Joninu 10:16 - Yareba

¹⁶ Moana aboro aboro ibinita mamoe Nanu. I mamoema ewa dowa ubarero ibawa utaitaba ane mune woumaro Nanu sina naufitate mamoe nesia tu demurai sibitaro mamoe yawoeta amara demurai sibisu wei.

Joninu 10:16 ပူးပေါင်းရင်းမြစ်များ

Matiunu 17:5

Eno weina ariowere gosoma ema ma yariro gosoroma sina tararite wei, ewana Nanu Amara ubi. Nanu neno Dawabai ibinuba Danu sina nautebeawe wei.

Rukanu 15:8

Yesuma eno weite mui kasei sina nono eno wei, aweta demurai danu teni (10) siriwa oi boboro nono demurai feafisuna nanefa beafite yawewe aifite doberegou utebe utebe atafisu. Eno ufisu aba me wei?

Joninu 10:11

Nana i mamoenu kobere ema yawoeta Amara. I mamoenu kobere yawoeta amarama danu mamoe yawoegou ufie iba mamoeba uietabana iya uyarawa emaba daido uitebasu wei.

Joninu 10:2

I mamoe yawoeta amarama i dowa bebetoro torowa fare itarasu.

Joninu 10:3

I kasimu yawoeta amarama dawaba i kasimu ma ifegari utasuro mamoe yawoeta amarama danu mamoenu ifu ifuro dabitasuro nautaitaro ema woure anasu.

Joninu 10:4

Dawa ko anasuro mamoema Danu wate tanana iwata uteda nautaitate Danu buribi anaita.

Joninu 10:5

I mamoema aika amaranu buribi danu wate naue anawa utaitate danu wate tanana iwawa uteda ekodaitate iya durami ue anaita wei.

Joninu 11:52

I we bou uetana Ju uwara torowaba wiawa ui. Wiawa uite Godinu arumami adarabu aboro aboro ema nesiaba uifite Dana uwara nesia mune uwara demurai odifisu).

Joninu 17:20

Baba, ewa uwara torowa wiawa utatane. Nono ewa uwarama Anu sina webitaro naufitaita. I naufitaita uwara nesia durua ufae watane.

Joninu 6:37

Nanu Babama moana uwara Naba matasuba i uwara nesia Nabai fafitaitana da we yowemau wei.

Afosoro 15:14

Fitama wenu, Godima i aika uwara munasute ma wirotasuro nono Danu sina naueta uwara sinaita, wenuro nauisi Jeimisima wei.

Afosoro 18:10

Weite wei, abai ibineba eme aba da urafitaita wei. Nanu Na imufitaita uwara faiyawere ewa suro ibinita wei.

Afosoro 22:14

Ananaiasima naba wei, yanu abuamutunu Godima a mune odi. Godinu imueta iwata ufate Danu rorowarauini roatarau Amara efate Danu Amaranu sina Danu bebeturoma naufae iba odi weite wei, uwara nesiabai anibate Godinu sina webasu wei. Anu nauetaini ereta nesia emabai webasu weite wei, aneba yaubinu? Uyaro a babataito umaro anu neno neno ueta Yesubai we ma boroearo maitufisu wei. Ananaiasima naba eno weiya Foroma wei.

Romani 11:25

Naiyemutu, na unutawa ya uwarama yanu imuetaba sasae ueta. Nanu ununa Godinu kiwuma imueta iwata ufote sasae da ufoe iba watane. I imuetanu ubina edono, awonana i Isaraero uwarama Godi imutawa awona torowa eno me ibinitaba Godima i aika uwara ma wirotasu. Eno uteibiro i Ju me aika uwaranu muneta are arotorowa ufisu.

2 Tesaronaika 2:13

Naiyemutu, yanu Dera Waria Amarama ya neno arama utasu. Godima ya ma wirofie iba botai tutubari ui kowaroma ya we mune odi. Eno uite Dana ya ma wirofie Danu Imumu Kotofu yanu neno ubarero odiro itarite ya mune Godibai ma taka ue odiro Danu ba sina nauta. Enoba Danu sinaini Danu Imumu Kotofuma yanu neno ma kakaraini roatarau ui. Eno uiba Godibai woroworo eno we ma kobererau ufene utebaisi.

Iburu 13:20

Yesu Keriso Dana yaba uite Danu ononoma i me ibene ibene ibeta unuro ue mataneta ma kimu uiba Godima Dawa uietaroma nono ma uyarite i mamoenu Dera Yawoeta Amara we odi.

1 Fitanu 2:10

Boderena yana ba uwara me. Nono owonana yana Godinu ba uwara. Bodere yana Godinu neno arama ueta iwawa utebita. Awonana Godima yaba neno arama utasuro iwata utaita.

1 Fitanu 2:25

Yana daba aika maika me sara siosa inareta mamoe ari. Yana eno utebe nono awona owetate yanu Dera Yawoeta Amarabai fata. Dawa yanu nenonu imueta yawotasu.

1 Fitanu 5:4

Eno uforo i botai dera yawoeta Amara fafisuna Danu bunaini araetawerero Dawaini uruama ibifoita ina yanu moko muneta.

Jonibai We Ma Boroyari Sina 3:20

Nanu sina nauawe! Nana i bebetobai inaibeda ario webatane. Anama naufite kasimu ma ereafisuna dawabai animaro dawaini Naini arotorowa ieta ifutu.