Gareisia 4:4 - Yareba

⁴ Nono Godinu we odi i kowa ido fariro Godima Danu Amara siaia uiro ewaro fari. Yesu Danu danuama Dawa muniro Ju amara sini. Ju uwarama i tarawatuba imutebita i ari Yesuma imutebi.

Gareisia 4:4 ပူးပေါင်းရင်းမြစ်များ

Matiunu 1:23

Godinu we bou ueta amarama eno wei, nauawe, mui awera munawa aruma dia mubite amara mubisu. I amaranu ifuna Imanuera weboita. (I ifunu ubina Godima yabai ibinu), Godinu we bou ueta amarama eno wei.

Matiunu 3:15

Weiro Yesuma wei, ido, Na babataito ufasuna Godinu kobere imueta enanari ufutu wei. Eno weiba Jonima Yesu babataito ui.

Matiunu 5:17

Mosesinu tarawatuini Godinu we bou ueta uwaranu sina mune samau da imuawe. Ina mu samane farawa unete ina ma borobayamane farea wei.

Rukanu 1:35

Aneruma dawaba wei, Godinu Imumu Kotofuma abai tarafiro i urero Dera Godinu buna derawerema abai mafiro tare a obari ufisuba iba amara mubaro Godinu kakara amara webitaita wei.

Rukanu 20:44

Yesuma weite wei, Deiwidima Kerisoba Nanu Dera Waria Amara weiba anene Keriso Deiwidinu sisia amara sini wei?

Joninu 1:14

I Sinana eme sinite yabai ibeda Dana yaba neno arama derawere uteda ba sina wei. Danu araetarau ya esi. Dawa Godinu amara ubiba Dana araetawere.

Joninu 10:36

Godima eno weiro aneba Godinu mune odiro fare Amaraba eno waita? Dana wenu, Godini Naini demurai wenuba iba Godiba siosa sina wasu waita wei?

Joninu 3:16

Godima i orofa atata uwara nesia neno arama derawere uite Danu Amara ubi yabai maiba anama danu naueta Dawabai odifite dawa me sara da uifite urero me ibene ibene ibeibisu wei.

Joninu 6:38

Na ureroma Nanu unu umane tararawa. Godinu unu umane tarare.

Joninu 8:42

Eno weitaro Yesuma emaba wei, Godi Dawa yanu yamamana me. Dawa yanu yamamarona yanu neno Nabai odifoe. Na Dawabai ibebitararo Godi Dawa Na siaia uiro Dawa ekodete Dawabairoma fareba Godi yanu yamamarona yanu neno Nabai odifoe watane wei.

Afosoro 1:7

Wenauetaro wei, Godima torowa kowaini wai nesia odiba ya da iwata ufoita wei.

Romani 1:3

Godinu kobere sinana Danu Amaraba wasu sina. Danu Amarama eme sinite Deiwidinu sisia amara sini.

Romani 15:8

Nanu sina wemaro nauawe. Yesu Keriso Dawa i Isaraero uwaranu gaukara amara sini. Dana Godinu sina nesia meo me ina ba weda Godinu we bou ueta yanu abuamutuba nesia ina ba webite Godinu neno arama ueta i Ju me aika uwarabai ma boroyafiro emana Godinu ifu we ma derawere ufitae iba i Isaraero uwaranu gaukara amara sini. Godinu bukaroma iba eno wasu, i Ju me aika uwarabai anu ifu we ma derawere umate Anu ifuba soni wemau, eno wasu.

Romani 5:6

Yana buna mewereba me ibisiro Godinu we odi ba kowa enanari Kerisoma i Godi imutawa uteda siosawere utebita uwaraba tare ui.

Romani 8:3

Nono ya uwarana siosawerero buna meba Mosesinu tarawatuma yaba eno utawaro nono Godima yaba eno utebi. Godima Danu Amara siaia uiro ewaro tararite yanu siosawere ofe ari ofe muneda ba eme sini. Godi Danu ununa Yesu Kerisoma siosa ueta mu sabie iba siaia uiro tararite ba eme sini.

Romani 9:5

I bodere sirorari uwarararabona i Ju uwara emanu danatamutu. Godinu ma wiroe mune aneta Amara Dawaini ba ofe muni iba enanari emana Danu danatamutu. Ido Godi Dawa uwaraini ane ane nesia yawotasuba Danu ifu ainewaure we ma derawere uteibene watane.

Efesa 1:10

Godinu imuetana edono, i dubu fafisu kowaro Godima nesia i urero ibaiabaini ewa nasiniro ibaiabaini ya uwaraini i nesia ma aine odifiro Yesuma daido yawofisu.

1 Timotibai 2:6

Dana uwara nesia ma wirofite Godibai odifie iba ewa nasiniro mune yaino ue odi. Godima i ma wiroeta kowa ido farinu weiba ya iwata utaisi, Yesuma Godinu unu uite uwara nesiaba ido korosiro ui.

1 Timotibai 3:16

Yanu Yesu Keriso imuetanu ubina derawere. Iba eno webaisi, Dawa ba eme siniro Danu Imumu Kotofuma Danu kobererau ueta ma boroyari. Aneruma Dawa erebitaro emema Danu sina i orofa atata su su nesiaro webita. Orofa atata uwarama emanu naueta Dawabai oitaro Godima Dawa munite Danu araetawere orofaro woure amo odi.

Iburu 2:14

Dana wei, koiniboro emana ofeini nenoini onono bobo. Enoba Yesu Dana ema ari sini. Seitani dana i uietanu ubi amaraba, Yesu Danu ununa seitani ma siosa ufite i uietaba iya uyareta sabua ueta ari uwara ma uregari ufie iba eme sinite ui.

Iburu 9:10

I me maetaini fuyo oetaini ina ietaini ogoini kakara uroeta ememetu torowa. Ina i farai dubu sunu siboro ueta daba. Ina emanu ofe ma rorowarau ueta ememetu. Iba eno ue ibebitaro nono Yesu Keriso ido farite i Godibai reka guriguri ueta daba nesia ma boroyaregou ue odite i bodere utebita nesia mune eta aika sane odi.

1 Joninu 4:14

Godima Danu Amara ewa orofa atata uwara nesia ma wirofie iba siaia uiro tarari. Dawa tarariro esiba iba yaba waisi.

1 Joninu 4:2

Godinu Imumu Kotofu bobo uwara anene imutaita? Godinu Imumu Kotofu bobo uwarama waita, Godinu Amara Yesu Keriso, Dawa Ba Eme Sini waitaba emanu sina Godibairoma fari ya iwata utaita.