Iburu 7:6 - Yareba

⁶ Mekisideki dana Riwainu sisiana me. Merogo nono dana Eibaramubairoma taisi ibaiabai muniba Godinu we bou ueta muni amaraba we ma kobererau ui.

Iburu 7:6 ပူးပေါင်းရင်းမြစ်များ

Afosoro 3:25

Ya nesiana we bou ueta uwaranu adarabu. Yana Godinu we bou ueta naueta uwara. Godima Eibaramuba we bou uiro yanu babamutu nautaro awona ya nesia nautaisi. Godima Eibaramuba wei, anu koiniboroba i orofa atata uwara nesia we ma kobererau umau, Godima eno wei. Godima Danu waiya ueta Amara Yesu, ma uyarite yabai ko siaia ui. Eno uite yanu neno neno uetabairoma ya nesia ma owefite we ma kobererau ufie uteda iba siaia ui wei.

Romani 4:13

Godima Eibaramuini danu sisia uwaraini i orofa atata nesia mubitae we bou ui. Eibaramuma i tarawatu sina naui iba Godima i tarawatu naui webite i sina we bou utawa ui. Eno utawa uiro Eibaramu dawa danu naueta Godibai odi iba Godima dawa ma rorowarau uite i sina we bou ui.

Romani 9:4

Emana Ju uwara Godi Danu adarabu sibitae ema Danu torowabai ma taka uteda we mune odi. Eno we mune odite Danu kobere araeta emaba nata nata ui. Eno uite Danu unuro ue matanetaini dera dubu suro ba guriguri uetaini we bou ueta tarawatu emaba mai.

Gareisia 3:16

Godima Eibaramuini danu amaraba sina we bou ui. Godinu bukaroma Eibaramu danu adarabu nesiaba wiawa utasu. Godi Dawa uwara faiyawereba we bou utawa ui. Dawa amara demuraiba we bou ui. Godinu bukaroma eno wasu, Anu Amaraba watane eno wasu. I Amarana Yesu Keriso.

Iburu 11:13

I uwara nesia emanu naueta Godibai oitate uita. Godinu we bou ueta munawa utate yafawereroma nesia etate weita, ya ewa orofaro aika eme ari ibinisi. Ya i me dabaro uwara ari weita.

Iburu 11:17

Eibaramuma danu naueta Godibai odiba Godima weiro Eibaramu Godibai danu amara Aisiki fuyo odinono ui. Aisiki dana Eibaramunu amara demurai.

Iburu 7:1

Mekisideki dana Seiramu orofanu kini amara. Dana i Seiramu orofa uwara yawotebi. Dana i Dera Godinu botai fuyo ode sina weta amara. Eibaramu dana moana kini foini (4) uranebe urane ma serigari uite owere fari. Farebina Mekisidekima ane Eibaramu atanite we ma kobererau ui.

Iburu 7:7

Imue eawe! I we ma kobererau ueta amarana derawere, i we ma kobererau ueta muneta amarana otowaratu.