Joninu 5:18 - Yareba

¹⁸ Yesu eno weiba ubusi uyatate Yesu ma uifitae uta. Yesuma sabate kowa imutawa uite wei, Godina Nanu Baba weiba Godini Dawaini weda we ma arotorowa uiba iba ubusi uyata.

Joninu 5:18 ပူးပေါင်းရင်းမြစ်များ

Matiunu 12:5

Godinu tarawatu bukaro dera fuyo ode sina weta uwarama Godinu sabate kowa ma siosa utebita sina ibinuro ina yawitaita aba me wei? I uwarama Godinu sabate kowa ma siosa uteda enanari Godinu tarawatu ma siosa utebitana nono Godima emabai kerere odawa ui wei.

Joninu 1:19

Ju uwarama fuyo ode sina weta uwaraini i dera dubu su yawoeta Riwai waita uwaraini Jerusaremu suroma siaia utaro Jonibai ane fatate weita, a anaiya, weitaro Jonima bunawere wei, nana Keriso me wei. Godima Dawa siaia ufiro fafite i Ju uwara durua ufisu. Nana i amara me wei.

Joninu 10:30

Nanu Babaini Naini wana demurai wei.

Joninu 14:23

Weiro Yesuma wei, ana anama emanu neno Nabai odifitate Nanu sina nauegou ufitaro Nanu Babama emabai Danu neno odifiro Dawaini Naini emabai ibifutu wei.

Joninu 14:9

Weiro Yesuma wei, Firifi, yabai kowa faiyawere ibebitarade, aneba Na iwawa utaita wei? Anama Na erinute Nanu Baba erinu wei. Aneba yanu Baba Godi we mawetu ua wenu wei?

Joninu 19:7

Weiro i Ju uwarama moko weita, yabai tarawatu ibinu weitate weita, Dawa Nana Godinu Amara weiba yanu tarawatuba uifisu weita.

Joninu 5:15

Weiro i amara Yesu kodite, i Ju uwarabai anite wei, Yesuma na ma wirosinu wei.

Joninu 5:16

Weiro nautate Yesu sabate kowa ma siosa usinu we imutate Yesuba ibo uta.

Joninu 5:17

Eno utaro Yesuma emaba wei, Nanu Baba kobere gaukara utebasuba Nana kobere gaukara utebatane wei.

Joninu 7:1

Yesuma i sina weite Kafenamu su ekodite Gareri orofa aboro aboro me inarebi. Dawa unutawa Judia orofaro aneta. I Ju uwaranu dera uwarama Danu uieta daba doberebitaba iba iro anawa ui.

Joninu 7:19

Bodere Mosesima danu tarawatu yaba mai. Nono i tarawatu yana imutawa utaitade aneba Na ma uifoe utaita wei.

Joninu 8:54

Eno weitaro Yesuma wei, Nanu torowa Na we ma kobererau umauna ina ba me. Ya eno waita, Godina yanu Baba waita, i Godima Na we ma kobererau utasute Na ma derawere utasu wei.

Joninu 8:58

Eno weitana Yesuma wei, boderewere Na ko ibebitararo danu danuama Eibaramu dawa duburo muni wei.

Jonibai We Ma Boroyari Sina 22:1

I aneruma ma wiroeta ogo roatarau kurisa waita gebiro ari taritari uteda Godini i Reka Mamoenu dera yauretaroma fari wiroeta ogo mawetu uiro ere.

Jonibai We Ma Boroyari Sina 22:3

Iro ba me aramawere ibaiabaina me. Irona Godini i Reka Mamoenu dera yaureta ibifiro Danu gaukara ueta uwarama Dawabai guriguri uteibitaita.