Firifai 4:9 - Yareba

⁹ Nanu we mawetu ueta sinetaini nesia ere naue utebita, enanari uawero i wesarau Godi Dawa yabai ibifi.

Firifai 4:9 ပူးပေါင်းရင်းမြစ်များ

Matiunu 1:23

Godinu we bou ueta amarama eno wei, nauawe, mui awera munawa aruma dia mubite amara mubisu. I amaranu ifuna Imanuera weboita. (I ifunu ubina Godima yabai ibinu), Godinu we bou ueta amarama eno wei.

Matiunu 7:21

Moana uwara faiyawere Naba Dera Amara, Dera Amara waitana nono i uwara nesia i ure yawoeta orofaro da anibitaro Nanu urero ibinu Babanu imueta utaita uwarama torowa iro anibitaita.

Rukanu 6:46

Aneba Na Dera Waria Amara, Dera Waria Amara waitate Nanu sina munawa uteda gifena utaita?

Rukanu 8:21

Weitaro Yesuma emaba wei, Nanu bayaini Nanu naburetana Godinu sina nauteda utaita uwara ido eawe wei.

Joninu 13:17

Nanu sina nautaitaba enanari ufoitana Godima yanu neno ma kobererau ufisu wei.

Joninu 15:14

Nanu wemau sina nauegou ufoitana yana Nanu naiyemutu siboita wei.

Joninu 2:5

Weiro nauite i ogaro utebita gaukara uwaraba wei, Dana sina ane webisuna enanari uawe wei.

Afosoro 9:6

Awona uyate Damasikosi suro aniaro anu ufasu gaukara aba mui amarama webiro naua wei.

Romani 15:33

I wesarau utasu Godi Dawa yabai ibifie watane. Nanu sina ido.

Romani 16:20

I ure nudarau ueta emebai matasu. Godi Dana seitani sau ma betari ue mu sabiro yana yanu burima seitaninu deiro amune adidiare aniboita. Yanu Dera Waria Amara Yesuma yaba durua uteda neno arama ufie watane.

1 Korinita 10:31

Nanu sina wemaro nauawe. Ieta ifoita aba ane ane ufoitana Godinu ifu we ma derawere uteda eno ufoe watane.

1 Korinita 14:33

Godi Dawa unutawa aika maika me sara siosa ueta iba watane. Godi Danu ununa rorowarau ueta. Dubu su nesiaro eno ufeisi, deina ido.

1 Korinita 4:16

Enoba nanu sina nauawe. Na ane utatane ya enanari uawe.

2 Korinita 13:11

Nanu dubu sina eawe. Yanu ueta sineta ma wiroawete nanu sina nauawete urane yarane da uawete wesarau ibiawe. I neno arama uetaini wesa maeta Godi yabai ibifie watane.

Firifai 3:17

Naiyemutu, ewa sina ewado eawe. Nanu ueta sineta ari enanari uawe. Nanu ueta sineta ari utaita uwara eregou uawe.

Firifai 4:7

Ya eno ufoitana Godinu wesa ueta yabai ibifisu ina emenu wesa ueta arina me. Yabai ibeda Yesunu bunama ya yawofiro Yesubai merau ibifoita.

1 Tesoronaika 1:6

Enoba naini nanu uwaranu ueta sineta enanari utebita. Yanu Dera Waria Amaranu ueta sineta enanari utaita. Yana Godinu sina nautebitana moana uwarama yaba siosawere utebitaro Godinu Imumu Kotofuma ya durua utebiba Godinu sina nauegou utate yaru derawere uta.

1 Tesoronaika 2:14

Bodere i Judia orofa Ju uwarama Godinu Judia orofa sisia uwara emana Yesu Kerisoini Danu uwaraba siosawere uta. Awonana yanu moana su uwarama ya Godinu naueta uwaraba enanari siosawere utaita.

1 Tesoronaika 5:23

I wesarau ueta maeta Godi yanu neno ma roatarau ufie watane. Yanu Dera Waria Amara Yesu Keriso fafisuba yanu imumuini nenoini ofe ubuini ma kobererau ufiro ya fanisi da muboe watane.

2 Tesaronaika 3:4

Yanu bunawere waisi sina yana awona utaita enanari nono duburo ufoita. Yanu Dera Waria Amara imutaisiba ya eno utaita, ina ya iwata utaisi.

2 Timotibai 4:22

Yanu Dera Waria Amara abai ibeda ya uwara nesia ya kobererau durua ufie watane. Nanu sina ido me sininu.

Jeimisinu 1:22

Godinu sina nauteda nono kobererau utawa utaitana ina ba me, yanu torowa irutaita. Godinu sina nauawete kobererau uawe.

2 Fitanu 1:10

Enoba naiyemutu, Godinu gaukara uegou ufoitana yana Godinu muneta uwara daido iwata ufoita. Ya eno ufote buridu unono da ufote Godibairoma da ureifoita.