Gareisia 2:7 - Yareba7-8 Godima i aika ofe turawa uwarabai gaukara nana umane naba mai, i iwata uta. Nono i ofe tureta Ju uwarabai gaukara uetana Fitaba maite Godima waba buna mairo enanari afosoro gaukara uturo uwara faiyawere Godinu naueta uwara sita. အခန်းကိုကြည့်ပါ။ |
I Ju uwarama Foronu sina munawa utate emanu imueta ma kimu uteda Yesuba siosa sina weita. Eno utaba Foroma uyarite i uwara ema ekodifie uteda iba danu wadia ure fufuteda wei, yana Godi unutawaba ina yanu kerere, nanu kerere me wei. Awonana ya Ju uwara ekodimate i aika uwarabai animate Godinu sina wemau wei.
Godima Danu unu uite Danu Amara Yesu nabai ma boroyari. Na i aika nautawa uwarabai Yesunu kotofu sina wemane iba Danu Amara nabai ma boroyari. Dawa eno uiro moana uwarabai i ba sina naumane anawa. Na Jerusaremu suro i botai afosoro uwarabai manawa, i Areibia orofaro ane. Iro ane ibebe ekodete owerete Damasikosi suro nono fare.
Yanu Dera Waria Amarama sau farawa iro ibeda uwara nesia wirofitae iba yawotasu. I sina imuegou uawe. Yanu naiye Foro Godima dawa durua uiro dawa yaba enanari owawa ue odite siaia uiro eta. Dawa danu owawa nesiaro eno odasu. Danu moana imuetana feare ibetawereba i beforo buna me uwarama iwawa iwawa uteda i sinanu ubi ma siosa utaitate Godinu buka mui sinanu ubi enanari ma siosa utaitaba emanu torowa emanu uieta daba wabue odaitaba i siosawere orofaro daido anibitaita.