Joninu 15:5 - Yareba

⁵ Nana i nadidi ubi ari yana i nadidinu iwara ari. Anama Nabai ibegou ufiro dawabai ibegou umaro danu ueta sineta kobererau, i tai faiyawere uwanasu iwara ari wei. Na ekodifoitana Godinu unu da ufoita wei.

Joninu 15:5 ပူးပေါင်းရင်းမြစ်များ

Joninu 12:24

Nanu ba sina wemaro nauawe wei, feame tai nasiniro itafite nuda ufite warafite tai faiyawere uwafisu, mena i feame yo danu torowa nasiniro daido ibifisu. Ibebe tai da uwafisu enanari Na uimauna uwara faiyawere uietaroma uyafitaita, mena uwara faiyawere uietaroma da uyafitaita wei.

Joninu 15:16

Yana Na munawa utaita. Kobere ueta uforo yanu kobere ueta me ibene ibene ibeibie iba ya munataneba anene Godibai Nanu ifuro wenaueforo yaba mafisu wei.

Joninu 5:19

Yesuma emaba wei, Nanu ba sina wemaro nauawe wei. Godinu Amara Danu aika Danu imuetama gaukara utawa utasu wei. Danu Damamanu gaukara erasute utasu. Godima ane ane utasuro Danu Amarama enanari utasu wei.

Joninu 9:33

Godima Dawa siaia utawa ufirona gaukara me sara da ufie uteibie wei.

Afosoro 4:12

Dana torowa ya ma wirofisu. Ewa orofa atataro ibeta mui amarama ya da ma wirofisu. Godi Dana Dawa ifu derawere maiba Danu ifuma ya ma wirofisu Fitama eno wei.

Romani 12:5

I ari ya naueta uwarana faiyawerero yana Yesu Kerisobai taka utaisina yana ofe demurai ari. Enoba yanu yanu durua ue matanaisi.

Romani 6:22

Nono awona i siosawere uetabairoma ma dare munite odiro yana Godinu sabua ueta uwara sita. Enoba yanu mokona Godinu kobererau uetaini me ibene ibene ibetaini ido.

Romani 7:4

Naiyemutu, nanu sina edono, yana i korosiro ui Kerisonu ofe ememetu ari sitaba uitebaita i ari utate i tarawatu ekoita. Ekoitaba yana mui amarabai taka ufoe iba uitate ekoita. Nana i uietaroma ma uyari Yesu Kerisoba watane. Enoba Godibai kobererau ufoita.

1 Korinita 10:16

Yesuma i kafusi we ma kobererau ui. Awonana yana i kafusi we ma kobererau utaisite itaisina Danu ononoba yana uwara demurai. I ieta ma birabiareda itaisina ya nesia Dawaini owiga uteda ofe demurai ari sinaisi.

1 Korinita 12:12

Yanu ofena demurai. Nono i ofenu ememetuna faiyawere. I ememetu nesia ofe demurai utaita, i ari Yesu Kerisonu ofero utasu.

1 Korinita 12:27

Ido, yana Yesu Kerisonu ofe. Yana Danu ofenu ememetu.

2 Korinita 13:8

I ba sina we ma kikiratu da ufete we ma derawere ufene watane.

2 Korinita 9:10

Godima i waiya ubi amaraba ietata tairaratu matasute i ieta ma waratasuba i amarama ietata derawere mubisu. I ari Godima ya neno arama ue matebaita uwaraba derawere mateibiro mubote nono mateiboita.

Gareisia 5:22

Nono Godinu Imumu Kotofuma yanu neno ubarero ibinuna yanu uetana edono, neno arama uetaini nenoma yaru uetaini wesarau ibetaini ibo utawa uetaini kobererau uetaini nata nata uetaini ba uetaini ure nudarau uetaini yanu unu yawoegou uetaini i nesia eno mui tarwatuma i nesia garari da ufisu.

Efesa 5:9

Arioro inaibinita ana tai kobererau uwanaita i ari i arioro ibinita uwarama ba sina torowa waitate kobererau utaitate emanu ueta sineta rorowarau utaita.

Firifai 1:11

Nanu ununa ya uwarabai Yesu Kerisonu kobere ueta ibifiro eno uforo emema efitate Godiba we ma kobererau ufitae iba Godibai guriguri utatane.

Firifai 4:13

Yesu Kerisoma naba buna matasuba nana ane ane nesia utatane.

Firifai 4:17

I oiba imuegou utawa utatane. Yana oi mataitaba Godibai yanu moko muboita, iba imuegou uteda yaru utatane.

Korose 1:10

Godinu neno ma yaru ufoitaba Danu ifu we ma derawere ufote emebai kobere kobererau torowa ueta ufote Godi iwata derawere ufoe iba Godibai eno waisi.

Korose 1:6

Godinu kotofu sina yabai fariro nauta. I sina awona i orofa atata nesia aboro aboro we inaraitaro emema nautaitate reka uwara sinaita. Ya Korose su uwarama Godinu sina nauteda Godinu neno arama uetaini ba wetaini iwata utate reka uwara ari sita, enanari awona moana uwarama enanari utaita.

1 Fitanu 2:4

Yesu Kerisobai aniawe. Dana i me ibeta gebiro. Iba Godinu bukaroma wasu, emema Dawa ekoitaro nono Godima Dawa kobererau we imuteda mune odi.

2 Fitanu 3:18

Yanu Dera Waria Amaranu sina nauegou uawete Danu ueta sineta ari uawete yanu naueta ma buna uawe. Danu ifu awonaroma Danu fafisu kowaro we ma derawere uteibene watane. Nanu sina ido me sininu.