Joninu 4:10 - Yareba

¹⁰ Weiro Yesuma wei, Godinu me maetaini i ogo mai ima watane amaraini a iwata ufarona nabai webaro aba i me ibene ibene ibeta ogo ari aba mamaro ifae wei.

Joninu 4:10 ပူးပေါင်းရင်းမြစ်များ

Rukanu 11:13

Ya siosa uwarana yanu koiniboroba kotofu maeta mataitana ana anama wenauefitaitana yanu urero ibinu Babama Danu Imumu Kotofu yaba maegou ufisu wei.

Joninu 16:3

I uwarana Nanu Babaini Naini iwata meba iba eno ufitaita wei.

Joninu 17:3

I me ibene ibene ibetana i ari, ana anama A, i Ba Godini, Na, Yesu Keriso, Anu siaia ui Amaraini imufitaitana emana me ibene ibene ibifitae watane wei.

Joninu 3:16

Godima i orofa atata uwara nesia neno arama derawere uite Danu Amara ubi yabai maiba anama danu naueta Dawabai odifite dawa me sara da uifite urero me ibene ibene ibeibisu wei.

Joninu 4:14

Ana anama Nanu mamau ogo ifitaitana nono ogo nodo da ufitaita. Nanu mamau ogo gebiroro amutasu ubi erio ari, da yaraifisu. Enanari i ogo emanu nenoro ubi erio ari amufisu. I ogona me ibene ibene ibeta ariba da yaraifisu wei.

Joninu 6:35

Yesuma emaba wei, Nana yanu me ibene ibene ibeta ieta. Ana anama Nabai fafitaitana i uwara osi da ufitaita wei. Ana anama Na imufitaitana ogo nodo da ufitaita, eno Yesuma weite wei, auboko Na yaba wene, yana Na eraitate imutawa utaita wene wei.

Joninu 6:51

Anama i ieta ifisuna me ibene ibene ibifisu wei. I ieta matataneba i orofa atata uwara nesia ifitate me ibene ibene ibifitaita, i ietana Nanu ofe wei.

Afosoro 9:11

Weiro Yesuma wei, uyate ane daba rorowarau ane Judasinu su ubarero amua. I suro amuate i Tarasu su amara Soro aboro wia wei. Soro iro ibeda guriguri utasuba dawa atafasu wei.

Romani 8:32

Godima Danu Amara ubi ma wawi utawa uite odiro yaba tare uiba enanari ya iwata Godima yaba ane ane nesia da ma feafite maegou ufisu.

1 Korinita 1:30

Godima yaba Yesu Keriso mairo muta. Enoba Yesuna yanu me ibene ibene ibetanu ubi Amara sini. Godima weiba Yesu Keriso Dana yanu iwata ueta Amara sinite Danu torowa ma kobererau uetaro merau ibeta Amara sinite Dana ya ma rorowarau ue Godinu iboro ma inareta Amara sinite me kakara uegou uetaini Dana yanu yanu wiroeta ubi Amara sini.

2 Korinita 9:15

Nono awonana Godibai Danu kobere me maeta, mui me maetana eno me, Danu wiroetaba watane. Iba Godiba we ma kobererau ufene watane.

Efesa 2:8

Godi Danu torowa ya durua uteda me ma wirotasuro yanu naueta Godibai odaita. Ya yanu torowa ma wirotawa yanu wiroetana Godinu me maeta.

Iburu 6:4

Godinu sinama moana uwaranu imueta ma ario ufisu. Eno ufiro emana i urenu wiroeta mubitaro Godinu Imumu Kotofuma emabai ibifisu. Emabai ibifiro emana Godinu kobere sina ieta inono ufitate i duburo fafisu buna ueta iwata ufitate nono nesia ekodifitaitana anene ema ma owefiro emanu neno neno ueta dubena afu sabitaita? Eno ufitaitana emana Godinu Amaraba sina siosawere eme ditiro webitate Dawa korosiro nono ure odifitate Dawaba dubena sabitaitaba ema da ma owefiro emanu neno neno ueta dubena afu daido da sabitaita.

1 Joninu 5:20

Godinu Amarama ewaro tararite yaba iwata derawere mateda Dawa iwata ufene iba tarari. Yana i ba Amara, Godinu Amara Yesu Kerisobai ibinisi. Ewa Yesu Keriso Dawana Godi. Ewa wiroetana me ibene ibene ibeta. Ina nesia ya iwata utaisi.

Jonibai We Ma Boroyari Sina 21:6

Dana nono wei, ina ido me sininu. Nana i kofirini buri, i botaini dubu. Anama ogo nodo ufisuna Nana i wiroeta erio ubiroma ogo mune dawaba me mamaro i wiroeta ogo ifite oi da mafisu.

Jonibai We Ma Boroyari Sina 22:17

Imumu Kotofuini reka awetama arawe waisiro ana anama naufitaitana emaini arawe webaita. Ana anama ogo nodo ufote i wiroeta ogo ifoe ufoitana arawete iawe.

Jonibai We Ma Boroyari Sina 7:17

Aneba eno ufitaita? I dera yaure yawoetanu orofabai inaibinu Reka Mamoe Dana ema yawoegou ufite Dana ema woure ane ogonu fareta kabesiro i me ibene ibene ibeta ogobai odifiro ifitaita. Nono Godima emanu inodi maitufiro nono duburo i da webitaita wei.