Jeimisinu 1:1 - Yareba

¹ Na Jeimisi, nana Godini yanu Dera Waria Amara Yesu Kerisonu gaukara amara. Ya mui abua tuero (12) Isaraero uwara yanu ba su ekoitate orofa atata aika maikaro wo bogaru ue anitaba yaba ario sina weda ya uwarabai ewa owawa siaia umane iba owawa ue odatane.

Jeimisinu 1:1 ပူးပေါင်းရင်းမြစ်များ

Matiunu 13:55

Dawa etei su ma inareta amaranu amara aba me? Meride Danu danua aba me? Jeimisini Jousefaini Saimonini Judasini ema Danu dabureta aba me?

Matiunu 19:28

Weiro Yesuma emaba wei, ba wemaro nauawe, i Ba Eme Sini Amarama i reka fafisu orofaro Danu kobere yawoeta yaureta deiro yaufisu. Yaubifiro yana Nanu buribi anaita uwarama mui yawoeta yaureta deiro yaufote i Isaraero uwaranu abua tuero (12) yawofoita wei.

Makanu 3:18

Enuduruini Firifini Batoromiuini Matiuini Tomasini Jeimisini dawa Arofiasinu amara Tediasini Keinani amara Saimonini Judasi Isikarioti, i amara Judasi Yesuba do mai amara. I uwara nesiaba Yesuma yua weiro fata.

Rukanu 22:30

Nanu yawoeta orofa iro Nanu kaiyobai yaubeda Naini ietaini ogoini ifote i Isaraero uwaranu abua tuero (12) yawoteiboita wei.

Joninu 12:26

Anama Nanu gaukara mubite uifie ufisuna Nanu buribi ido afisu wei. Na aboro ibimauna dawaini iro Nanu gaukara amara ibifisu wei. Anama Nanu gaukara uegou ufiro Godima dawa we ma kobererau ufisu wei.

Joninu 7:35

Eno weiba i Ju uwarama we mataneda weita, ewa Amara aboro anibiro dawa da atafeisi weita? Yanu we berasiro Guriki uwaranu orofaro anita uwarabai anibite ema we mawetu uteibisu aba?

Afosoro 1:13

Iroma Jerusaremu suro are fatate emanu su ubarero amuta. Fitaini Jonini Jeimisini Enuduruini Firifini Tomasini Batoromuini Matiuini Arofiasinu amara Jeimisini Keinani orofa amara Saimonini Jeimisinu amara Judasini moana awetaboini Yesunu danua Merini Danu daburetaini ema ainewaure guriguri utedibebita.

Afosoro 12:17

Weitaba Fitama age ramamiro weroroka ekoita. Ekoitaro Fitama danu ana eba suro ibiro aneruma dawa iroma wawaro woure amo odi sina wei. Weite emaba wei, Jeimisini i naueta uwaraba ewa sina wiawe weite ema ekodite mui orofaro ani.

Afosoro 15:13

Emanu sina we me sisiro Jeimisima yare wei, kaka nabue, nanu sina nauawe wei.

Afosoro 15:21

Bodere kowaroma moana uwarama Mosesinu tarawatu natofo su suini Ju uwaranu dubu su nesiaro sabate ainewaure ina yawitebitaro iro ane nautebita. Awona enanari dubu suro ane yawitaisiro nautaita wei.

Afosoro 2:5

Jerusaremu suro naueta Ju uwara faiyawere yaubita. Mui orofa atataroma fatate yaubebe i rurua nautebitaba iro anitate emanu aika maika sina tanana naue naue utate neno kirifu derawere uta.

Afosoro 21:18

Etei mui kowaro Jeimisini i Godinu sina naueta yawoeta uwara yaubitaro emabai ane fasi.

Afosoro 23:26

Nanu sina kikiratu naua.

Afosoro 8:1

Soro danu unu Sitiwani ureta iba Sitiwani utana Foronu neno ido itari. Moana Isaraero Godi naueta uwara are fatate i weda Sitiwaninu ofe mune uri uta. Danu uieta kowaroma moana uwarama Jerusaremu dubu su naueta uwaraba ba me uta. Eno utaba wo bagaru ue aika maika anita. Judiaini Samaria orofaro anita. I afosoro uwara torowama Jerusaremu suro ibebita.

Romani 1:1

Na Foro Yesu Kerisonu sabua ueta amara. Godima na afosoro amara mune odi. Danu kobere sina wemane iba na mune odi. Godima na eno mune odiba awona yaba ewa owawa ue odeda watane.

Gareisia 1:19

Na iro ibeda Godinu moana afosoro uwara erawa uete yanu Dera Waria Amara Yesunu dabue Jeimisi torowa ere.

Gareisia 2:12

I kerere uetana eno, Jeimisima Anitiyoka suro farawa uiro Fitama i aika uwarabai ibeda ieta itebi. Ieta eno iteda ibiro Jeimisima moana uwara siaia uiro Fita dawabai ane fataba Fita i ofe tureta Ju uwaraba iyareda i aika uwara ekodite emabai ieta ane itawa ui.

Gareisia 2:9

Jeimisini Fitaini Jonini emana i dubu su dera yawoeta uwara. Ema Godima Fitaini naba buna maeta ido iwata uteda naini Banabasini wanu age mamitate weita, ya sadeina i aika ofe turawa uwarabai ane Godinu sina wegou uawaro nono yana i ofe tureta Ju uwarabai ane webe weita.

Firifai 1:1

Na Foro, Timotini naini wana Yesu Kerisonu sabua ueta amara sadei. Wana ewa owawa ue odaitu. Yesu Kerisonu naueta uwaraini dubu su yawoeta dera uwaraini dikoni uwaraini ya Firifai su naueta uwara nesiaba ewa owawa siaia utaitua eawe.

2 Timotibai 4:21

Obi kowa fafisuba nabai sau are ea. Ibirasini Fiudenini Rinasini Korodiaini Godinu naueta uwara nesia emanu ario sina aba waita.

Taitasibai 1:1

Na Foro, nana Godinu sabua ueta amaraini nana Yesu Kerisonu afosoro amara.

1 Fitanu 1:1

Na Fita Yesu Kerisonu afosoro amarama ewa owawa ue ya Godinu we muneta uwara yaba owawa odeda wataneba yaba wemaro nauawe. Ya Ju naueta uwara yana yanu ba suini orofaini ekode moana orofa atata ifu ifu Fonitusi orofaini Gareisia orofaini Kafadosia orofaini Eisia orofaini Bitinia orofaini i orofa atataro wo bogaru ue anita uwara yaba owawa ue odatane. Godima Danu unu uite ya we mune odi. Godinu Imumu Kotofuma ya uwaranu neno ma rorowarau uina Yesu Kerisonu sina naufoe iba ui. Godi Dana Yesu Kerisonu ononoma yanu siosawere neno uroi. Yana Godinu unu nesia ufoe imutaita. Godi Dawa ya durua uteibite Danu wesa ueta yabai mateibiro yana wesarau ue ibeiboe watane.

2 Fitanu 1:1

Na Saimoni Fita Yesu Kerisonu gaukara amara. Nana Danu afosoro amara, nana ewa owawa ue odatane. Ya naueta uwaraba wemaro nauawe. Nana Godi nautatane enanari yana Godi nautaitaba yanu nauetana arotorowa. Yesu Keriso yanu ma wiroeta Godi Dawana kobererau. Dana nesia rorowarau utasute i naueta yaba arotorowa matasu.

Judenu 1:1

Na Jude, Jeimisinu dabue. Nana Yesu Kerisonu gaukara amara. Ya, Godinu muneta uwara, yanu Baba Godima ya neno arama utasuro Yesu Kerisoma ya yawoegou utasu. Yaba ario watane.

Jonibai We Ma Boroyari Sina 7:4

Dana naba eno wei, i isi muta uwarana faiya faiyawere. I Isaraero abuamutu uwara nesiabairoma uwara faiyawere wani aderedi foti fo tausani (144,000) mune Godibai odi weiro naue. Emanu yawietana eno, Juda uwarabairoma uwara tuero tausani (12,000) mune emanu beforo Danu isi sane odi. Rubeni uwarabairoma uwara tuero tausani emanu befororo Danu isi sane odi. Gedi uwarabairoma uwara tuero tausani mune emanu befororo enanari sane odi.