Iburu 13:9 - Yareba

⁹ Yana imueta daba aika maika imuotoba emenu aika maika we mawetu ueta sina da nauawe. Godinu kobere durua uetama yanu neno ma kimu ufisu deina ido. Ietanu tarawatu sinana ido me. Ana anama i ieta tarawatu sina nautaitana i tarawatuma ema durua utawa utasuba emanu sina da nauawe.

Iburu 13:9 ပူးပေါင်းရင်းမြစ်များ

Matiunu 24:24

I kowaro irueta kerisoini irueta we bou ueta uwaraini uyafitate buna uetaini eretaini eme irufitae ufitate Godinu muneta uwara irufitae ufitaita.

Matiunu 24:4

Weitaro Yesuma wei, eregou uforo! Moana uwarama ya irufitae fafitaita.

Rukanu 5:38

Reka waini reka egi ofero adu ufisu.

Afosoro 20:30

(Awe boroma gasira ifie yowere anasuro iya anaita i ari) siosa uwarama uyafitate Godinu sina naueta uwarabai fafitate we berafitaita wei. Moana meo uwarama yabairoma uyafitate meo sina webitate irufitaitaba moana uwarama emanu buribi anibitaitaba ibago yawoegou uforo wei. Nana yabai neno arama uteda i weda ainewaure Godinu sina wegou utedibebitara wei. Oya rarogonu eno utebitara wei. Awonana ya Godibai odimaro ya yawofisu wei.

Afosoro 20:32

Godinu sina wegou uforo yanu imueta ma kobererau ufite Danu we mune oeta uwarabai yanu kabesi odifisu wei.

Romani 14:17

Godima ya yawoe arasuna ietaini ogo torowa ifene imutawa utasu. Dawa ya rorowarau ufete wesarau ufete nenoma merau ibifene imutasu. Ina edono, rorowarau uetaini wesarau uetaini nenoma yaru uetaini, Godinu Imumu Kotofuma yabai ibeda i ueta nesia ma boroyarasu.

Romani 14:6

Anama mui kowana botai kowa imutasuna dawana Godi imutasu. Anama egi itasuna dawana Godi imutasu, dana Godibai i egiba we ma kobererau utasu. Anama egi itawa utasuna dawana Godi imutasu, dana Godibai danu aika ietaba we ma kobererau utasuba.

1 Korinita 6:13

Yana eno waita, Godima yanu desini ubu uite yanu desiniba ieta mai waita. Eno waitaba nanu sina wemaro nauawe. Mui kowaro Godima desinini ietaini nesia kodifiro me sibisu. Yanu ofe ubuna dita yagera fareta emetu merogo yanu ofe ubuna yanu Dera Waria Amaranu. Idoba Dana ya yawotasu.

1 Korinita 8:8

Yanu ieta itaisi, yanu ieta itawa utaisi, i itaisi ibana Godi imutawa uteda ya kobere uwara wiawa utasu. Ina da ifeisina kobererau da ufeisi. Ina ifeisina ima ya ma arama da ufisu.

2 Korinita 1:21

Nono Godima yaini yaini Yesubai mune odeda ma buna utasute yanu gaukara aika maika matasu.

Gareisia 6:1

Naiyemutu, mui amara dawa unutawa siosawere uetaba imutebe nono imutawa ufite siosawere ufisuna ya Imumu Kotofuini uruama inaraita uwarama i amara kekerama we ma rorowarau uawe. Ya enanari uotoba yanu ueta sineta eregou uforo.

Efesa 4:14

Eno ufeisina ya koiniboro arina me. I we gagau uwaranu aika maika imuetana enea ufeini oyau ari. Ima ya woure ane are, ane are, enoma enoma da ufisu. Emanu ununa uwaranu imueta ma siosa ufitaita.

Efesa 5:6

Emenu siosawere irueta sina da nauawe. Enoba Godima Dawabai gifena utaita uwaraba ibo derawere ufite fanisi mafisu.

Korose 2:4

Moana uwarama yaba bebetuma gugu fareda ba sina ari meoma wiotoba iba i sina yaba wemaro naufoe iba eno watane.

1 Timotibai 6:20

Timoti, nanu sina naua! Godima aba mai, i, yawoegou ufaro! Moana uwarama, Godinu sina me, meo sina aika maika, aika maika waitate ina ba imueta waita. Eno waitaba moana uwarama nauteda Godi ekodaita. Godinu kotofu sina ma arama da ua iba watane. Godinu neno yabai ibifiro Godima ya kobererau durua ufie watane. Nanu sina ido me sininu.

1 Joninu 4:1

Nanu uwara, nanu neno yabai ibinu. Moana uwaranu sina da nauawe! I uwarama waita, Godinu Imumu yabai ibinu waitana ba me. Enoba imue eawe! I emabai ibinu imumu ue eawe. Ina Godibairoma fari aba me?

Judenu 1:12

I uwarana siosawere. I uwarama yabai areto ieta ifitae faraitana ba me utaita. Sina derawere weda yo waitate ieta derawere itaitate moana uwara imutawa uteda emanu torowa imutaita. I uwarana igawere wadia ari. I uwarana obi me goso ari. Oyauma goso ure wawanasuro obi matawa utasu enanari i uwarama sina faiyawere waitate ane ane utawa utaita. I uwarana tai uwanawa ana ari. Tai meba ma dowaraitaro ainibeda sibu urasu, enanari awonana uieta uwaranu ibeta ari. Duburona emanu uieta dabaro anibitaitaba iba emanu uietana sadei ari.

Judenu 1:3

Naiyemutu, nanu ununa Godinu yabai mai ma wiroeta sina wemane imutatane. Nono na mui sina naueba iba aika sina owawa ue odatane. Nanu sina odimaro eawe. Yanu nauetaro me sara da ufete yanu buna nesia i nauetaro odegou ufete Godima uwaraba mai nauetaro inare kimu ufene iba watane.