Iburu 4:12 - Yareba

¹² Godi Dawa me ibeda bunawere utasu enanari Danu sina bunawere utasu. Godinu sinana awe derawere oini derena nio sadei bobo ba kaiya ari. I kaiyana awerogo nono Godinu sina awe derawere. I sinama kaiya ari emenu neno baka tai umanono utasute siruru tai umanono utasute emenu nenoma imuetaini unu uetaini nesia iwata uteda ma boroyarasu.

Iburu 4:12 ပူးပေါင်းရင်းမြစ်များ

Rukanu 8:11

Yesuma eno weite nono wei, i kasei sinanu ubina eno, i yona Godinu sina ari.

Joninu 12:48

Anama Nanu sina nautawa utasute Na ekodasuna danu dera koto amara ibinu. Nanu watane sinama danu dera koto amara ari. Nanu watane sinama dawa duburo koto ufisu wei.

Joninu 6:51

Anama i ieta ifisuna me ibene ibene ibifisu wei. I ieta matataneba i orofa atata uwara nesia ifitate me ibene ibene ibifitaita, i ietana Nanu ofe wei.

Afosoro 2:37

Weiro nautate neno siosa uteda weita, anene ufeisi weita?

Afosoro 4:31

Godibai i guriguri ue me sitaro emanu yaubita kabesi wawana wawana uiro Godinu Kotofu Imumu emanu neno ubarero itariba Godinu sina bunawere webita.

Afosoro 5:33

I kanisoro uwara i sina nautate ubusi derawere uyatate i afosoro uwara ufene weita.

Afosoro 7:38

Ewa Mosesini eme ibawa orofaro ibeda iro sina weta gaukara utebi. Sainai maidaniro maniro aneruma dawaba sina wei. Iro yanu buna tarawatu munite yabai tarari wei.

Romani 1:16

Nana Godinu weta kobere sinaba maru utawa utatane. I sinana Godinu buna derawere sina. I buna sinama i nautaita uwara ma wirotasu. I Ju uwara ma wirotasute nono duburo emanu buribi i Ju me aika uwara ma wirotasu.

1 Korinita 1:24

Nono Godinu muneta uwara, Ju uwaraini Guriki uwaraini nesia eno waisi, i sinana Yesu Kerisonu sina. Yesu Keriso Dana Godinu buna. Yesu Keriso Dana Godinu iwata eno waisi.

2 Korinita 2:17

Ya Godinu sina weta uwara, ya enanari utaisi. Moana uwarama oi mubitae iba Godinu sina rorowarau wiawa me sara waita. Nono yana eno utawa utaisi. Godima ya mune odiba Yesu Kerisoma ya durua utasuro Godinu iboro inaibeda Danu ba sina rorowarau waisi.

2 Korinita 4:2

Ya unutawa ue gagau uetaini iruetaini iba ema ekodaisi weisi. Ya ue gagau utawa utaisite Godinu sina rorowarau waisi. Ya Godinu iboro inaibeda Danu ba sinaroma waisiro eme nesia nauteda ya ba waisi eno imufitae iba eno utaisi.

Efesa 5:13

I ueta nesia Yesunu arioro odifoitana i arioma i ueta nesia emanu ubi ma boroyafiro iwata ufoita. I ma boroyareta ememetu nesiana ario sibisu.

Efesa 5:26

Yesu Keriso Danu ununa Danu naueta uwara Godibai mune odifie Danu sina emaba maite babataito uiba toafurau ibinita.

Efesa 6:17

Godinu wiroeta muawete ina yanu burudu kimu kofi barueta ari iba baruawe. Godinu Imumu Kotofu Dana Godinu sina yaba matasu. I sina, ina yanu dera kaiya ari iba muawe.

1 Tesoronaika 2:13

Godinu sina yaba weisiro nautana ina emenu sina me, ina Godinu sina weita. Ba weita. Ina Godinu sina. Ima ya naueta uwara, yanu neno ma wirotasu. Ya eno webaitaba Godibai woroworo we ma kobererau utebaisi.

1 Tesoronaika 5:23

I wesarau ueta maeta Godi yanu neno ma roatarau ufie watane. Yanu Dera Waria Amara Yesu Keriso fafisuba yanu imumuini nenoini ofe ubuini ma kobererau ufiro ya fanisi da muboe watane.

Iburu 13:7

Yanu dera uwarama bodere Godinu sina yaba webita. Emanu ueta sinetaini uietaini imuawete enanari uawe.

Jeimisinu 1:18

Godima Danu ba sina yaba mafie we imuite iba Danu ba sina mairo yana nauteda Danu botai uwara sisi. Nono duburo moana uwarama Danu ba sina naufitate Danu naueta uwara sibitaita.

1 Fitanu 1:23

Yana reka me ibeta muta. Ina yanu yanuanu muneta ari me. Ina me ibene ibene ibeta ari. Godinu me ibene ibene ibeta sina ima ya reka munono ui.

Jonibai We Ma Boroyari Sina 1:16

Dana muina seweni Danu banibira agema maibi. Nono mui simeri awe sadei Danu bebeturo ibiro eno bobo wawaro amui. Danu ibo nawatana i kowa otoro ario ari.

Jonibai We Ma Boroyari Sina 19:15

Dawa anina awe derawere yafawere kaiya Danu bebeturo ibebe wawaro amui. Dana i kaiyama i orofa atata uwara nesia ma serigari ufie ani. Dana yawoeta isuma i uwara nesia kimuwere yawofite emema gureifi tai ure adidiareta kabesiro ure adidiarebaitaro dumamu itarebasu i ari Godinu ibo derawere ueta kabesiro i uwara ure adidiafisu ari.

Jonibai We Ma Boroyari Sina 19:21

I inakeowere osi deiro yaubi Amara Dana Danu bebeturo ibebe wawaro amui kaiyama i buna egini meo we bou ueta amaranu ami uwara nesia ure uie wasa uiro i gasira nesia fatate emanu ofe ubunu damadama ie me sitate dia uta.

Jonibai We Ma Boroyari Sina 2:16

Enoba yanu siosawere ueta dubena afu sawe. Eno da ufoitana yabai sau amate Nanu bebeturoma amutasu awe kaiyama i uwaraboini uramau wei.

Jonibai We Ma Boroyari Sina 2:23

Nana eno umate danu koiniboro nesia ma uimauba i dubu su naueta uwara nesia ema iwata, Nana eme nesia emanu imuetaini unu nesia iwata utatane ema iwata. Ya nesia yana ane ane utebitaba yanu moko demui demui yaba mamau.

Jonibai We Ma Boroyari Sina 20:4

Nana mui eno ere, moana yaure yawoeta orofaro moana uwara yautaro ere. Godima emaba buna mairo emeba koto uta. Nana erena moana uwarama Yesunu we ma boroyari ba sinaini Godinu sina webitaba uwarama ema urebitaro uitebitaro emanu imumu Godibai manitaro emanu imumu nana ere. I uwarama i buna egini danu imumubai guriguri utawa utate ema unutawa danu isi emanu beforoini agero oetaba iba munawa uta. Emana uitebitate nono uietaroma uyarebitaba emaini Yesu Kerisoini oya wani tausani (1000) yawofitaita.