Joninu 5:22 - Yareba

^22-23 Godima uwara koto utawa utasute i gaukara Danu Amaraba masinuro utasuba eme nesia Godi Dawa we ma kobererau uteda waitana enanari Yesu we ma kobererau uteda webitaita wei. Anama Danu Amara we ma kobererau utawa utasu enanari Danu Damama we ma kobererau utawa utasu wei.

Joninu 5:22 ပူးပေါင်းရင်းမြစ်များ

Matiunu 16:27

I Ba Eme Sini Amaraini Danu aneruini ema Danu Damamanu bunaini araetaro fafisuna uwara nesia ane ane utaitaba emaba enanari moko mafisu wei.

Matiunu 28:18

Yesuma emabai farite wei, Godima buna derawere Naba masinuba ureini nasini yawotatane.

Joninu 17:2

Ana Naba weiba ewa orofa atata uwara nesia yawotataneba Ana Nanu age duro odi i uwara me ibene ibene ibeta emaba mamane watane wei.

Joninu 3:35

Godinu neno Danu Amarabai ibinuba Godima ane ane nesia Yesunu age duro odi wei.

Joninu 5:27

Godinu Amarana Ba Eme Sini Amaraba Godima Dawa buna maiba eme nesia koto utasu wei.

Joninu 9:39

Yesuma wei, dera koto umane iba ewa orofaro fare wei. Enoba i diti basugari uwara efitae farete i eraita uwara diti basugari ufitae fare wei.

Afosoro 10:42

Yesuma yaba wei, aniawete uwara nesiaba eno wiawe, i uieta uwaraini me ibeta uwaraini nesina Nabai koto ufitaita wiawe wei. Nana Godinu we mune oeta Amaraba iba ema koto umau wiawe wei. I we bou ueta uwara nesina Yesuba eno weita, Yesu Kerisoma eme nesiaba uiba ana anama Yesu imuegou ufitaro Godima emanu ba me ueta mubite imutawa ufisu weita, Fitama wei.

Afosoro 17:31

Godima, Danu odi kowaro, ewa orofa atata uwara nesia mui amarabai rorowarau koto ufisu wei. I Amarama uietaroma ma uyariba ya nesia iwata ufene iba eno ui wei.

2 Korinita 5:10

Yesu Keriso ewaro fafisuna ya nesia Danu yaureta gigirariro inafero Yesuma yanu ewa ofero ibeda utaisi ueta sineta ereda kobererau ueta sinetaba kobere moko mafite siosawere ueta sinetaba siosa moko mafisu. Enoba ya Yesu Kerisonu unu torowa utaisi.

2 Timotibai 4:1

Yesu Keriso Dawa fafite Danu yawoeta orofa ma uyafisuna Dawa uwara nesia, uieta uwaraini me ibifitaita uwaraini koto ufisu. Dawaini Godinu iboro inaibeda aba sina bunawere wemaro naua.

1 Fitanu 4:5

Godi Dawa ue bou utasuba i uitaita uwaraini me ibinita uwaraba koto ufisuba Dawa i uwarabai emanu siosawere uetaba wenauefiro Dawaba moko webitaita.