Iburu 1:9 - Yareba

⁹ Anu ununa kobererau ueta. A unutawa siosawere ueta. Enoba Godi, Anu Godima Anu masigubairoma A mune aika odite Ana dera Kini Amara odiro Ana yaru ui, eno wei.

Iburu 1:9 ပူးပေါင်းရင်းမြစ်များ

Rukanu 4:18

Godinu Imumu Kotofuma Nabai ibinu iba Dana Naba wei, i ibaiabai me uwarabai Godinu kobere sina webia wei iba watane. Na siaia uina i sina wemane fare. I sina eno wemane ya diburaro ibinono ibinita uwara kodiawete aniawe. Ya diti basugari ue ibeta ari ibinita uwara ya eawe. Ya kimu yawotaitaro ibinita uwara iroma kodiawete aniawe.

Joninu 1:41

I amarama danu datae, Saimoni, doberebe atanite wei, i Mesaia Dana i Keriso, Dawa atanisi weite danu datae Yesubai woure fare odi. Odiro Yesuma Fita ereda wei, ana Joninu amara Saimoni. Aba reka ifu Sifasu maimau wei. Sifasuini Fitaini ifu demurai. I ifunu ubina kiki gebiro.

Joninu 10:17

Nanu ununa uimate uietaroma uyamate nono nanu me ibeta mumate ibimauba Nanu Babanu neno Nabai ibinu wei.

Joninu 20:17

Yesuma Meriba wei, Nanu Bababai manawaya Nanu ofero da mamiate Nanu iwata ueta uwarabai aniate eno wia, Nana Baba Godibai manatane. Nanu Baba yaini yanu yamama, Nanu Godi yaini yanu Godibai manatane wia wei.

Joninu 3:34

Godinu siaia uiro fari Amarama Godinu sina wasuro Godima Dawabai Danu Imumu Kotofu maegou utasu wei.

Afosoro 10:38

Ya iwata, Godima Nasareta Amara Yesubai Danu Imumu Kotofu mairo kobere uetaini wetaini uite seitaninu imumu siosa we berairo anita. Godima Dawabai ibiba iba eno ui.

Afosoro 4:26

I kini uwara nesina emanu aika ue bou utebitaro i yawoeta uwara nesina Godini Danu we mune odi Amaraini urafitae inata, Deiwidima eno wei.

Afosoro 4:27

I uwarama weitate weita, Erodini Fonitia Faeratini aika uwaraini Isaraero uwaraini, Jerusaremu suro kobere Yesu Keriso, Anu we mune odi Amaraini urafitae fata.

Romani 12:9

Neno arama ufoitana meo me ba uawe. Yana siosawere ueta kodiawete kobererau uetaba imuegou uteda enanari kobererau uawe.

Romani 15:13

Godi Dawana yanu nauetanu ubi. Dana yaba durua ufiro Dawaba imuegou ufote yaru uteda wesarau ibifoe iba watane. Yana eno uforo Godinu Imumu Kotofuma yaba buna derawere mafiro Godi imuteda Dawa yawoegou ufoe watane.

1 Korinita 1:9

Godima yaini Danu Amara yanu Dera Waria Amara Yesu Kerisoini owiga ufoe iba odi. Dawa Danu imueta ma owerawa, ane wasuna enanari daido utasu.

2 Korinita 11:31

Godi Dawa Yesu Kerisonu Damamaba Dawabai ibene ibene we ma kobererau ufene watane. Dawa iwata, nana meo bobo me. Nana ba weta amara.

Gareisia 5:22

Nono Godinu Imumu Kotofuma yanu neno ubarero ibinuna yanu uetana edono, neno arama uetaini nenoma yaru uetaini wesarau ibetaini ibo utawa uetaini kobererau uetaini nata nata uetaini ba uetaini ure nudarau uetaini yanu unu yawoegou uetaini i nesia eno mui tarwatuma i nesia garari da ufisu.

Efesa 1:3

Godi, Yesu Keriso Danu Damama, Dana ya we mune yanu Dera Waria Amara Yesu Kerisobai ma taka uite i urero kobere ane ane nesia yaba maiba iba Danu ifu we ma derawere ufene watane.

Firifai 2:9

Enoba Godima Dawa ma uyarite urero odite Danu ifu, i ifu ifu nesiabairoma deiro ma derawere ui. Enoba ana anama Yesu Kerisonu ifu naufitate yajigoma jejerigari ufitae iba eno ui. I urero ibeta uwaraini sakai deiro ibeta uwaraini nasini emina wowonaro ibeta uwaraini ema nesia eno ufitaita. Eme nesia ema bebetuma eno webitaita, Yesu Keriso Dawa yanu Dera Waria Amara eno webitate yanu Baba Godinu ifu we ma derawere ufitaita.

Iburu 2:11

I eme ma kobererau ueta Amaraini i kobere uwaraini emanu Damamana demurai. Enoba Yesu i uwaraba maru utawa uteda yana Nanu naburetaini arumami eno wasu.

Iburu 7:26

Ina kobererauba Yesu Keriso Dana yanu kobere fuyo ode sina weta Amara sini. Dana ya durua utebasu. Dana ba kobererau. Dana siosawere utawa ui. Godima Dawa i siosawere ueta uwarabairoma munite i ure deiro woure mane odiro ibinu.

1 Fitanu 1:3

Godinu Dera Waria Amara Yesu Kerisonu Damamanu ifu we ma derawere ufene watane. Godi Dawa yaba neno arama derawere uteda Yesu Keriso uietaroma ma uyariba yana Kerisobai ane wirosite reka me ibene ibene ibeta imutaisi.

1 Joninu 1:3

Dawa esite Danu sina nausiba yaba waisi. Ya uwaraini yaini Godibai uruama owiga ufene iba waisi. Yana Godini Danu Amaraini owiga utaisi, i ari ya uwaraini yaini Godibai owiga ufeisi.

Jonibai We Ma Boroyari Sina 2:15

Nono yabaina moana uwarama ibeda i Nikorai waita uwaranu we mawetu ueta sina nautaitate enanari utaita.