Joninu 12:47 - Yareba

⁴⁷ Anama Nanu sina naufite nono da ufiro dawa koto da umau. Eme koto umane farawa uete eme ma wiromane iba fare wei.

Joninu 12:47 ပူးပေါင်းရင်းမြစ်များ

Matiunu 18:10

Koiniboroba ewa amakanu ari emaba me sara nenoma ibo da uforo! Yaba ba wemaro nauawe. Emanu yawoeta aneruna urero Nanu Bababai ibinitaba iba emaba ibo da uforo wei.

Matiunu 18:11

Weite wei, i Ba Eme Sini Amarama i Godinu sina nautawa uwara ma wirofie iba ewaro fari wei.

Matiunu 20:28

Enanari i Ba Eme Sini Amara emema Dawaba durua da ufitaro emeba durua ufie iba ewaro fari. Dawa uifiro Danu wiroeta onono nasiniro itafiro nono Danu ononoma uwara faiyawere moko mae munono ari ufisu wei.

Rukanu 19:10

I Ba Eme Sini Amarama dawaini i feareta uwara dobefite ma wirofie iba farinua wei.

Joninu 12:48

Anama Nanu sina nautawa utasute Na ekodasuna danu dera koto amara ibinu. Nanu watane sinama danu dera koto amara ari. Nanu watane sinama dawa duburo koto ufisu wei.

Joninu 3:17

Godima Danu Amarana uwara fanisi mafie siaia utawa uite nono i uwara nesia Dawabai wirofitae iba siaia uiro fari wei.

Joninu 5:45

Yanu imuetana eno imutaita, Dawa Godibai ya wawei webisu. Nana yaba eno wawei da wemau. Yana Mosesinu tarawatu imuegou utaitaba ima ya wawei webisu.

Joninu 8:26

Yaba Nanu sina faiyawere wemate ya koto derawere umau wei. Na siaia ui Godi, Dana ba, iba ane ane Naba wasuro enanari orofa atata uwara nesiabai watane wei.

2 Fitanu 3:15

Yanu Dera Waria Amarama sau farawa iro ibeda uwara nesia wirofitae iba yawotasu. I sina imuegou uawe. Yanu naiye Foro Godima dawa durua uiro dawa yaba enanari owawa ue odite siaia uiro eta. Dawa danu owawa nesiaro eno odasu. Danu moana imuetana feare ibetawereba i beforo buna me uwarama iwawa iwawa uteda i sinanu ubi ma siosa utaitate Godinu buka mui sinanu ubi enanari ma siosa utaitaba emanu torowa emanu uieta daba wabue odaitaba i siosawere orofaro daido anibitaita.

1 Joninu 4:14

Godima Danu Amara ewa orofa atata uwara nesia ma wirofie iba siaia uiro tarari. Dawa tarariro esiba iba yaba waisi.