Jeimisinu 4:5 - Yareba

⁵ Godinu bukaroma eno wasu, Dawa Danu Imumu Kotofu yanu neno ubarero odiro Danu Imumu Kotofuma ya Godi da ekodifete Godiba neno arama ufene iba ya yawoegou utasu, Godinu bukaroma eno wasu. Ina me wasu, eno we imutaita? Enona Me!

Jeimisinu 4:5 ပူးပေါင်းရင်းမြစ်များ

Joninu 7:42

Godinu bukaroma wasu, i Mesaiana Deiwidinu sisia amara. Deiwidinu su, Betiremu suroma fafisu, Godinu bukaroma eno wasu weita.

Afosoro 7:9

Jeikofuma ema yanae mune me siniro yanu sirorari uwarama Jousefaba ibo utate moana uwarabai mataro oiya utaro Ijifi orofaro woure anitaro sabua ueta amara sini.

Romani 1:29

Eno utebitaba emanu beforonu imueta ba me uetama ma wate fari. Enoba emenu ba ueta sineta utawa siosawere torowa uegou utebita. Emanu ueta sinetana eno, diti ure owere ma owere ueta eme rekaro ma uieta, urane yarane ueta, meo weta, neno ka ueta, emanu ueta sineta enoba sina tobu ture inarebaita. Mui amaranu ifu ma siosa ueta, ema Godi unutawa, dera uwaranu sina nautawa, emana sasaerarabo uwara, emanu ifu torowa we ma derawere utebaita, siosa ueta rekaini rekaini utebaita, danua damamaba gifena utebaita.

Romani 9:17

Godinu bukaroma Feroba eno wasu, emema Nanu buna efitae Nana a anu kabesiro ma uyare odine. Nanu ununa ewa sina i orofa atata uwara nesiabai we anibitae iba eno une wasu.

1 Korinita 6:19

Yanu ofena Godinu Imumu Kotofunu su. Godima Danu Imumu Kotofu yaba maiba Dawa yanu ofe ubarero ibinu. Ina iwata utaita aba me? Yanu ofe ubuna yanu me.

2 Korinita 6:16

Godinu dubu suini i ba me godinu dubu suini ema arotorowa me. Ema aika maika. Imue eawe! Yana i me ibinu Godinu dubu su. Godinu bukaroma eno wasu, Nana emanu neno ubarero ibeda emaini uruama animau. Nana emanu Godi simaro emana Nanu uwara sibitaita.

Gareisia 3:8

I we bou ueta uwara iwata, Godima i aika uwaranu nauetaba ema ma kobererau ufisu iwata utaba Godinu bukaro i sina owawa ue oita. Godima i sina Eibaramuba boderewere eno wei, i orofa atata aika maika uwara nesia emana Godinu sina naufitaitana emanu nauetana anu naueta ariba ema we ma derawere umau wei.

Taitasibai 3:3

Nono yaini naini bodere eno utebisi, yana me sara sara ue, gifena ue, moana uwaranu meo sina nauteda daba aika maika ane, yanu siosa nenonu waribo unu danu sabua ueta uwarana ya, eno ue, uwaraba woroworo ibo uteda diti uro owere ma owere ue, yanu yanu neno ka ue matane, enoma enoma utedibisi.