Godima yanu baba Eibaramu imuteda neno arama uteda Danu we bou ui sina enanari utasuba yaba wasai utaita uwaranu ageroma ya ma darefite ya ma kobererauini we ma fira ufisu. Iba iya da uyafete Godinu iboro kobere ueta sineta ue ibeda rorowarau uteibeisi wei.
I sinanu ubi we ma boroyamaro nauawe. Anama mui amaraba ane we bou uteda danu ifu maiba aika sina da odifisu. Duburo dawa aika imufisuna tarawatuba aika sina da odifisu.
Anama danu me ibene ibene ibeta kabesi muneta i tarawatubai mubisuna nono dawa i we bou ueta ma arama ufisu. Nono Godima Eibaramubai danu nauetaba a we ma kobererau umau eno we bou uite enanari ui.