Iburu 12:28 - Yareba

²⁸ Yanu Godinu yawotasu ibifeisi orofa wawana wawana da ufisuba Godibai we ma kobererau ufene watane. Yana yaru uteda Godibai Danu unu ufete Dawaba ititi kakara uteda imuegou ufete guriguri ufene watane.

Iburu 12:28 ပူးပေါင်းရင်းမြစ်များ

Matiunu 25:34

Odifite nono i Dera Waria Amarama Danu banibira age afu uwaraba eno webisu, Godima yaba we ma kobererau utasuba arawe. Godima ureini nasinini ubu uteda yanu yawoeta orofaini ido ubu uiba arawete i orofaro yauawe.

Romani 11:20

Ba waita. Ema unutawa emanu naueta Godibai oetaba iba umane tasire sani. Nono yana yanu naueta Godibai odaitaba iba ibinita. Enoba sasae da uawete Godiba iya uyareda merau ibiawe. I Isaraero uwarana ba iwara ari emana ibeda Godi imutawaba Godima ema umane tasire sani. I ari yana ibeda Godi da imufoitana Godima ya ana iwara ari umane tasire sabisu.

Efesa 1:6

Godi Danu ununa ya Danu kobere durua ueta we ma derawere ufene iba Danu Amara ubi yaba mai.

Efesa 5:10

Yanu Dera Waria Amaranu unu imueta i ari imuawete enanari uawe.

Firifai 4:18

Nabai awona derawere ibinu. Yana ane ane Efafadaitusiba mataro woure fare naba mairo derawere ibinu. Yanu maetana bonanawere fuyo oeta ari. Godima yanu maeta ereda ina kobererau we imutasu.

Iburu 10:19

Naiyemutu, Yesu Keriso Dana yaba uiro Danu onono itariba ya i urero kakara derawere koruba iyarawa iro rorowarau anibene watane.

Iburu 13:15

Nanu sina nauawe. Yesuma ya durua utebasuba Danu ifu we ma derawere ufete Godibai we ma kobererau uteibene iba watane. Ina yanu Godibai fuyo oeta ari.

Iburu 13:21

Nanu ununa i wesarau ueta Godima yaba Danu kobere imueta mafite ya ue bou ufiro Danu unu nesia ufoe watane. Godima Yesu Kerisonu ifuro yanu neno ubarero Danu unu ufie watane. Ya nesia Yesu Kerisonu ifu me ibene ibene we ma derawere uteibene iba watane. Nanu sina ido.

Iburu 3:6

Yesu Keriso Dana Godinu Amara iba Dana Godinu su yawotasu. Imue eawe. Ya buna utaisite Godi imutaisite Danu we bou ueta nesia mubene imutaisina yana Danu su uwaraba ya nesia Dana yawotasu.

Iburu 4:16

Enoba da iya uyafete yanu imueta ma kimu ufete Godinu kobere durua ueta yaure yawoetanu orofaro anibeisi. Iro anibeisina Godima yaba neno arama uteda durua ufiro siosawere da ufete me ane ibeibeisi.

Iburu 5:7

Yesu Dana ewa nasiniro ibeda Dawa iwata Godima Dawa uietaroma ma wirofisu. Enoba Dana arua we i weda Godibai guriguri utebi. Dana Godi ititi kakara uteda imutebiba Godima Danu sina nautebi.

1 Fitanu 1:17

Yana Godibai guriguri uteda Dawaba Baba waita. Godima koto rorowarau utasu. Moana urawana kobererau, moana uwarana siosawere eno imutawa itasu. Ane ane utaisina yanu moko enanari matasuro ina iwata utaisi. Enoba yana ewa nasini aika suro iro ibedana Godi imuegou uawete ititi kakara uegou uawe.

1 Fitanu 2:20

Anama siosawere utasuro yawoeta amarama isuma urasuro ibo utawa utasuna ibai imueta mui me. Nono yana kobererau utaitaro yawoeta amarama isuma urasuro ibo utawa utaitana ina kobererau, Godima eno imutasu.

1 Fitanu 2:5

Nono yade, yana me ibeta gebiro ari sinaita. Godima ya i gebiroma danu dubu su ubu utasu. Ya uwarana Godinu kakara fuyo ode sina weta uwara. Enoba yana Dawabai yanu nenoini nauetaini imuetaini ina fuyo ari odiawero Godima Yesu Keriso imufite mubi.

Jonibai We Ma Boroyari Sina 15:4

Yanu Waria Godi eme nesia Aba kakara uteda Anu ifu we ma derawere utaita A torowa kobererau. I orofa atata uwara nesia Anu rorowarauini ba ueta eraitaba Abai afitate guriguri ufitaita, i soni eno munebita.

Jonibai We Ma Boroyari Sina 5:10

Ana i uwara nesia Godibai gaukara ufitae iba ema dera yawoeta uwaraini fuyo ode sina weta uwara we mune odiba emana i orofa atata uwara nesia yawofitaita. Ana eno uiba Abaina arotorowaba i buka mubate i uwane tarisinu na ma furiare sabasu, eno weita.