Joninu 1:1 - Yareba

¹ Boderewere eme ibawa kowaro i Sina ibebi. I Sinana Yesu Keriso, Dana Godibai ibebi. I Sinana Godi.

Joninu 1:1 ပူးပေါင်းရင်းမြစ်များ

Matiunu 1:23

Godinu we bou ueta amarama eno wei, nauawe, mui awera munawa aruma dia mubite amara mubisu. I amaranu ifuna Imanuera weboita. (I ifunu ubina Godima yabai ibinu), Godinu we bou ueta amarama eno wei.

Rukanu 24:53

Ane fatate ainewaure dera dubu suro anebitate Godinu ifu we ma derawere utebita.

Joninu 1:14

I Sinana eme sinite yabai ibeda Dana yaba neno arama derawere uteda ba sina wei. Danu araetarau ya esi. Dawa Godinu amara ubiba Dana araetawere.

Joninu 1:18

Mui amarama Godi erawa uiro i Danu Amara Ubi, Godini uruama ibi Amara, Dana Godi erite yabai nesia wei.

Joninu 1:2

I eme ibawa kowaro i Sina Godibai ibebi.

Joninu 16:28

Na Godibairoma ewa orofaro fareba nono ewa orofa ekodimate owemate Godibai animau wei.

Joninu 17:5

Baba, boderewere, eme me, nasini me, ana oma me, i kowaro Abai ibebitararo Ana Na ma derawere uite Anu araeta mai. Awonana enanari Abai Na ma derawere uate Anu araeta Naba mai watane wei.

Joninu 20:28

Weiro Tomasima wei, Ana nanu Dera Waria Amara ubi. Ana nanu Godi ubi wei.

Joninu 8:58

Eno weitana Yesuma wei, boderewere Na ko ibebitararo danu danuama Eibaramu dawa duburo muni wei.

Romani 9:5

I bodere sirorari uwarararabona i Ju uwara emanu danatamutu. Godinu ma wiroe mune aneta Amara Dawaini ba ofe muni iba enanari emana Danu danatamutu. Ido Godi Dawa uwaraini ane ane nesia yawotasuba Danu ifu ainewaure we ma derawere uteibene watane.

Korose 1:15

Nana Yesu Kerisonu sina wemaro nauawe. Godima me ari ibasuro emema Danu ibo nawata erawa utaitaro Yesu Keriso Godinu ibo nawata ma boroyarasu. Godini Dawaini arotorowa. Godima Danu Amara ubu utawa uiro Godinu ubu ueta kowa farawa uiro Yesu Dawa daido me ibi.

Korose 1:17

Yesu Dawa ko ibebi. I ureini nasini ememetu nesia Danu bunaro i nesia ma badami ue ibinita.

1 Timotibai 3:16

Yanu Yesu Keriso imuetanu ubina derawere. Iba eno webaisi, Dawa ba eme siniro Danu Imumu Kotofuma Danu kobererau ueta ma boroyari. Aneruma Dawa erebitaro emema Danu sina i orofa atata su su nesiaro webita. Orofa atata uwarama emanu naueta Dawabai oitaro Godima Dawa munite Danu araetawere orofaro woure amo odi.

Taitasibai 2:13

Ya eno ufete Danu araetawere fareta yawofete efeisi. I araetawerena yanu Dera Godini yanu ma wiroeta Amaranu.

Iburu 13:8

Arenaini awonaini me ibene ibene ibeta kowaini, Yesu Keriso Dana aika maikana me Dana demurai.

Iburu 7:3

Mui amarama Mekisidekinu ibeta ikiki odawa ui. Iba Mekisideki danu danua damama ya iwata me. Danu sirorari sisia uwara ya iwata me. Danu danuama muni kowa ya iwata me. Danu uieta kowa ya iwata me. Dana Godinu amara ari. Danu fuyo ode sina weta gaukara ina me ibene ibene ibeibisu.

2 Fitanu 1:1

Na Saimoni Fita Yesu Kerisonu gaukara amara. Nana Danu afosoro amara, nana ewa owawa ue odatane. Ya naueta uwaraba wemaro nauawe. Nana Godi nautatane enanari yana Godi nautaitaba yanu nauetana arotorowa. Yesu Keriso yanu ma wiroeta Godi Dawana kobererau. Dana nesia rorowarau utasute i naueta yaba arotorowa matasu.

1 Joninu 5:20

Godinu Amarama ewaro tararite yaba iwata derawere mateda Dawa iwata ufene iba tarari. Yana i ba Amara, Godinu Amara Yesu Kerisobai ibinisi. Ewa Yesu Keriso Dawana Godi. Ewa wiroetana me ibene ibene ibeta. Ina nesia ya iwata utaisi.

1 Joninu 5:7

Yesunu babataito uetaini Danu onono itaretaini Godinu Imumu Kotofunu wetaini i rarogonuma sina demurai waita. Ema eno waita, Yesu Keriso Dawa Godinu Amara waita.

Jonibai We Ma Boroyari Sina 1:11

I sina eno wei, i erasu nesia enanari bukaro owawa ue odiate siaia uaro i dubu su nesia seweni ibinita uwarabai anibi wei. I Efesaini Simanaini Fegamamuini Taiatairaini Sadusini Firadefiaini Reodisiaini i orofa aika maika dubu su ibinita uwarabai anibi weiya wei.

Jonibai We Ma Boroyari Sina 1:17

Nana Dawa erete Danu buribai ureiete uieta ari ue. Nana eno uero Dana Danu banibira agema na mameda wei, iya da uya. Nana i botairoma dubu, eno weite wei, Nana i me ibinu Amara. Nana uiete wiroeterogo nono awonaini me ibineba duburona me ibene ibene ibimau ea. Nana i uieta orofaini i uieta uwara nesia yawotatane wei.

Jonibai We Ma Boroyari Sina 1:2

Na Joni, nana i ueta nesia ere me sirete Godinu sina nesia we ma wabararo uete Yesu Kerisonu we ma boroyari ba sina eno we.

Jonibai We Ma Boroyari Sina 1:8

I Dera Godima eno wei, Na torowama Nana botairoma dubu, eno wei. I Godi torowama boderewere awonaini daido ibinuba duburona Dawana buna derawere fafisu.

Jonibai We Ma Boroyari Sina 19:13

Danu yafa asugari wadiaro onono derawere ibi. Danu ifuna Godinu sina eno webita.

Jonibai We Ma Boroyari Sina 2:8

Dana nono naba eno wei, i Simana dubu suro ibinu aneruba moana sina owawa ue odia. I sinana eno, ewa owawa sinana Nanu. Nana i botairoma dubu. Nana uiete nono me ibine.

Jonibai We Ma Boroyari Sina 21:6

Dana nono wei, ina ido me sininu. Nana i kofirini buri, i botaini dubu. Anama ogo nodo ufisuna Nana i wiroeta erio ubiroma ogo mune dawaba me mamaro i wiroeta ogo ifite oi da mafisu.

Jonibai We Ma Boroyari Sina 22:13

Nana i kofirini buri, Nana i botaini dubu, Nana i sirorarini me sineta wasu.

Jonibai We Ma Boroyari Sina 3:14

Dana nono naba eno wei, I Reodisia dubu suro ibinu aneruba moana sina owawa eno ue odia. I sinana eno, Nana Godinu ba sinanu ubiba iba Danu sina nesia enanari ufisu. Nana ainewaure Godinu ba sina torowa webatane. Nana Godima ubu ui ememetunu ubi iba ewa sina watane.