Joninu 3:19 - Yareba

¹⁹ Aneba eno koto ufisu? I orofa atata uwara nesiabai ario derawere fariro i uwara unutawa ario fareta. Emanu ueta sineta siosawereba iba emanu ununa dumu iba koto ufisu.

Joninu 3:19 ပူးပေါင်းရင်းမြစ်များ

Rukanu 12:47

Mui gaukara amarana danu dera amaranu imueta iwata ufite i wene sina enanari da ufisuna i dera amarama i amara isuma derawere ufisu wei.

Rukanu 16:14

I Ferosi uwaranu ununa oi. I uwarama Yesunu sina nauteda Yesuba sina siosa weita.

Joninu 1:4

I me ibene ibene ibetana Yesu, Danu. I me ibetana ario ari. Emema i ariobai faraitate iwata utaita.

Joninu 1:5

I ario derawere utasute dumu garari utasuro ido me ari utasu. Dumuma i ario garari utawa utasu.

Joninu 12:43

Emanu ununa emenu we ma kobererau ueta. Ema unutawa Godima ema we ma kobererau ueta iba emebai Yesunu sina wiawa uta.

Joninu 12:46

Na ewa orofa atatanu ario ari umane iba ewaro fareba anama Na naue imue ufisuna dumuro da ibifisu wei.

Joninu 5:44

Yanu ununa emema ya kobere uwara webitae utaitate nono Godima ya kobere uwara weta ya unutawa utaitaba iba Godi imutawa utaita.

Joninu 7:17

Anama Godinu unu uegou ufisuna dawa eno iwata ufisu, Nana Godinu imueta watane o Nanu imueta watane, dawa iwata ufisu wei.

Joninu 7:7

I orofa atata uwarama yaba neno ka utawa utaita. I uwaranu siosa uetaba wataneba Naba neno ka utaita wei.

Joninu 8:12

Mui kowaro Yesuma i dera dubu suro yaubita uwaraba wei, Nana ewa orofa atatanu dera nanefa ario ari. I orofa atata uwara nesia we mawetu utataneba iba Nana emanu dera ario ari. Nanu buribi afitaita uwarana dumuro da inareibitaita. Enoba Nanu wiroeta arioro anedibeibitaita wei.

Joninu 9:5

Ewa orofa atataro ibedana Nana ewa orofa atatanu ario ari wei.

Romani 1:32

I uwara ema iwata, anama eno ufisuna Godima dawa koto ufiro uifisu. Ina ema iwata utaitarogo ekodawa daido utedibaita. Nono moana uwarama enanari utaitana ema yaru utaita. Emanu yaru uetana siosararabo utaita.

Romani 2:8

Anama emanu unu torowa utedana kobere ueta ekodaitate siosawere utebaitana Godima emaba ibo derawere uteda fanisi derawere mafisu.

2 Tesaronaika 2:12

I uwarama meo sina naufitate Godinu ba sina da naufitate emanu unu ba me uegou ufitaitaba Godima ema koto ufite fanisi mafisu.

1 Fitanu 2:8

Godinu bukaroma nono eno wasu, i gebirona emenu ure baidaureta gebiro. Ina eme ma ureieta gebiro, eno wasu. I uwarama Godinu sina nautawaba iba ure baidauraitate ane ureitaita i ari. Godima wasu, anama eno ufisuna dawa ure baidaufite ureifisu wasu.

2 Fitanu 3:3

Ewa sina imue eawe. I dubu kowaro emema uyafitate Godinu kotofu sinaba irufitate emanu unu torowa ufitaita.