Joninu 17:14 - Yareba

¹⁴ Anu sina Nanu uwara emaba webitararo nautebita. I orofa atata nautawa uwaranu imueta imutawa utatanero Nanu uwaraini enanari imutawa utaitaba iba i orofa atata nautawa uwarama ema neno ka utaita watane wei.

Joninu 17:14 ပူးပေါင်းရင်းမြစ်များ

Makanu 10:39

Weina aiwiade enanari ufutu weisi. Weisiro wei, aiwia, ba waisi. Nanu itatane wakiki ogo ifawate Nanu babataito ueta enanari ufawaisigo wei.

Joninu 17:16

Nana ewa orofa atata amarana me, enanari ema ewa orofa atata uwarana me watane wei.

Joninu 17:8

Anu Naba wei sina emaba wero nautaba Ana Na siaia uiro Abairoma fare imuegou utaita watane wei.

Joninu 7:7

I orofa atata uwarama yaba neno ka utawa utaita. I uwaranu siosa uetaba wataneba Naba neno ka utaita wei.

Joninu 8:23

Weitaro Yesuma wei, yana sakairoma uyataro Nana ureroma fare. Yana sakai ubi uwara. Nana ure ubi Amara, weite wei, iba wene, yanu neno neno ueta yabai ibifiro uifoita. Nana i ma wiroeta Amara da imufote yanu neno neno ueta yabai ibifiro uifoita wene wei.

1 Joninu 3:12

Yana Keini ari me. Keinina seitaninu amara. Keinima danu dabue uriro ui. Aneba danu dabuenu nodo turi? Keininu uetana ba mewerero danu dabuenu uetana kobererauba iba danu nodo turiro ui.

1 Joninu 3:13

Nanu uwara yaba watane. I orofa atata Godinu sina nautawa uwarama ya neno ka utaitaba da imuforo.