Joninu 14:21 - Yareba

²¹ Ana anama Nanu tarawatu nauegou ufitaitana Nabai emanu neno odifitaro Godima i uwarabai Danu neno odifisu. Odifiro Nana Nanu neno emabai odimate Nanu torowa emaba mawetu umau wei.

Joninu 14:21 ပူးပေါင်းရင်းမြစ်များ

Rukanu 11:28

Weiro Yesuma wei, anama Godinu sina naue imue utaitana Godima ema ma kobererau uegou utasu wei.

Joninu 14:15

Yesuma nono wei, Naba neno arama ufoitana Nanu sina nauegou ufoita wei.

Joninu 14:18

Yesuma wei, ya da kodimaro benono da ufoita yabai fare ibimau wei.

Joninu 15:14

Nanu wemau sina nauegou ufoitana yana Nanu naiyemutu siboita wei.

Joninu 16:14

Nanu imueta nesia mubite we mawetu ufiro nauteda Na we ma kobererau ufitaita wei.

2 Korinita 12:8

Nana Godibai muini muini muini na ma wiroa eno webitarana Dawa naba me wei. Me weite wei, Nanu kobere durua ueta abaina ido. Ana buna meba Nana a durua uteda ma buna utatane wei. Enoba nanu bunaba sina derawere da wemau. Nanu ununa Yesu Kerisonu buna nabai ibifisu.

2 Korinita 3:18

Ya nesia yanu ibo nawata garari utawa uteda i Dera Waria Amaranu araeta ariowere eraisite Dawa ari sibene uteda ainewaure enanari utaisi. Yana ato ari iba tiriri utaisiro emema i Dera Waria Amaranu araeta eraita. I Dera Waria Amarana Imumu Kotofu. Dana yaba durua utasuba eno utaisi.

2 Korinita 4:6

Godi Dawa torowa iba weiro dumuroma ario fari. Dawa yanu neno ubarero ario unono utasuba Danu Amara Yesubai ibinu araetawere eraisi.

2 Tesaronaika 2:16

Yanu Baba Godi, Dawa ya neno arama uteda yaba me ibene ibene ibeta mai. Dawaini yanu Dera Waria Amara Yesuini ya uwaranu neno ma buna ufisite ya durua ufisiro ane ane kobererau ufote weboe watane.

2 Timotibai 4:22

Yanu Dera Waria Amara abai ibeda ya uwara nesia ya kobererau durua ufie watane. Nanu sina ido me sininu.

1 Joninu 2:5

Anama Godinu sina nautasuna ya iwata, dawa Godi imuteda ba neno arama uegou utasu. Yana enanari utaisina ya iwata yana Godinu uwara sinaisi.

1 Joninu 3:1

Godima yaba neno arama derawere uegou utasuba imuegou uawe. Godima ya Nanu aruma amara wasuba ido yana Danu koiniboro. I orofa atata Godinu sina nautawa uwara, emana Godi iwata meba iba ya iwawa utaita.

1 Joninu 5:3

Anama Godiba neno arama utasuna dawa Godinu wasu sina nesia nauegou utasu. Enoba yabaina Godinu sina urumu me.

2 Joninu 1:6

Yana Godinu sina nautaisina ya neno arama ue matanaisi. Ewa sina, neno arama uawe, bodere weiro naui.

Jonibai We Ma Boroyari Sina 2:17

Anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari utebitaba emaba i kiwuma ibinu mana ieta mamaro ifitaita. Nana emaba mui inakeowere gebiro demui demui mamau. I gebirorona emanu reka ifu odimaro nono i ifu mui amara dawa iwata me. I mubisu amara danu torowama dawa iwata ufisu watane Dana eno wei.

Jonibai We Ma Boroyari Sina 22:14

Ana anama emanu wadia urotaitaro iga me sinasu. I uwarama i wiroeta ana tai ifitate i dowa bebetoro fare tauni ubarero anibitaita.

Jonibai We Ma Boroyari Sina 3:20

Nanu sina nauawe! Nana i bebetobai inaibeda ario webatane. Anama naufite kasimu ma ereafisuna dawabai animaro dawaini Naini arotorowa ieta ifutu.