Joninu 5:5 - Yareba

⁵ Nono mui amarana oya toti eita (38) oferi woureda me ainibebi.

Joninu 5:5 ပူးပေါင်းရင်းမြစ်များ

Makanu 9:21

Eno utebiba Yesuma i amakanu danu damamaba wei, kowa abo abo eno utasu wei? Weiro wei, kikiraturoma dana eno utebe daisininu wei.

Rukanu 13:16

Eno utaitaba ewa aweta Eibaramunu sisia aruma, seitanima dawa oya eitini (18) ma arama uiro ibasu iba dawa sabate kowaro wirofisu aba me wei?

Rukanu 8:43

Mui awetaini ani. I aweta ofe derawere woureda oya tuero (12) onono munebi. Oya tuero (12) onono munedaba dogetabai inarebe danu oi sane me siniro wirotawa ui.

Joninu 5:14

Duburo Yesuma i Dana ma wiroi amara dera dubu suro atanite wei, Nanu sina naua wei. Awona a wirosinuba nono duburo siosa ueta da ufaro ufasuna i wouri oferi ari mui oferi deranono wouosoa wei.

Joninu 5:4

Mui kowa kowaro aneruma ogoro itareda ogo ma taritari utebina i botai ogoro itarebi amarama wirotebi).

Joninu 5:6

Dawa eno ainibebiro Yesuma farite ereda wei, dawa kowa faiyawere ainibebasua we imuite wei, anu ununa wiroeta wei? Weiro i oferi wourebi amarama wei, Dera Waria Amara, ogo taritari utebasuna na ogoro woure tare oeta amara meba mui amara dawa ko itarebasu wei.

Joninu 9:1

Mui kowaro Yesuini Danu iwata ueta uwarama inarebitaro mui amara danu danuama dawa muni kowaroma diti basugari bobo ido yaubi.

Joninu 9:21

Anene erasu ari, wana iwata me. Dawa dera amaraea dawabai wenaueawe weisi.

Afosoro 14:8

Mui Risita su amara danu buri takami uiro anawa, dawa danu muneta kowaroma buri anawa eno ibebi.

Afosoro 3:2

Guriguri ufisie anebisiro mui amara danu danuama dawa muni, iroma buri arama uiba moana uwarama dera dubu su kobere kasimubai woure ane odebitaro yaubeda oi nui webi.

Afosoro 4:22

I wiroi amarana reka amara me. Danu oyana foti (40). Kanisoro uwarama buna derawere sina we kakara utate fanisi matawa uteda me siaia utaro anita.

Afosoro 9:33

Tare farite mui buri badami uiro inarawa me ibebi amara eri. I amarana oya eita (8) inarawa wiaro ainibebi.