Iburu 6:11 - Yareba

¹¹ Nanu ununa ya nesia bunawere uteiboro i dubu kowa fafiro Godinu we bou ueta yawotaita enanari nesia muboe watane.

Iburu 6:11 ပူးပေါင်းရင်းမြစ်များ

Matiunu 24:13

Nono anama awonaroma inare kimu ue i dubu fafisu kowaro ane fafisuna dana wiroeta mubisu.

Rukanu 1:1

Naiye, Tiafarasi, nanu sina ewado ea. Yesu Kerisoma buna ueta faiyawere yabai utebi. Moana uwarama Danu buna ueta erebitate Danu sina yaba webitate owawa odebe yabai matebita.

Romani 12:8

Ananu bunana emeba we kakara ueta mai enanari bebetuma we kakara utebasu. Ananu bunana moana emeba nata nata ueta mai enanari uegou utebasu. Ananu bunana durua ueta mai enanari uegou utebasu. Ananu bunana neno arama ue durua ueta maiba yaru uteda enanari durua utebasu.

Romani 15:13

Godi Dawana yanu nauetanu ubi. Dana yaba durua ufiro Dawaba imuegou ufote yaru uteda wesarau ibifoe iba watane. Yana eno uforo Godinu Imumu Kotofuma yaba buna derawere mafiro Godi imuteda Dawa yawoegou ufoe watane.

1 Korinita 13:13

Ido, i Godi naueta dabaini i Godi yawoeta dabaini i ba neno arama ueta dabaini i daba nesia ibeibitaita. Nono i dabanu botaina neno arama ueta ina ba daba ido.

1 Korinita 15:58

Enoba naiyemutu, buna ue, imueta ure owere ma owere da ue, Godinu gaukara uegou ue, eno utebeawe. Godinu gaukara ufoitana ina kobererauba Godima ya moko mafisu.

Gareisia 5:5

Godinu Imumuma ya durua utasuba eno we imutaisi, Yesu Kerisoma yaba uiba Dawa ya ma kobererau uteda Godinu iboro ma inafiro efisu we imuteda ina imuegou utaisi.

Gareisia 6:9

Enoba kobererau utebe utebe arama da ufete kobere ueta da ekodifeisina Godinu kowa ido fafiro yanu moko daido ba mubeisi.

Firifai 3:15

Ya naueta derawere uwarama naini eno imufoe watane. Nono moana aika imufote Godinu ba sina nauegou ufoitana Godima ya we mawetu ufiro i ba imueta iwata ufoita.

Korose 2:2

Nana Godibai guriguri uteda weta sinana eno, yanu yanu neno arama ue mataforo yanu neno nesia demurai ari ufiro buna ufisu. Yana Godinu imueta iwata uegou ufote Danu Yesu Keriso kiwuma imueta iwata ufoita. I kiwuma imueta Yesubai ibinu, eno watane.

1 Tesoronaika 1:5

Naini nanu uwaraini ya ewa kobere sina me sara sina torowa webene yabai wo farawa utaisi. Ema, enona me! Ina Godinu Imumu Kotofunu bunaro fareda yanu naueta ma derawere utasu. Iba yanu ueta yabai kobererau utaisi.

1 Tesoronaika 4:10

Yana i Masadonia orofa Godinu naueta uwara nesia neno arama utaitaro ya iwata utaisi. Nono yanu ununa ya Tesaronaika uwara neno arama deiro deiro eno uegou utebeawe.

2 Tesaronaika 3:13

Naiyemutu, kobererau torowa utebe ejiwa da uawe.

Iburu 3:14

Yana yanu naueta Yesu Kerisobai oitate Dawa imuegou uta enanari awona dawa imuegou utaitana yaini Dawaini uruama yaubeda Danu imuetaini ane ane nesia munaita.

Iburu 3:6

Yesu Keriso Dana Godinu Amara iba Dana Godinu su yawotasu. Imue eawe. Ya buna utaisite Godi imutaisite Danu we bou ueta nesia mubene imutaisina yana Danu su uwaraba ya nesia Dana yawotasu.

1 Fitanu 1:21

Enoba yana uegou ofoita. Godi Dawa Yesu Keriso uietaroma ma uyarite Danu ifu we ma derawere ui. Dawa eno uiba yanu naueta, yanu imueta Godibai daido ibifisuba iba Godi yawofoita.

2 Fitanu 1:10

Enoba naiyemutu, Godinu gaukara uegou ufoitana yana Godinu muneta uwara daido iwata ufoita. Ya eno ufote buridu unono da ufote Godibairoma da ureifoita.

2 Fitanu 3:14

Enoba naiyemutu, i kowa yawofoitaba yanu ueta sineta eregou uforo. Yanu Dera Waria Amarama faosote yabai igawere ane ane ataosoba eregou uawete wesarau ue ibiawe.

1 Joninu 3:14

Yanu naiyemutuba neno arama utaisiba uieta ekoisite fare i me ibetaro ibinisi. Ina ya iwata utaisi. Anama danu domayaba neno arama utawa utasuna dawa i uietaro ibinu.

1 Joninu 3:19

Yana ba ufeisina yana Godinu uwara iwata ufete Godibai inafeisina maru da sibeisi.

Jonibai We Ma Boroyari Sina 2:26

Ana anama i siosawere ueta serigari ufitate Nanu unu ueta awonaroma i dubu kowaro uteibitaitana Nanu Babama Naba buna mai enanari emaba mamaro emana i orofa atata uwara nesia kimuwere yawofitaita. Emana kimuwere yawoteda Naba wasai utaita uwara ma berafitaita. Emema aiyoni isu ari ima nasinima ubu ueta okia kikiratu ure birabiarebaita i ari emema kimuwere yawofitate Naba wasai utaita uwara ma berafitaita. Nana emaba i waura warai bububu ueta baikoni mamau.