Joninu 5:34 - Yareba

³⁴ Jonima Naba wasuna ina idorogo nono Nanu torowa i sina wataneba ya nesia Na naue imue ufote wirofoita wei.

Joninu 5:34 ပူးပေါင်းရင်းမြစ်များ

Rukanu 13:34

Eno weite wei, O Jerusaremu su uwara, Jerusaremu su uwara, yana Godinu we bou ueta uwara ma uitaitate Godinu siaia utasu uwara gebiroma uraita. Kokora awetama danu nanatu fakinama obari utasu, enanari Nanu ununa ya Jerusaremu su uwara yawotatanero ya unutawa Nanu yawoeta wei.

Rukanu 19:10

I Ba Eme Sini Amarama dawaini i feareta uwara dobefite ma wirofie iba farinua wei.

Rukanu 24:47

Godinu wiroeta sina i orofa atata uwara nesiabai we inareibitaita. Anama danu neno neno dubena afu sabisuna Godima danu ba me ueta mubite imutawa ufisu. I sina Jerusaremu suroma aboro aboro we inareibitaita eno owawa ue oita.

Joninu 20:31

I owawa ode buna ueta efote Yesu Dana Godinu we mune odi Amara, Dana Godinu Amara imufote me ibene ibene ibifoita.

Joninu 5:32

Yanu uwara Jonibai siaia utaro Jonibai fataro Nanu sina ba weiro nauta. Nautate owetate yabai fatate weitaro nauta Yesuma wei. Joninu sinana emenu sina.

Joninu 5:41

Emema Naba kobere sina waitana Na unutawa i sina weta.

Joninu 8:54

Eno weitaro Yesuma wei, Nanu torowa Na we ma kobererau umauna ina ba me. Ya eno waita, Godina yanu Baba waita, i Godima Na we ma kobererau utasute Na ma derawere utasu wei.

Romani 10:1

Naiyemutu, nanu unu derawerena Godima Danu fanisi uetaroma i Isaraero uwara ma wirofie watane. Eno imuteda iba Godibai guriguri utebatane.

Romani 10:21

Nono Godima i Isaraero uwaraba wasu, i gifena wasai ueta uwara emaba Nanu age woroworo fisu uteda Nabai arawe webatane, wasu.

Romani 12:21

Siosa ueta ya da arisiafiro kobere ueta uegou uawete ima i siosawere ueta arisiawe.

Romani 3:3

Moana Ju uwaranu naueta ba me. Emanu ba me nauetama Godinu ba we bou ueta ma siosa ufisu aba me?

1 Korinita 9:22

I imueta buna me uwarabai ibedana buna me ari ue ibatane. Moana uwara Godibai wirofitae iba uwara nesia ari ibatane.

1 Timotibai 4:16

Anu ueta sinetaini we mawetu uetaini kobererau uegou ufaro! Kobererau uteibasuna Godima aini anu sina naueta uwaraini durua ufiro yanu ibeta merau ibifoita.

1 Joninu 5:9

Yana emenu waita sina nautaisi. Nono Godinu wasu sinana derawere emenu waita sinana kikiratu. Godima wei, Yesu Keriso Dawa Nanu Amara weiba ya nauegou utaisi.