7:32

Eno weda gimumutaroma webitaro nautate i Ferosi waita uwara emaini i dera fuyo ode sina weta uwaraini forisimanima Yesu budari ufitae siaia utaro anita.

Joninu 7:6

Weitaro Yesuma emaba wei, Nanu buna ueta umau kowa farawaro yanu ueta utaita kowa ainewaure ido ibinu wei.

Joninu 7:8

Yanu torowa i ogaro aniboro Nanu kowa farawa uegou uiba Na awona iro da animau wei.

Joninu 8:20

Yesuma i sina dera dubu su oi muneta koruro weiro Danu kowa farawa uiba i Ju uwarama Dawa budari utawa uta.

Joninu 8:37

Yana Eibaramunu sisia uwara Na iwataro nono ya unutawa Nanu sina yaba weta iba yana Na ma uifoe utaita wei.

Joninu 8:59

Yesuma eno weiba i Ju dera uwarama gebiro mutate Yesu ma uifitae utaro Yesuma me ari uite dera dubu su ekodite ani.

Joninu 9:4

Na siaia ui Godinu gaukara kowa arioro sau ufero nono dumu sau sibisuna gaukara da ufeisi wei.