Iburu 13:21 - Yareba

²¹ Nanu ununa i wesarau ueta Godima yaba Danu kobere imueta mafite ya ue bou ufiro Danu unu nesia ufoe watane. Godima Yesu Kerisonu ifuro yanu neno ubarero Danu unu ufie watane. Ya nesia Yesu Kerisonu ifu me ibene ibene we ma derawere uteibene iba watane. Nanu sina ido.

Iburu 13:21 ပူးပေါင်းရင်းမြစ်များ

Matiunu 12:50

Ana anama Nanu urero ibinu Baba Godinu sina nautaitate enanari utaitana emana Nanu nabuemutuini arumaini baya ari wei.

Matiunu 21:31

Abo amarama danu damamanu sina naui wei? Weina botai amarama weita. Weitaro Yesuma wei, yaba ba wemaro nauawe. I takesi muneta uwaraini emeba uyare fareta awetaini ema ko Godinu ure yawoeta orofaro anibitaro yana aniboita aba me Yesuma wei.

Matiunu 6:13

I siosa ue ereta ibaiabai yabai da woure arate i siosabairoma ya woure eta ania.

Matiunu 7:21

Moana uwara faiyawere Naba Dera Amara, Dera Amara waitana nono i uwara nesia i ure yawoeta orofaro da anibitaro Nanu urero ibinu Babanu imueta utaita uwarama torowa iro anibitaita.

Joninu 7:17

Anama Godinu unu uegou ufisuna dawa eno iwata ufisu, Nana Godinu imueta watane o Nanu imueta watane, dawa iwata ufisu wei.

Romani 11:36

Godima i nesia ubu ui. Dana nesia yawotasuro ibinita. I nesina Danu. Enoba Danu ifu ibene ibene we ma derawere uteibeisi. Deina ido.

Romani 16:27

Godi Danu torowa nesia iwata utasu. Ya Yesu Keriso imuegou uteda Godinu ifu we ma derawere uteibene iba watane. Nanu sina ido.

2 Korinita 9:8

Ibaiabai nesia Godinuba yaba derawere mafiro mubote yanu unuro muneda nono faiyawere i kobere uetaba mafoita.

Gareisia 1:5

Enoba Godibai awonaini duburoini ainewaure me ibene ibene we ma kobererau uteibeisi, ido.

Efesa 2:10

Godima ya ubu uite yana kobererau ueta torowa uteibene iba Yesu Kerisobai ma taka ui. Dana bodere i kobere ueta sineta odite i uteibene iba Yesu Kerisobai ma taka ui.

Efesa 2:18

Ya uwara nesia Ju uwaraini aika uwaraini Yesuma ya nesia ma wiroiro Godinu Imumu Kotofu yanu nenoro ibinuba Godinu iboro inaibeda guriguri utaisi.

Firifai 1:11

Nanu ununa ya uwarabai Yesu Kerisonu kobere ueta ibifiro eno uforo emema efitate Godiba we ma kobererau ufitae iba Godibai guriguri utatane.

Firifai 2:13

Godi Dawa yabai ibeda Danu unu uteda Dawa imufote Danu gaukara ufoe durua utasu.

Firifai 4:13

Yesu Kerisoma naba buna matasuba nana ane ane nesia utatane.

Firifai 4:18

Nabai awona derawere ibinu. Yana ane ane Efafadaitusiba mataro woure fare naba mairo derawere ibinu. Yanu maetana bonanawere fuyo oeta ari. Godima yanu maeta ereda ina kobererau we imutasu.

Korose 3:17

Anene webote ane ufote ane ane ufoitana Yesu Kerisonu ifuro uteda Dawaini Baba Godinu iboro inaibeda we ma kobererau uawe.

Korose 3:20

Ya koiniboro yaini yanu yanua yamamaba gifena da uawete emanu sina nauegou uawe. Eno ufoitana Yesu Kerisonu unuro ufoita.

Korose 4:12

Yanu mui su amara Efafarasi dawa yaba ario sina wasu. Dawana Yesu Kerisonu mui sabua ueta amara. Dana Godibai guriguri utedana eno wasu, nanu su uwara durua uaro Anu imueta imuegou ufitate Anu dabaro anegou ufitate naueta derawere ufita eno wegou utasu.

1 Tesoronaika 3:13

Eno ufoitana yanu Baba Godima yanu neno ma kimu ufisuba duburo yanu Dera Waria Amara Yesuma Danu uwara nesia woure afisuna yabai kerere mero yanu imuetana roatarau. Ya kobererau imuteda yanu Baba Godinu iboro kerere me inafoita.

1 Tesoronaika 4:3

Godi Danu ununa yanu nenona kakaraini roatarau, iga me ibeta iba dita yagera da uawe.

1 Tesoronaika 5:23

I wesarau ueta maeta Godi yanu neno ma roatarau ufie watane. Yanu Dera Waria Amara Yesu Keriso fafisuba yanu imumuini nenoini ofe ubuini ma kobererau ufiro ya fanisi da muboe watane.

1 Timotibai 1:17

Yanu Godi Dawa nesia iwata utasu. Dana yanu me ibene ibene ibeta Godi. Yana Dawa erawa utaisi. Dawa da me sibisu. Godi demurai Dawa torowa. Godi mui me. Enoba Danu ifu we ma derawere ufete Dawaba ainewaure we ma kobererau uteibene watane.

1 Timotibai 6:16

Yanu Godi Dawa danua me. Dawa ubi me, risi me, Dawa me ibene ibene ibinuba nono Dawa da uifisu. Danu torowa eno ibinu. Dawa ariowerero ibinu. I ario derawereba uwarama iro anawa utaitate Godi erawa utaita. Ewa Godinu ifu we ma derawere uteibero Dawa ya me ibene ibene ibeta yawoteibie iba watane.

2 Timotibai 3:17

Godima ya ane ane kobere ueta ufene Danu sina mateda ima ya ue bou utasuba kobere ueta sineta ufeisi.

2 Timotibai 4:18

Yanu Dera Waria Amarama i siosawere uwara nesiabairoma ma darefite Danu ure orofaro na odifisu. Enoba ya nesia Danu ifu me ibene ibene we ma derawere uteibene iba watane.

Iburu 10:36

Yana kekerama ufoitana Godinu unu ueta ufote Danu we bou ueta nesia muboita.

Iburu 12:23

Yana Godiba botai yaru uteda guruguru utaita adarabu, emanu ifu ifu torowa urero owawa ue odiro ibinu, yana emabai faraita. Yana i eme nesiaba koto utasu Godibai faraita. Yana Godima ma rorowarau ui kobere emenu urero me ibeta imumubai faraita. Yana i unuro ue mataneta yawotasu kobere Amara Yesubai faraita. Eiboro dana uiro danu onono nasiniro itarina Godima neno siosa uirogo nono Yesu Keriso Dana uiro Danu onono nasiniro itarina Godima neno siosa utawa yaru uteda kobererau uiba ya durua utebasu iba yana Eiboronu ononobai farawa Yesu Kerisonu ononobai faraita.

Iburu 12:28

Yanu Godinu yawotasu ibifeisi orofa wawana wawana da ufisuba Godibai we ma kobererau ufene watane. Yana yaru uteda Godibai Danu unu ufete Dawaba ititi kakara uteda imuegou ufete guriguri ufene watane.

Iburu 13:16

Ewa sina imue eawe. Kobererau torowa utebeawete yanu yanu durua ue matanebeawe. Eno ufoitana ina kobere fuyo oeta ariba Godima yaru derawere ufisu.

1 Fitanu 2:5

Nono yade, yana me ibeta gebiro ari sinaita. Godima ya i gebiroma danu dubu su ubu utasu. Ya uwarana Godinu kakara fuyo ode sina weta uwara. Enoba yana Dawabai yanu nenoini nauetaini imuetaini ina fuyo ari odiawero Godima Yesu Keriso imufite mubi.

2 Fitanu 3:18

Yanu Dera Waria Amaranu sina nauegou uawete Danu ueta sineta ari uawete yanu naueta ma buna uawe. Danu ifu awonaroma Danu fafisu kowaro we ma derawere uteibene watane. Nanu sina ido me sininu.

1 Joninu 2:17

Ewa orofa atataini danu siosawere ibaiabai me sibiro nono Godinu imueta imutasu amarama me ibene ibene ibifisu.

Judenu 1:25

Dawa Godi demurai, Dana Yesu Kerisoroma ya ma wirotasu, Godina araetawere, Godina Dawa botai, Godima yawotasu, Godi Danu buna derawere i ari mui buna me, Dawa boderewere eno ibi. Dawa awona eno ibinu. Dawa duburo eno ibeibisu. Iba Dawa we kobererau ufeisi! Ido mui sina me.

Jonibai We Ma Boroyari Sina 4:6

I dera yaure yawoetanu orofa iboro mui emeru ibiro ere. Ina dera enea ogo, ina garasi ari. Ina roatarau kurisa gebiro ari. Moana me ibene ibene ibeta emeru foma (4) i dera yaure yawoeta orofa ode wayatate inare kara uta. I me ibene ibene ibeta ememetu fo emabaina diti faiyawere ibita. O afuini dubena afuini diti faiyawere ibita.

Jonibai We Ma Boroyari Sina 5:13

Nana nono nauena Godima ubu uiro ibinita ememetu nesia, nasiniro ibinitaini urero ibinitaini nasini wowonaro ibinitaini enea ogo ubarero ibinitaini ema nesia soni weitaro naue. Emana soni eno weita, i dera yaure yawoetanu orofaro yaubinu Godi, Dawaini i Reka Mamoeini ema sadeibai we ma kobererau uteibitate emanu ifu we ma derawere uteibitaro araeta derawereini buna derawereini emabai me ibene ibene ibifisu, eno weita.

Jonibai We Ma Boroyari Sina 5:9

Ema nesia reka soni i Reka Mamoeba eno weita, Abaina arotorowaba i buka muninute i uwane tarisinu na ma furiare saninu. Emema a utaro uite Anu ononoma uwara aika maika, sina aika maika webita uwaraini orofa aika maika aboro aboro ibita uwara oiya uite ema woure amo Godibai odi.