Joninu 12:17 - Yareba

¹⁷ Yesu Rasarosi uietaroma ma uyarite uriroma yua weiro amui kowaro i eme nesia Dawaini inarebitaba iba Yesuma utebi sinebi i nesia we me sitaro nauta.

Joninu 12:17 ပူးပေါင်းရင်းမြစ်များ

Joninu 1:19

Ju uwarama fuyo ode sina weta uwaraini i dera dubu su yawoeta Riwai waita uwaraini Jerusaremu suroma siaia utaro Jonibai ane fatate weita, a anaiya, weitaro Jonima bunawere wei, nana Keriso me wei. Godima Dawa siaia ufiro fafite i Ju uwara durua ufisu. Nana i amara me wei.

Joninu 1:32

Nono Godinu Imumu Kotofuma ubani gasira ari ureroma tararite Dawabai tare ibiro erete we imue, bodere Godima naba wei, Nanu Imumu Kotofuma mui amarabai itafiro efasuna i Amara Dana Nanu Imumu Kotofuma babataito ufisu wei, eno we imue.

Joninu 1:34

Jonima eno weite wei, na ereba Dana Godinu Amara ubi demurai iba yabai watane wei.

Joninu 11:31

I uieta suro yaubita Ju uwarama Merinu aneta etate we imuta, i aruma danu daenanu uri ue oeta kabesiro anibite daenaba iro i webie anasu we imutate danu buribi anita.

Joninu 11:42

Na iwata, A Na woroworo nautasuro ewa inaibinita uwarama Ana Na ewaro siaia uiro fare imufitae iba eno watane wei.

Joninu 12:9

Ju uwara faiyawere Yesuma Beteni suro yaubiro nautate Yesuini Rasarosi i uietaroma ma uyari amaraini efitae iba ane fata.

Joninu 19:35

I ueta sineta na nesia ereba iba owawa odatane. Nanu sinana ba iba owawa odataneba ya eforo yanu naueta derawere ufie watane.

Joninu 21:24

I iwata ueta amarana na Joni. Nana nesia ereba nanu sinana ba iba owawa ue odatane.

Afosoro 5:32

I uetana nesia eraisi. Godinu Imumu Kotofu Danu naueta uwarabai mai. Imumu Kotofuini yaini i ueta nesia eraisi weita.

Jonibai We Ma Boroyari Sina 1:2

Na Joni, nana i ueta nesia ere me sirete Godinu sina nesia we ma wabararo uete Yesu Kerisonu we ma boroyari ba sina eno we.