Joninu 16:5 - Yareba

^5-6 Nono awonana Na siaia ui Godi Dawabai animauba yabai mui amarama Naba A aboro anasu da webisu wei. Weite wei, A aboro anibasu wiawa utaitate Nanu wene sinaba neno arama utaita wei.

Joninu 16:5 ပူးပေါင်းရင်းမြစ်များ

Joninu 13:36

Yesuma eno weiba Saimoni Fitama wei, Dera Waria Amara, aboro anibasu wei? Weina Yesuma wei, Nanu animau kabesiro awona Nanu buribi da afate nono duburo Nanu buribi afasu wei.

Joninu 14:28

Nana animate owemate yabai famau wenero nauita wei. Nanu Babana derawere, Nana kikiratu. Nanu Bababai animauba yana yanu neno Nabai odifote neno arama ufoitana yaru ufoita wei.

Joninu 16:10

Nana Nanu Bababai animaro Na nono da efoitaba Godinu kobere imueta we mawetu ufisu wei.

Joninu 16:16

Kowa faiya me yaini ibebe animaro yana Na nono da efote nono kowa faiya mena yana Na nono efoita wei.

Joninu 16:17

Eno weiba Danu moana iwata ueta uwarama we mataneda weita, ane wenu, kowa faiya mena yana Na da efote nono kowa faiya mena nono efoita wenute Nanu Bababai animauba wenu, weitate weita, i kowa faiya me sinana ane sina? Danu sina ya iwata me weita.

Joninu 16:28

Na Godibairoma ewa orofaro fareba nono ewa orofa ekodimate owemate Godibai animau wei.

Joninu 17:13

Awonana Abai famauba i sina wataneba i uwarama Nanu yaru ueta ari yaru ufitae watane wei.

Joninu 17:4

Anu Naba mai gaukara nesia ewa orofaro ue me sinataneba A we ma derawere uteda watane wei.

Joninu 6:62

I Ba Eme Sini Amarama Danu bodere ibebi orofaro maneibisuna yana efote nono ya anene imufoita wei?

Joninu 7:33

Ane Yesubai fataro Yesuma wei, yabai kikiratu ibimate Na siaia uiro ewaro fare Godibai animau wei.

Iburu 1:3

Godinu araetaini Danu Amaranu araetana arotorowa. Godini Dawaini emana arotorowa. Dana Danu buna sina wasuro ewa orofa atata ememetuini kowaini sakaraini muinaini nesia kobererau utaita. Dana emenu siosawere ueta munite ema ma roatarau ufie iba korosiro uite urero i buna derawere Godinu banibira age afu mane yauri.

Iburu 12:2

Yanu nauetana Yesubairoma farasu Dana yanu nauetanu sirorarini dubu amaraba ya yanu ditima Dawabai eregou ufene watane. Dana i Godibai yaru ueta imuteda Danu korosiba iyarawa uite uwarama Dawaba siosawere ueta imutawa uite nono awonana Dana Godinu yaubetanu banibira age afu yaubinu.