Jeimisinu 1:2 - Yareba

² Nanu naiyemutu nauawe. Urumu uetaini awe uyareta yabai fafisuna yaru uawe.

Jeimisinu 1:2 ပူးပေါင်းရင်းမြစ်များ

Afosoro 5:41

Eno utaro dera mitini ekoitate anita. I uwarana Yesu Kerisonu uwaraba moana uwarama emaba siosawere utebita. Utebitaro Godima bana wiawa afosoro uwaraba kobererau imuiba afosoro uwarama maru utawa yaru uta.

Romani 5:3

Awona i ueta aika maikama yanu naueta ma siosa ufie utebasu ima yanu naueta ma kima uteibisuba iba jaja utawa ure nudarau uteda yaru derawere utaisi.

Firifai 1:29

Godinu imuetana eno, Godima Danu unu uiba ya uwarama Yesu Keriso imutaitate Danu gaukara utaitaro nono Yesu Kerisonu ifuba awe uyareta yabai farasu Godima eno imutasu.

Firifai 2:17

Ya uwaranu nauetana Godibai fuyo oeta ari iba na ma uifitaitana ido yaru umau. Nana awona yaini yaru utatane. Enanari yana awona naini nanu uetaba yaru uawe.

Korose 1:24

Ya Korose su uwaraba awe uyareta faiyawere nabai farebita. Nono i awe uyaretaba iyarawa yaru utatane. Na awe uyareta wourataneba Yesu Keriso durua utatane. Yesu Kerisoma Danu uwara, emana Danu dubu suba awe uyareta faiyawere mune wourite ui. Na awona mui awe uyareta Danu uwaraba mune woure me simau. Nana Yesu Kerisonu dubu su yawoeta sina weta amara. Godima Danu kobere imueta nesia i aika uwarabai we ma boroyamane iba na Danu sina weta amara we mune odi.

Iburu 10:34

Yana i dibura uwaraba imuteda durua utebita. Moana uwarama yanu ibaiabai munebitana yanu me ibene ibene ibeta ibaiabai ibinuba yana ibo utawa yaru utebita enanari utebeawe.

Jeimisinu 1:12

Anama i siosa ue ereta ekodifisuna Godima dawa we ma kobererau ufiro yaru ufisu. Godima Dawaba neno arama utaita uwara emaba enanari me maeta derawere emaba mafisu.

Jeimisinu 1:16

Naiyemutu me sara da imuforo! Yanu urero ibinu Baba, Dawa i urero ario ibaiabai ubu ui, Danu aikana ewa orofaro kobere ibaiabai odasute yaba kobererau ane ane matasu. Godima Danu imueta uro owere owere da ufisu. Mui nanefa kobererau yaregou utasu, i ari Danu ario uegou utebasu.

Jeimisinu 1:19

Naiyemutu, ewa sina imuegou uforo! Moana uwaranu sina nauegou uawete sina faiyawere da wiawete ibo sau da uawe.

Jeimisinu 5:11

I uwarama Godibai bunawere imuteda Dawa ekodawa utebitaba iba imuteda i uwarana kobere uwara waisi. Boderewere mui naueta amara Jobu enanari ui. Danu sina ya iwata utaita. Dawa Godibai bunawere imutebiba Godima Jobunu dubu kowaro dawaba kobererau ui enanari yaba kobererau utasute ya neno arama utasu. Ina ya iwata utaita.

2 Fitanu 2:9

Enoba Godima i kobere uwara emanu siosawere ere uetaroma ma wirotebite i siosawere utebita uwara awonaroma daido fanisi mateibiro Danu koto ueta kowa ido fafisu.

Jonibai We Ma Boroyari Sina 2:10

I oferi woufoita ibaratu iya da uyawe. Nanu sina nauawe. Seitanima ya uwara faiyawere moana ue efie woure diburaro odifisu. Eno ufiro kowa teni torowa oferini neno arama derawere woufoita. Yanu naueta da ekodiawe. Buna uawete uifoitana duburo Nana yaba wiroeta me ibene ibene ibeta yaba mamaro ibifoita.