Joninu 10:3 - Yareba

³ I kasimu yawoeta amarama dawaba i kasimu ma ifegari utasuro mamoe yawoeta amarama danu mamoenu ifu ifuro dabitasuro nautaitaro ema woure anasu.

Joninu 10:3 ပူးပေါင်းရင်းမြစ်များ

Joninu 10:14

Nana i mamoenu kobere yawoeta amara. Nanu Babama Na iwata utasuro Nana Nanu Baba iwata utatane, enanari Nanu mamoe Na iwata utatanero mamoema Na iwata utaitaba Nanu mamoeba uimau wei.

Joninu 10:16

Moana aboro aboro ibinita mamoe Nanu. I mamoema ewa dowa ubarero ibawa utaitaba ane mune woumaro Nanu sina naufitate mamoe nesia tu demurai sibitaro mamoe yawoeta amara demurai sibisu wei.

Joninu 10:4

Dawa ko anasuro mamoema Danu wate tanana iwata uteda nautaitate Danu buribi anaita.

Joninu 10:9

Nana i mamoe dowa bebeto ari. Ana anama Nabai afitate ubarero anibitate Nabai wirofitaro ema kobererau yawomaro merau ibeda ane fare uteda ieta ataneibitaita wei.

Joninu 6:37

Nanu Babama moana uwara Naba matasuba i uwara nesia Nabai fafitaitana da we yowemau wei.

Joninu 6:45

I we bou ueta uwarama eno owawa ue oita, Godima ema nesia we mawetu ufisu eno owawa ue oita. Ana anama Godi naufitate iwata ufitate Nabai fafitaita wei.

Romani 8:30

Godima i boderewere we mune odi uwara ema awona yua we mune odasu. Ema yua we mune odasute emanu neno daido ma rorowarau utasu. Emanu neno daido ma rorowarau utasuba Danu araetaro ema daido ma inafisu.

1 Korinita 16:9

Godima nanu gaukara daba ewado ma ifegari usinuba Godinu sina wegou utatanero nautaita. Nono uwara faiyawere naba wasai utaita.

Firifai 4:3

Naiye, ana nanu gaukara uruama utasu amara, i aweta sadei durua ua. I aweta sadeima na durua utebitaro Godinu sina webitara enanari emaini mui amara Keremeni i moana uwara, emanu ifu ifu Godinu me ibeta bukaro ibinu, emaini Godinu gaukara uruama utebita.

Korose 4:3

Godibai yaba eno guriguri uawe. Godima Danu mui sina weta daba ma ifegari ufiro i Yesu Kerisonu kiwuma imueta sinaba iba nana diburaro ibine, i imueta wawuriro daido wemane eno weda guriguri uawe.

2 Timotibai 2:19

Godi Danu uwaraba imuetana su tutubu ari. Kimu derawere imutasuba i tutubuna wawana wawana utawa utasu. Godi Danu ere iwata ueta sina eno ibinu, Godima Danu uwara nesia iwata utasu. Nono mui eno, anama Godinu ifu mubisuna siosawere ueta kodifi eno ibinu.

1 Fitanu 1:12

I we bou ueta uwarama yana nautaita ba sina weitana Godima emaba eno wei, yana gaukara utaitana yanu torowaba utawa moana uwaraba utaita wei. Eno weina i sina eraitaba yabai wei. Nono awonana ewa kotofu sina yabai we araita. Emana i ureroma tarari Imumu Kotofunu bunama i sina yaba waita. Aneruma i kobere sina naufitate iwata ufitae utebaita.

1 Joninu 4:6

Nono yaini naini yana Godinu uwaraba Godinu sina nautaita uwarama yanu sina nautaitaro Godinu sina nautawa uwarama yanu sina nautawa utaita. I uwarama eno utaitaba i Kotofu Imumu bobo uwaraini i seitaninu siosa imumu bobo uwaraini yana iwata utaisi.

Jonibai We Ma Boroyari Sina 20:15

Ananu ifu i wiroeta bukaro ibawana dawa mune i uitawa yareiene yareiene yareta ina mesauro saniro itari. Nana i nesia eno ere.

Jonibai We Ma Boroyari Sina 3:20

Nanu sina nauawe! Nana i bebetobai inaibeda ario webatane. Anama naufite kasimu ma ereafisuna dawabai animaro dawaini Naini arotorowa ieta ifutu.

Jonibai We Ma Boroyari Sina 7:17

Aneba eno ufitaita? I dera yaure yawoetanu orofabai inaibinu Reka Mamoe Dana ema yawoegou ufite Dana ema woure ane ogonu fareta kabesiro i me ibene ibene ibeta ogobai odifiro ifitaita. Nono Godima emanu inodi maitufiro nono duburo i da webitaita wei.