Joninu 7:14 - Yareba

¹⁴ I ogaro kowa rarogonu me siniro Yesuma i Ju uwaranu dera dubu suro amuite we mawetu ui.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Joninu 7:14
16 ပူးပေါင်းရင်းမြစ်များ

Matiunu 21:12

Yesuma i dera dubu su ubarero amui. Amuite oiya ue maeta uwaraini oiya ueta uwaraini yoweriro wawaro anita. Yesuma i oi moko mae matata uwaranu kaiyoini fuyo oita ubani karaini oiya ue mata uwaranu yauretaini mu saniro dowata.

အခန်းကိုကြည့်ပါ။

Matiunu 26:55

Eno weite i fata uwaraba wei, aneba Na waira ueta amara ari kaiyaini gorema muboe faraita? Kowa ainewaure dera dubu suro yaubeda yaba we mawetu utebitararo Na budari utawa uta.

အခန်းကိုကြည့်ပါ။

Rukanu 19:47

Yesuma kowa ainewaure dera dubu suro we mawetu utebi. Eno utebina i dera fuyo ode sina weta uwaraini i Ju uwaranu yawoeta uwaraini Yesunu ma uieta daba dobetana i uwara nesia Danu sina nauegou utaba Danu ma uieta daba atanawa uta.

အခန်းကိုကြည့်ပါ။

Joninu 18:20

Enoma enoma webiba Yesuma wei, kiwuma we mawetu utawa utebitara. I uwara nesiabai we mawetu utebe i Ju uwaranu dubu suini i dera dubu su ubarero we mawetu utebitararo i Ju uwarama Na nautebita wei.

အခန်းကိုကြည့်ပါ။

Joninu 5:14

Duburo Yesuma i Dana ma wiroi amara dera dubu suro atanite wei, Nanu sina naua wei. Awona a wirosinuba nono duburo siosa ueta da ufaro ufasuna i wouri oferi ari mui oferi deranono wouosoa wei.

အခန်းကိုကြည့်ပါ။

Joninu 7:2

I Ju uwaranu su kikiratu ue ieta daure ogaro ueta kowa ido fafie uiba Yesunu daburetama Dawaba weita, i Judia orofaro ogaro aniate buna ueta uaro anu buribi aneta uwara efita weita.

အခန်းကိုကြည့်ပါ။

Joninu 7:28

Weitaro Yesuma i Ju uwaranu dera dubu suro we mawetu utebe i sina nauite Yesuma nono derawere wei, Nanu suini Naini ya iwata utaisi waita? Eno weite wei, Nanu torowa Nanu unuro ewaro farawa uero Na siaia ui Godi Dawana ba. Yana Dawa iwawa utaita wei.

အခန်းကိုကြည့်ပါ။