Joninu 20:19 - Yareba

¹⁹ I kowana Sade kowa, yawi siniro i iwata ueta uwarama suro yaubita. I uwarama Ju uwaraba iyataba kasimu garari uta. Kasimu garari utaro Yesuma i su ubarero emabai me ari uite inaibeda wei, iya da uyawete merau ibiawe wei.

Joninu 20:19 ပူးပေါင်းရင်းမြစ်များ

Matiunu 18:20

Nanu sina naueta uwara sadei aba rarogonu aboro aboro Nanu ifu weda ibeibitaitana iro emabai ibeimau wei.

Makanu 16:14

Nono duburo Danu uwara ireweni (11) ieta iteda yaubitaro emabai ane fari. Farite Danu torowa ma boroyarite emanu imutawa uetaini neno kimu uetaini ieta uwaranu emaba are weita sina nautawa uetaba dua sina wei.

Joninu 14:27

Wesarau ueta yabai odeda ina Nanu wesarau ueta yaba matatane. Ina i orofa atata uwaranu wesarau ueta arina me. Neno siosa da uawete iya da uyawe wei.

Joninu 16:22

Enanari awonana yabai yaru me. Duburo ya emauna nenoma yaru uforo yanu yaru yabairoma moana uwarama da ma dare mubitaita wei.

Joninu 16:33

Nana wene sinana yanu neno Nabai odifote kobererau ibifoe iba wene. Ewa nasiniro ibedana oferi woureiboita. Nono Nana ewa nasininu ueta sinetaini ibaiabai nesia arisiareba iba inare kimu uawe wei.

Joninu 20:21

Yesuma emaba nono wei, merau ibiawe wei. Nanu Baba Na siaia ui enanari Nana ya siaia utatane wei.

Joninu 20:26

Kowa eita (8) me siniro i iwata ueta uwaraini Tomasini suro nono yaubita. Kasimu garari utate yaubitaro Yesuma nono emabai me ari uite inaibeda wei, iya da uyawete merau ibiawe wei.

Joninu 21:1

Yesuma Danu torowa Gareri mesauro nono emabai fariro Danu iwata ueta uwarama Dawa eta. Ina eno ui.

Joninu 21:14

Yesuma uietaroma uyarite Danu iwata ueta uwarabai kowa sadei fariro eta. Etaro inarebe ewana nono ane fariro eta.

Joninu 7:13

I Ju dera uwaraba iyatate iba gimumutaroma webita.

Afosoro 1:3

Yesuma ba uite uietaroma uyarite emaba Danu torowa ma boroyariba Dawa uitawa awonana urero me ibinu. Dana emabai sakara demurai kowa teni, ina nesia kowa foti (40), ibeda Godinu yawotasu orofaba weda wei, Jerusaremuro ibeda aika da aniawe wei. Nono emaba wei, ewaro yawoawe weite wei Godinu we bou ui sina bodere wero nauta enanari ufisu wei.

Romani 15:33

I wesarau utasu Godi Dawa yabai ibifie watane. Nanu sina ido.

1 Korinita 15:5

Yesuma uietaroma uyarite Fitabai fariro eri. Nono i mui iwata ueta uwara tuerobai (12) fariro eta.

Efesa 2:14

Yesu Keriso Dawa Danu wesa ueta maite Dana yanu wesa ueta ari siniba wesarau ibinisi. Dawa ya nesiaba uite i Ju uwaraini aika uwaraini yana uwara demurai ari ma aine odi. Enoba bodere i Ju uwaraini aika uwaraini emaba wasai utebita. Awonana ya wesarau ibeda yanu naiyemutu waisi.

Efesa 6:23

Yanu Baba Godini yanu Dera Waria Amara Yesu Kerisoini Emana ya durua ufisisiba yana wesarau ue ibeda i naueta uwara nesia emaba neno arama ufote yanu naueta Godibai odifoe iba watane.

Firifai 1:2

Yanu Baba Godini yanu Dera Waria Amara Yesu Kerisoma ya durua ufisite emanu wesa ueta yaba mafisiro merau ibifoe watane.

2 Tesaronaika 3:16

Yanu Dera Waria Amarama yaba Danu wesa mafiro ya aboro aboro woroworo merau ibeiboe watane. Yanu Dera Waria Amarama yabai ibifie watane.

Iburu 7:2

Eno uiro Eibaramuma danu ibaiabai bebere aika maika odi. Odite i teniroma demui demui munite Mekisidekiba mai. Mekisidekinu botai ifunu ubina rorowarau yawoeta kini. Dana Seiramu orofanu kiniba danu mui ifunu ubina wesarau ueta kini.

Jonibai We Ma Boroyari Sina 1:4

Na Joni, nanu sina ya Eisia orofaro dubu su seweni (7) ibinita uwaraba owawa ue odatane. Nanu ununa Godi Dana boderewere ibebe awonaini daido ibinu, nono duburo fafisu, Dawaini Dana i urero dera yaubetabai ibinu Amara, Dawana Godinu botai uietaroma uyari Amara, Dawana i orofa atata yawoeta dera uwaranu yawoeta dera kofiri. Nanu ununa Godini Imumu sewenini Yesuini emana yaba kobererau durua ufitate emanu wesarau ueta yaba mafitae watane. Yesu Keriso Dana ya uwara nesiaba neno arama uteda yaba uiro Danu onono itariba Dana ya nesia yanu siosawere uetabairoma mune aika odi. Dana ya uwara nesia dera yawoeta uwaraini Danu Damama Godinu fuyo ode sina weta uwara we mune odiba Dawabai buna derawereini araeta derawereini me ibene ibene ibifie watane, nanu sina ido.