Joninu 1:11 - Yareba

¹¹ Dawa Danu Isaraero uwarabai farite ibiro eme faiyawere Dawa munawa utaro ya uwara ba torowa Dawa musi.

Joninu 1:11 ပူးပေါင်းရင်းမြစ်များ

Matiunu 15:24

Weitaro wei, Godima Na i Isaraero uwarabai siaia ui. I uwarana feareta mamoe ari emabai torowa Na siaia ui wei.

Rukanu 19:14

Danu orofa uwara ema unutawa danu yawoetaba moana uwara dawabai siaia utaro anitate weita, ya unutawa anu yawoetaba iba ya da yawofasu weita.

Joninu 1:10

Dana i orofa atata ememetu nesia ubu uite nasiniro farite ibiro i orofa atata uwara nesia Dawa iwawa uta.

Joninu 1:12

Yesunu sina naue muneta uwara Yesuma Godinu adarabu mune odite buna mairo Godinu adarabu sita.

Joninu 19:27

Weite Danu iwata ueta amaraba wei, i awetana anu anua ewado ea wei. Eno weiba duburo Danu iwata ueta amarama Danu danua ido danu suro odifie muni.

Joninu 3:32

Danu eretaini ueta nesia wasuro naue imutawa utaita wei.

Afosoro 13:26

Foroma wei, nanu kaka nabue, ya Eibaramunu sisia uwaraini ya Godiba iyaraita uwaraini nauawe wei. Godima ewa ma wiroeta sina yabai siaia uiro arinu wei.

Afosoro 13:46

Eno weitaro Foroini Banabasima iyarawa usite weisi, Godi Danu unuba i sina yabai ko waitu. Awona Godinu sina mu sanaitate yanu torowa koto utaitaba Godinu me ibene ibene ibeta da muboita weisi. Eno utaitaba i aika uwaraba webutu weisi.

Romani 15:8

Nanu sina wemaro nauawe. Yesu Keriso Dawa i Isaraero uwaranu gaukara amara sini. Dana Godinu sina nesia meo me ina ba weda Godinu we bou ueta yanu abuamutuba nesia ina ba webite Godinu neno arama ueta i Ju me aika uwarabai ma boroyafiro emana Godinu ifu we ma derawere ufitae iba i Isaraero uwaranu gaukara amara sini. Godinu bukaroma iba eno wasu, i Ju me aika uwarabai anu ifu we ma derawere umate Anu ifuba soni wemau, eno wasu.

Romani 9:1

Nanu ba sina wemaro nauawe. Na naueta amaraba nanu sinana meo me, ba sina. Godinu Imumu Kotofuma nanu nenoro ibeda durua utasuba ewa sina watane.

Romani 9:5

I bodere sirorari uwarararabona i Ju uwara emanu danatamutu. Godinu ma wiroe mune aneta Amara Dawaini ba ofe muni iba enanari emana Danu danatamutu. Ido Godi Dawa uwaraini ane ane nesia yawotasuba Danu ifu ainewaure we ma derawere uteibene watane.

Gareisia 4:4

Nono Godinu we odi i kowa ido fariro Godima Danu Amara siaia uiro ewaro fari. Yesu Danu danuama Dawa muniro Ju amara sini. Ju uwarama i tarawatuba imutebita i ari Yesuma imutebi.