Joninu 13:34 - Yareba

³⁴ Yaba reka tarawatu eno mamau, Nanu neno yabai ibinu, enanari yanu yanu neno arama ue matanebeawe wei.

Joninu 13:34 ပူးပေါင်းရင်းမြစ်များ

Matiunu 5:44

Eno weite wei, nono Nana yaba watane, yanu wasai uwaraba neno arama uawete yaba siosawere utaita uwaraba Godibai guriguri uawe.

Joninu 15:17

Ewa tarawatu sina yaba eno watane, yana yanu yanu neno anama ue matanebeawe wei.

Joninu 17:21

Nanu ununa i uwara nesia demurai sibitate imueta demurai imufitae watane. A Nabai ibinuro Abai ibine, enanari wabai ibifitae watane. Wabai ibifitaro i orofa atata uwarama efitate Ana Na siaia ui iwata ufitae watane.

Romani 12:10

Yana yanu yatae yabue neno arama utaita i ari yanu yanu neno arama ue matawete yanu yaiyemutuba ititi kakara uteda emanu ifu we ma derawere uawe.

Romani 13:10

Anama danu daiyeba neno arama utasuna dawaba ueta siosawere utawa utasu. Enoba neno arama ueta ina i tarawatu nesia danu ubi. Eno utaitana i tarawatunu sina nesia enanari ba ido utaita.

Romani 13:8

Nanu mui sina edono, yanu we muneta ane ane nesia ma owere mawete nono woroworo yanu yanu neno arama ue matanebeawe, i yabai kobererau utaita, i, daido moko uawete nono neno arama uteda ainewaure utebeawe. Anama danu daiyeba neno arama utasuna dawa Godinu tarawatunu ueta nesia utasu.

Gareisia 5:22

Nono Godinu Imumu Kotofuma yanu neno ubarero ibinuna yanu uetana edono, neno arama uetaini nenoma yaru uetaini wesarau ibetaini ibo utawa uetaini kobererau uetaini nata nata uetaini ba uetaini ure nudarau uetaini yanu unu yawoegou uetaini i nesia eno mui tarwatuma i nesia garari da ufisu.

Gareisia 5:6

Yana Yesu Kerisonu uwara, yabai i Ju uwaranu ofe turetana imueta derawere me, i ofe turawa uetana imueta derawere me. Yana neno arama uteda Yesu Keriso imufeisi, deina ido.

Gareisia 6:10

Enoba uwara nesiaba kobererau ufete nono Godinu naueta uwaraba kobererau uegou ufene watane.

Gareisia 6:2

Yanu yanu neno urumu ueta woure matawe. Eno ufoitana Yesu Kerisonu tarawatu nesia ufoita.

Efesa 5:2

Uwara nesia emaba neno arama uegou uawe. Yesu Keriso Dawa yaba neno arama uteda ui. Ina Danu kobere bonana fuyo oeta ari. Godima i ereda yaru derawere ui. Yesu Kerisonu neno arama ueta enanari uawe.

Korose 1:4

Yana Godi imuegou uteda Godi nautaita uwaraba neno arama utaita weitaro nausi. Yana Godinu ba sina auboko yabai fafiro nautaba i ure orofa kobere yaru ueta imuegou utebaita weitaro nausiba Godibai guriguri utedana yaba we ma kobererau utaisi.

1 Tesoronaika 3:12

Yanu Dera Waria Amarama ya Tesaronaika uwaranu neno ma kobererau ufiro uwara nesiaba neno arama ufoe watane. Naini nanu uwaraini ya neno arama utaisi, i ari neno arama ufoe watane.

2 Tesaronaika 1:3

Naiyemutu, yaba we ma kobererau utebaisina ina kobererau. Godi imueta faiya faiyawere imutaitate ya neno arama faiya faiyawere ue matanaitaba iba Godibai yaba we ma kobererau utebaisi.

Iburu 13:1

Ya naueta uwara kaka nabue ari yanu yanu neno arama ue mataneiboe iba watane.

Jeimisinu 2:8

Godinu kobere tarawatu sina Godinu bukaro eno ibinu, anu torowa neno arama utasu enanari anu aiyeba neno arama ua eno ibinu. Eno ufoitana yanu ueta kobererau ibifisu.

1 Fitanu 1:22

Yana Yesu Kerisonu ba sina nauteda nenoma imutaro Dana yanu neno uroiba kobererau ibeda i naueta uwara nesiaba neno arama uegou utaita. Enoba yanu yanu kobere nenoroma neno arama uegou ue matawe.

2 Fitanu 1:7

I naueta uwaraba neno arama ueta yanu Godinu ueta sineta ari deiro odiawe. Eme nesiaba neno arama ueta i naueta uwaraba neno arama ueta deiro odiawe.

1 Joninu 3:11

Ewa sina, ya neno arama ue matawe, i sina bodereroma nautebaita.

1 Joninu 3:23

Godinu wasu sina eno, yanu neno Danu Amara Yesu Kerisobai ibifiro Dawa imufete ya neno arama ue matafe, Dawa eno yaba wasu.

1 Joninu 4:21

Yesuma eno bunawere wasu, ana Godi neno arama utasuna anu aiye neno arama ua wasu.

2 Joninu 1:5

Godima we mune odi aweta, aba reka tarawatu sina owawa ue odawa utatane. Ewa tarawatu sina boderewere yabai mairo ibinu. I tarawatuna eno wasu, ya neno arama ue matawe wasu.