Jeimisinu 4:1 - Yareba

¹ Ya moana uwara aneba urane yarane utaita? Yanu unu ueta torowa uteiboe iba urane yarane utaita.

Jeimisinu 4:1 ပူးပေါင်းရင်းမြစ်များ

Matiunu 15:19

Nenoroma siosa imueta faiyawere amutaita. Ma uieta imuetaini dita yagera fareta imuetaini waira ueta imuetaini meo wawei weta imuetaini eno amutaita.

Joninu 8:44

Yanu yamamana seitani. Yana danu adarabuba yana danu ueta utaita. Boderewereroma seitani dawa ma uieta amara. Dawa unutawa ba ueta. Dana meo bobo amara torowa, dawabai ba me. Dawa sina wasuna meo torowa wasu. Dana meo weta ubinu damama.

Romani 7:23

Nono nanu sara siosa ueta nenoro aika tarawatuma ibeda nanu unu tarawatuini uraneda na budari utasute wasuba nanu siosawere unu umane utatane ane ane imuetaini daido utatane.

Romani 7:5

Bodere yanu sara siosa ueta nenoma ya yawotebina i tarawatuma yaba webiba ya yanu ofero siosawere utebisi. Enoba yana uieta uwara ari sisi.

Romani 8:7

Ana anama emanu bodere siosawere nenonu ueta utaitana Godini wasai utaita. Emana eno utaitaba Godinu tarawatu sina nautawa utaita. Emanu bodere nenona siosawereba iba gifena utaita.

Gareisia 5:17

Yanu siosa nenonu unu ima Godinu Imumu Kotofunu unuba wasai utasu, enanari Godinu Imumu Kotofunu unu ima yanu siosa nenonu unuba wasai utasu. Emana yanu imueta yawofitae iba urane yarane utedibaita.

Korose 3:5

Enoba ewa sakainu ueta ma uiawete ekodiawe. I uetana eno, dita yagera faretaini siosa udiri uetaini igawere yagera fareta imuetaini mui aruma o amara o aweta o emeba eno uyaretaro i siosa diti ure owere ma owere uetaini ibaiabai derawere muboe uetaini ina ba me godibai guriguri ueta ariba i nesia ma uiawete kodiawe.

2 Timotibai 2:23

Sara siosa yaraneta sina kodia. Uwarama i sinaba yaranaita. Nono Godinu gaukara amara urane yarane da ufite uwara nesiaba kekerama ufite we mawetu uegou ufite ibo da ufite dawaba wasai utaita uwaranu imueta kekerama ma wirofisu. Eno ufisuna Godima i uwara durua ufisuba emanu ba me ueta dubena afu sabitate Godinu ba sina naufitaita.

Taitasibai 3:3

Nono yaini naini bodere eno utebisi, yana me sara sara ue, gifena ue, moana uwaranu meo sina nauteda daba aika maika ane, yanu siosa nenonu waribo unu danu sabua ueta uwarana ya, eno ue, uwaraba woroworo ibo uteda diti uro owere ma owere ue, yanu yanu neno ka ue matane, enoma enoma utedibisi.

Taitasibai 3:9

I sara siosa uraneta sinaini sirorari ikiki sinaini Mosesinu tarawatu aika maika imueta sinaini i sina nesia uwarabai da wiate kodia. I sina ima i emeba durua da ufite ema ma siosa ufisuba da wiate ekodia.

Jeimisinu 1:14

Anama danu siosawere uetaroba i siosawere ueta dawabai ufisu. I amarama danu unu torowa ufisuna dawa siosawere ufisu. Dawa siosawere uteibisuba dawa me sara uifisu.

Jeimisinu 4:3

Yana Godibai wenaueraitaro matawa utasu. Aneba matawa utasu? Yana me sara wenaueraita. Yanu unu torowa ufoe iba Godibai wenaueraita. Enoba Godima yanu waita ane ane matawa utasu.

1 Fitanu 1:14

Bodere yana gifena me koiniboro ari. Yana gifena meba yanu bodere siosawere ueta sineta kodiawe. Bodere yana beforo kobererau meba iba siosawere utebita. Awona eno da uawe. Godinu sina nauawe.

1 Fitanu 2:11

Naiyemutu, nanu mui sina wemaro nauawe. Yana ewa orofaro ibinita uwara ari me. Yana aika daba dou uwara ari. Enoba yanu ofenu siosawere unu nesia kodiawe. I ofenu unu ima yanu nenonu imumuini uranusu.

2 Fitanu 2:18

Emana me sara sina siosa derawere weda siosa neno wanai uetama i ba me ueta reka ekoita uwara nono iro ma youre odaita.

2 Fitanu 3:3

Ewa sina imue eawe. I dubu kowaro emema uyafitate Godinu kotofu sinaba irufitate emanu unu torowa ufitaita.