Jeimisinu 3:1 - Yareba

¹ Naiyemutu, ya nesia tisa uwara siboe da imuawe. Godima ya tisa uwaranu ueta eregou ufiro ya da we mawetu uegou ufeisina sina kimuwere webisu. Nono i tisa me uwaraba sina kimuwere da webisu.

Jeimisinu 3:1 ပူးပေါင်းရင်းမြစ်များ

Matiunu 10:24

I ue iwata amarana derawere me, danu tisa amarana derawere. I gaukara amarana derawere me, danu dawa yawoeta amarana derawere. I ue iwata amaraini tisa amaraini arotorowa sibisisina ina ido. I gaukara amaraini yawoeta amaraini arotorowa sibisisina ina ido Yesuma wei. Na i su ubi amaraba Biesabo, seitani waitana, ya i su gaukara uwaraini ifu siosararabo webitaita wei?

Matiunu 23:13

Yesuma we kakara sina eno wei, ya tarawatu tisa uwaraini Ferosi uwaraini ya meoma weta uwara eregou uforo! Godinu ure yawoeta orofa daba garari utaitaba emema anawa utaita. Yana iro anawa utaitaro nono emema emanu unu i ure orofaro anibitae utaitana emanu anaita daba garari utaita.

Matiunu 23:14

Ya tarawatu tisa uwaraini Ferosi uwaraini ya meoma weta uwara eregou uforo! Yana wabu awetaboba meoma uteda emanu ibaiabai nesia suini waira utaitate nono guriguri yafawere irue utaita. Enoba Godima ya fanisi derawere mafisu wei.

Matiunu 9:11

Fataro i Ferosi uwara etate Yesunu iwata ueta uwaraba weita, yanu tisa amaraini i takesi muneta uwaraini neno neno ueta uwaraini aneba uruama ieta itaita weita?

Rukanu 16:2

Weitaba i dera amarama weiro danu yawoeta amara ido dawabai are fariro wei, i sina anene nautatane? Ina ba aba me? Anu gaukara me sininuba aniate anu kabaru buka woure mai, weiro ani.

Rukanu 6:37

Eno weite nono wei, moana uwaraba wawei da weboro Godima yaba wawei da webisu. Moana uwara fanisi da maforo yaba fanisi da mafisu. Moana uwaranu ueta imutawa uforo yanu ueta imutawa ufisu.

Joninu 3:10

Weiro Yesuma wei, aba ba sina wemaro naua wei. Ana Isaraero uwaranu mui tisa amara. Aneba iwawa utasu wei? Yanu eretaini imueta ibaiabaini aba waisiro munawaba iwawa utasu wei.

Afosoro 13:1

Anitiyoka suro naueta uwara ibebita. Emabai Godinu we bou ueta uwaraini tisa uwara ibebita. Emanu ifuna Banabasini Simioni, danu mui ifu Naiga, dawaini Rusiasi, dawa Sairina su amara, dawaini Manaeni, Erodinu dabue, dawaini Soroini, i uwarama emabai ibebita.

1 Korinita 12:28

Godima Danu naueta uwarabai moana uwara mune bou ue odi. Dawa eno ue odi, i afosoro uwarana botai uwara, Dawa eno ue odi. Emanu buribi Dawa we bou ueta uwara odi. Emanu buribi Dawa tisa uwara odi. Emanu buribi Dawa ofe ma wiroeta uwara odi. Emanu buribi Dawa buna ueta uwara odi. Emanu buribi Dawa durua ueta uwaraini eme yawoeta uwaraini kamama sina aika maika weta uwara odi.

2 Korinita 5:10

Yesu Keriso ewaro fafisuna ya nesia Danu yaureta gigirariro inafero Yesuma yanu ewa ofero ibeda utaisi ueta sineta ereda kobererau ueta sinetaba kobere moko mafite siosawere ueta sinetaba siosa moko mafisu. Enoba ya Yesu Kerisonu unu torowa utaisi.

Efesa 4:11

Danu aika maika me maeta bunana edono, moana uwaraba afosoro gaukara ueta mai. Moana uwaraba we bou ueta gaukara mai. Moana uwaraba Godinu sina weta gaukara mai. Moana uwaraba dubu su yawoeta we mawetu ueta gaukara mai.

1 Timotibai 1:7

I tisa uwarama Mosesinu tarawatu we mawetu ufitae weda nono i tarawatunu imueta iwawa iwawa utaita.

1 Timotibai 2:7

Godima iba na Danu sina weta amaraini afosoro amara mune odi. Na meo wiawa, ba watane. Aika uwarama Godinu ba sina imufitate Dawabai wirofitae iba na emanu tisa amara we mune odi.

2 Timotibai 1:11

Ewa sina wemane iba Godima na Danu afosoro amaraini tisa amara we mune odiba iba uwarama naba siosawere utaita. Naba siosawere utaitaro na iwata Yesu Keriso, Dawa imutataneba maru utawa utatane. Yesu Kerisoma naba ane ane maiba ina awonaroma Danu fafisu kowaro Yesuma yawoegou uteibisu.

Iburu 13:17

Yanu dera uwarama yanu neno uba yawotaitaba emaba gifena da uawete emanu iba sina nauawe. Duburo emana Godibai emanu gaukara nesia we ma boroyafitaitaba iba awona ya kobererau yawotaita. Emaba gifena da ufoitana yaru uteda ya kobererau yawofitaita. Gifena ufoitana neno siosa bobo ya siosawere yawofitaita.

Jeimisinu 1:16

Naiyemutu me sara da imuforo! Yanu urero ibinu Baba, Dawa i urero ario ibaiabai ubu ui, Danu aikana ewa orofaro kobere ibaiabai odasute yaba kobererau ane ane matasu. Godima Danu imueta uro owere owere da ufisu. Mui nanefa kobererau yaregou utasu, i ari Danu ario uegou utebasu.

Jeimisinu 1:19

Naiyemutu, ewa sina imuegou uforo! Moana uwaranu sina nauegou uawete sina faiyawere da wiawete ibo sau da uawe.

Jeimisinu 3:10

Meana demuraima we ma kobererau uetaini sina siosa wetaini farasuro wasu. Naiyemutu, ina ba me.

1 Fitanu 5:3

Kimuwere da yawoawete kobererau uawero efitate enanari ufita.