Iburu 1:6 - Yareba

⁶ Godima Danu Amara ubi ewa orofaro siaia ufie utedana Dana eno wei, Godinu aneru nesia Dawabai guriguri ufitaita, eno wei.

Iburu 1:6 ပူးပေါင်းရင်းမြစ်များ

Matiunu 24:14

Godinu yawotasu sina i orofa atata uwara nesiabai we inareibitaro i orofa atata uwara nesia naufitaro i dubu kowa ido fafisu.

Joninu 1:14

I Sinana eme sinite yabai ibeda Dana yaba neno arama derawere uteda ba sina wei. Danu araetarau ya esi. Dawa Godinu amara ubiba Dana araetawere.

Joninu 1:18

Mui amarama Godi erawa uiro i Danu Amara Ubi, Godini uruama ibi Amara, Dana Godi erite yabai nesia wei.

Joninu 3:16

Godima i orofa atata uwara nesia neno arama derawere uite Danu Amara ubi yabai maiba anama danu naueta Dawabai odifite dawa me sara da uifite urero me ibene ibene ibeibisu wei.

Romani 8:29

Bodere i eme ibawa kowaro Danu Dawabai naue imue ufitaita uwara nesia Dawa iwata ui. Eno iwata uite ema Danu amara Yesu ari sibitae we mune odi. We mune odite Danu ununa Danu adarabu nesiabai Yesu Keriso Dawana botai Amara sibie iba eno ui.

Korose 1:15

Nana Yesu Kerisonu sina wemaro nauawe. Godima me ari ibasuro emema Danu ibo nawata erawa utaitaro Yesu Keriso Godinu ibo nawata ma boroyarasu. Godini Dawaini arotorowa. Godima Danu Amara ubu utawa uiro Godinu ubu ueta kowa farawa uiro Yesu Dawa daido me ibi.

Korose 1:18

Dawana i ofenu kofiri. I ofena Danu naueta uwara, Danu dubu su. Dawa ko uietaroma uyariba Dawa i uietaroma uyafitate me ibifitaita naueta uwaranu Dera Waria Amara. Erawa nautawa ane ane derawere me, Dawana derawere, Dawana botai.

Iburu 1:5

Godima aneruba eno wiawa Danu Amara torowaba eno wei, Ana Nanu Amara. Awonana Na Anu Amama eno wei. Nono mui aneruba eno wiawa, Nana anu amama simaro ana Nanu amara sibasu, eno wiawa ui.

Iburu 10:5

Enoba Yesu Keriso Dana ewa orofaro tarafie uteda Godiba wei, A unutawa egima fuyo oetaba iba Ana Nanu ofe fuyo oetaba ue bou ui. Emana egi fuyo oeta kabesiro mune odebitate inama yarebitaro Ana iba yaru utawa ui. Yaru utawa uiro Nana we, Godi, Nana ewado, Godinu bukaroma wasu sina enanari Anu unu umau we, Yesuma eno wei.

1 Fitanu 3:22

Yesu Keriso Dawa urero mane ibinu. Dawa Godinu banibira age afu mane yaubeda aneruini buna ane ane nesia yawotasu.

1 Joninu 4:9

Godima neno arama uegou utasu. Godima Danu Amara yaba tare uifiro yana me ibene ibene ibifene iba ewa orofaro siaia uiro tarari. Godima eno uiba Danu ba neno arama ueta yaba ma boroyari.