Joninu 2:11 - Yareba

¹¹ I buna uetana Yesunu botai buna ueta. I buna uetana Gareri orofa Keina suro uite Danu dera buna ma boroyariro Danu iwata ueta uwarama Dawa imuegou uta.

Joninu 2:11 ပူးပေါင်းရင်းမြစ်များ

Joninu 1:14

I Sinana eme sinite yabai ibeda Dana yaba neno arama derawere uteda ba sina wei. Danu araetarau ya esi. Dawa Godinu amara ubiba Dana araetawere.

Joninu 1:17

Mosesima Godinu tarawatu yaba mairo nono Yesu Kerisoma yaba Godinu neno arama uetaini ba sinaini mai.

Joninu 1:43

Etei mui kowaro Yesuma Gareri orofaro anibie uite Firifi doberebe atanite wei, Nanu buribi ara wei.

Joninu 1:50

Weiro Yesuma wei, anu boruba ana ubiro inaibeta enete weneba iba eno imutasu? Mui buna ueta derawere ewa ari me duburona derawere efasu wei. Weite nono emaba wei, Nanu ba sina nauawe wei. Duburo ure eba ufiro Godinu aneruma na, Ba Eme Sire Amarabai tarareibitate urero amutebitaro efoita wei.

Joninu 10:41

Eme faiyawere Yesunu sina naufitae Dawabai fatate emanu emanu weita, Jonima buna utawa uite anene Yesuba wei i sinana ba weita.

Joninu 11:15

Na botai iro anawa ueba iro animate buna ueta derawere umauna yanu imueta ma buna ufoitaba iba yaru utatane weite wei, dawabai anibe wei.

Joninu 11:47

I eno ueta sina nautate iba i dera fuyo ode sina weta uwaraini Ferosi uwarama weita, kanisoro mitini ufe weitaba i kanisoro uwara ido fare guruguru uta. Ido fare guruguru utaro weita, i Amarama buna ueta faiyawere utasuba anene ufeisi weita?

Joninu 12:18

Nautaba iba i uwara nesia Yesu atafitae anita.

Joninu 12:37

Yesuma buna ueta faiyawere utebiro erebitate nono imutawa utebita.

Joninu 12:41

Isaiyama Yesunu bunaini araeta erite iba eno wei.

Joninu 14:13

Ane Nanu ifuro wenauefitaro eno umaro Godinu buna Nabai efitaita wei.

Joninu 16:30

Ana nesia iwata utasute yanu wenauereta iwata utasuba iba da wenauefeisi weita. Enoba Godima A siaia ui, imutaisi weita.

Joninu 2:1

Kowa sadei me siniro Yesunu danua mui aweta muneta amaranu ogaroba Gareri orofa Keina suro ane yaubi.

Joninu 2:23

Yesuma Godima Isaraero uwara Ijifiroma woure aneta ogaro kowaro Jerusaremu suro ibebiba moana uwarama Danu buna ueta etate Dana Godinu Amara naue imue uta.

Joninu 3:2

Dawa dumuro Yesubai are farite wei, Rabai, Ana Godibairoma farite Danu sina wasuba ya iwata utaisi wei. Godima A siaia uiba fare ewaro buna ueta utasuba Ana Godibairoma fari ya iwata utaisia wei.

Joninu 4:3

I Dera Amara Yesuma i Ferosi uwaranu imueta iwata uite Judia orofa ekodite owerite nono Gareri orofaro ani.

Joninu 4:46

Yesuma ane Gareri orofa Keina suro fari. Bodere i Keina suro Yesuma ogoma waini ui. Yesu iro fariro Yesu Judiaroma Keina suro farinu weitaro mui Kafenamu gaemani amara naui. I Kafenamu gaemani amaranu amararatu ofe derawere wourite uifie utebiba Yesubai are farite wei, arate nanu amararatu ma wiroa nui wei.

Joninu 4:54

Yesuma Judiaroma Gareriro farite ewa buna uetaini mui buna uetaini i buna ueta sadei ui.

Joninu 6:14

I ieta ita uwarama i buna ueta etate weita, i amara, Dawana Godinu we bou uite fafisu wei amara idoni weita.

Joninu 6:2

Yesu ido yofere aniro uwara faiyawere Danu buribi anita. I uwarama Yesunu bunama ofe aika maika ma wirotebiro etaba Danu buribi anita.

Joninu 6:26

Weitaro Yesuma wei, Nanu ba sina wemaro nauawe wei. Nanu buna ueta imutawa utaitate nono buredini erio egini ie me sitaba iba Nabai ibifoe utaita wei.

Joninu 6:30

I uwarama Yesuba weita, ane buna ueta ufaro efete A naue imue ufeisi weita? Ane gaukara ufasu?

Joninu 7:31

I dera dubu suro guruguru ubita uwara faiyawere emanu naueta Yesubai oitate eno weita, ewa Amarana i Mesaia. Mui amarama duburo fafisuna danu uetama ewa Amaranu buna ueta serigari da ufisu weita.

Joninu 9:16

Weiro moana Ferosi uwarama weita, sabate kowa imutawa utasuba dawa Godibairoma farawa weitaro moanama weita, mui siosa ueta amara eno da ufisu weita. Enoba abanaro saragari utaba nono i amaraba weita, anu diti ma wirosinu amaraba ane wasu? Weitana Dana Godinu we bou ueta Amara wei.

2 Korinita 3:18

Ya nesia yanu ibo nawata garari utawa uteda i Dera Waria Amaranu araeta ariowere eraisite Dawa ari sibene uteda ainewaure enanari utaisi. Yana ato ari iba tiriri utaisiro emema i Dera Waria Amaranu araeta eraita. I Dera Waria Amarana Imumu Kotofu. Dana yaba durua utasuba eno utaisi.

2 Korinita 4:17

Yaba siosawere utaitaro, ina imutawa utaisi. Ina yabai daido da ibifisu. Ima ya ue bou bou utasuba Godinu araetawere ario nesia daido mubeisi.

2 Korinita 4:6

Godi Dawa torowa iba weiro dumuroma ario fari. Dawa yanu neno ubarero ario unono utasuba Danu Amara Yesubai ibinu araetawere eraisi.

1 Joninu 5:13

Godinu me ibene ibene yabai ibinu imuegou ufoe iba ya Godinu sina nautaita uwaraba ewa owawa ue odatane.