Iburu 10:25 - Yareba

²⁵ Moana uwarama guruguru utawa utaita enanari guruguru ueta da ekodifene watane. Yesu Kerisonu fafisu kowa fafie utasuba yanu imueta ma buna ue matafene watane.

Iburu 10:25 ပူးပေါင်းရင်းမြစ်များ

Matiunu 10:15

Yaba watane Godinu koto kowa fafiro siosa Sodomu su uwaraini Gomora su uwaraini fanisi kikiratu mafite i ya ere kodifitaita su uwarabana fanisi derawere mafisu wei.

Matiunu 18:20

Nanu sina naueta uwara sadei aba rarogonu aboro aboro Nanu ifu weda ibeibitaitana iro emabai ibeimau wei.

Joninu 12:48

Anama Nanu sina nautawa utasute Na ekodasuna danu dera koto amara ibinu. Nanu watane sinama danu dera koto amara ari. Nanu watane sinama dawa duburo koto ufisu wei.

Afosoro 16:16

Mui kowaro i guriguri ueta kabesiro anedana wada barau aruma atasi. I arumana seitaninu mui imumu siosa bobo aruma. Dana wada barau gaukara uteda oi derawere munebite danu yawoeta uwaraba matebi.

Afosoro 2:1

Fenitikosi kowa ido fari. Fariro i uwara su demurairo yaubita.

Afosoro 2:42

Eno utate ainewaure guruguru utebitate afosoro uwaranu sina nautebitate emanu owiga ueta utebitate ieta ma birabiarebitate iteda imutebita. Yesu yaba uiba yaru utaisi imutebitate guriguri utebita.

Afosoro 20:7

I uiki botai kowa, Sadero, areto ieta ifene guruguru usiro Foroma Godinu sina wei. Foro dawa waidumu anibisu iba sina fefera webiro sakara serigari uite mare otoro fari.

Romani 12:8

Ananu bunana emeba we kakara ueta mai enanari bebetuma we kakara utebasu. Ananu bunana moana emeba nata nata ueta mai enanari uegou utebasu. Ananu bunana durua ueta mai enanari uegou utebasu. Ananu bunana neno arama ue durua ueta maiba yaru uteda enanari durua utebasu.

1 Korinita 11:20

Ya yanu Dera Waria Amaranu onono ieta ifoe guruguru ue faraitana yanu Dera Waria Amaranu onono ieta itawa utaita moana uwara imutawa uteda yanu aika ieta itaita. Mui amara ieta derawere itasuro mui amara ieta meba osi urasu. Mui amara kimu ogo derawere itasute gogore utasu.

1 Korinita 14:23

Nono Godinu naueta uwara nesia dubu su ubarero fare aika maika kamama sinaroma webitaro aika eme aba Godinu sina nautawa uwara amufitate nauteda i uwarana gogore aba ane utaita? Eno webitaita.

1 Korinita 14:3

Anama Godinu sina we bou utasuna dawa uwaranu naueta ma kimu ufite ema ma kobererau ufite ema ma yaru ufie utasu. Anama kamama sina aika maikaroma wasuna danu naueta torowa ma kimu utasu. Nono Godinu sina we bou utasu amara dawa Godinu dubu suro yaubeta uwaranu naueta ma kimu utasu.

1 Korinita 3:13

Yesu Kerisoma fafite uwara nesianu ueta ue efisu. I kowaro uwaranu ueta nesia inama yafisu. I ueta ibifisu aba yare me sibisu iba inama i ueta nesia yare efisu.

Firifai 4:5

Yanu Dera Waria Amara fafie usinua eme nesiabai ure nudarau uawe.

1 Tesoronaika 4:18

Enoba ewa sina torowama yanu aika we ma nabi ue matawe.

1 Tesoronaika 5:11

Idoba sina kobererau we matawete yanu aika ma buna ue matawe. Awona utaita, i ari enanari utebeawe.

Iburu 10:24

Yanu yanu imue matafete durua ufete neno arama ue matafete kobererau uteibene watane.

Iburu 10:37

Godinu owawa bukaroma eno wasu, kowa faiyawere mero i fafisu Amara Dawa da yawofite sau ido fafisu.

Iburu 13:22

Naiyemutu, nanu nui sina wemaro nauawe. Nanu owawa ewado yafawere meba nanu iba sinaini ma kimu ueta sina eregou uawe.

Iburu 3:13

Ibago siosawere imuetama iruosoro mui amarama siosawere ueta imuosote gifena uosoba awona yanu yanu durua ue matawe. Godima wei, Nanu watane kowana awona ibinita kowaba watane wei. Enoba Godinu sina nesia nauegou utebeawe.

Jeimisinu 5:8

Enanari ya toafurau yawoforo! Yanu Dera Waria Amara sau fafisuba neno kimu uawe.

1 Fitanu 4:7

Ewa orofa atatanu ibaiabai nesia me sibie utasuba yana guriguri ufoe uteda me sara siosa da ibiawete yanu torowa yawoegou uawete imuegou uawe.

2 Fitanu 3:11

Yanu orofa atata nesia eno yare me sibisuba yanu ueta sineta ba imue eawete Godinu ueta sineta ari utebeawe.

2 Fitanu 3:14

Enoba naiyemutu, i kowa yawofoitaba yanu ueta sineta eregou uforo. Yanu Dera Waria Amarama faosote yabai igawere ane ane ataosoba eregou uawete wesarau ue ibiawe.

2 Fitanu 3:9

Yanu Dera Waria Amarama Danu fareta sina imutasu. Moana uwarama we irutaita, Yanu Dera Waria Amara Dawa sau da fafisu we imutaita, nono Dawa eno imutawa utasu. Dana uwara imuteda uwarama me sara da uifitate emanu ba me ueta dubena afuro sabitae yawoteda iba sau farawa yawotasu.

Judenu 1:19

I uwarama emanu imueta ba me uteda uwara mune aika maika odaita. I uwarana Godinu uwara me. Godinu Imumu Kotofuma emabai ibawa utasu.