Iburu 6:19 - Yareba19 Bouti anikama you ogo ubarero ma kimu utasu, i arina wiroeta imutaisina ima yanu neno ma kimu utasu. Yesu Keriso yanu ma wiroeta Amara Dana yaba i urero wadiama garari ueta koruro Godibai ani. အခန်းကိုကြည့်ပါ။ |
Godi Dawa eno ueta Godiba Eibaramu danu naueta Godibai odegou uite i kimuwere ueta iwawa utawa ui. Dana Godi Eibaramu dawaba amara mafisu imuteda yawoi. Danu naueta Godibai odegou uiba dawa orofa atata faiyawere uwaranu sirorari amara sini. Godinu bukaroma enanari wasu, anu sisia uwara faiyawere sibitaita wasu.
Yanu ure nudarau uetaba yanu naueta kimu utasuro Godima ina kobererau we imutasu. Godima eno we imutasuba Danu we bou ueta nesia mubene yawotaisi. Godinu Imumu Kotofuma Godinu neno arama ueta yanu neno ubarero woure odegou uiro ibinuba yanu mubene yawotaisi ina daido fafite yanu neno da ma siosa ufisu ina ya iwata utaisi.
Nono i korunu garari ueta wadia etarafu i kakara derawere koru ibi. I kakara derawere koruro i goru fuyo oeta kabesiro ibina iro bonanawere fuyo inama yarebita. I unuro ue mataneta goru bogesi iro ibina ubarero i mana waita ieta goru oeta kawabu ibiro Eroninu tua bobo akuri ibiro i unuro ue mataneta sina bobo gebiro sadei ubarero ibita.