Firifai 4:3 - Yareba

³ Naiye, ana nanu gaukara uruama utasu amara, i aweta sadei durua ua. I aweta sadeima na durua utebitaro Godinu sina webitara enanari emaini mui amara Keremeni i moana uwara, emanu ifu ifu Godinu me ibeta bukaro ibinu, emaini Godinu gaukara uruama utebita.

Firifai 4:3 ပူးပေါင်းရင်းမြစ်များ

Rukanu 10:20

I seitaninu siosa imumuma yanu sina nautaita. Ewaba yaru da uawete yanu ifu urero owawa ue odinuba iba yaru uawe wei.

Romani 12:1

Naiyemutu nauawe. Godima yaba ure nudarau ue neno arama utasuba yanu ofe me ibinu kakara fuyo oeta ari Godibai odiawero mubite yaru ufi. Ina yanu kobere ba guriguri ueta ari.

Romani 16:12

Nanu ario sina i aweta sadei Turaiforaini Turaifosaini emaba wiawe. Emana Yanu Dera Waria Amaranu gaukara uegou utaisi. Fesisini dana Yesu Kerisonu gaukara uegou utebasu. Dawaba nanu ario sina wiawe.

Romani 16:9

Nanu ario sina Ubanasini nanu naiye warai Sitekaiba wiawe. Ubanasi dana naini Kerisonu gaukara uruama utaitu.

Firifai 1:12

Naiyemutu nauawe. Na diburaro oetaini ane ane naba uetaini ima na durua utasuro Yesu Kerisonu kotofu sina wegou utatane.

Firifai 1:16

I dubu waita uwarama iwata, nana Yesu Kerisonu sina yawoteda weba diburaro ibine. Emana iwata utaitate naba neno arama uteda iba Yesu Kerisonu sina waita. Nono i botai waita uwarama emanu torowa imuteda na ma ibo ufitaro na diburaro ibeda neno siosa umane iba Yesunu sina waita.

Firifai 1:27

Yana Yesu Kerisonu naueta uwaraba kobere ueta sineta uegou uawe. Yabai famau aba me arina yanu kobere ueta sineta sina torowa naumau. Ya uwarama naueta daba demurairo inafote imueta daba demurai imufote uruama Godinu sina weboro yaini wasai ufitaitana iya da uyafoe watane. Yana eno ufoitana i wasai ufitaita uwarama ereda emana i eme da uifitaita inaro anibitaro nono Godima yana ma wirofisu iwata ufitaita.

Firifai 1:7

Godima yaini naini ya durua utebiba yaini naini Godinu sina uruama yawoteda weisi. Nana diburaro ibine aba nana Godinu sina we inaratanero yana eno utaitaba yaba neno arama uteda imuegou utatane iba watane.

Firifai 4:2

Yudiaini Sinitaikini i aweta sadeima Yesu Kerisonu imueta daba demurai imufisite urane yarane da ufisie watane.

Korose 1:7

Efafarasima yaba Godinu sina weiro nauta. Dawaini Yesu Kerisonu sabua ueta amara. Dawa yabai nanu kabesi munite Godinu sina weiro nauta.

Jonibai We Ma Boroyari Sina 13:8

Ewa nasiniro ibifitaita uwara nesia i buna egi ari emerubai guriguri ufitaitarogo nono i Reka Mamoema moana uwara, Godinu ane ane nesia ubu utawa kowaro, emanu ifu ifu i ba ui Reka Mamoenu me ibene ibene ibeta uwaranu bukaro owawa ue odiba emana i buna egi ari emerubai guriguri da ufitaita.

Jonibai We Ma Boroyari Sina 17:8

I erinu buna egi dana bodere ibebe nono awona ibawa utasu. Dana i nasini yafawere ebaroma nasiniro sau amufite anibiro Godima dawa ma siosa ue me sibisu. I nasiniro ibifitaita uwara, i uwara emanu ifu ifu i me ibene ibene ibeta uwaranu bukaro owawa ue odawa ui. I uwarama i buna egi dana bodere ibebe awona ibawa utasute nono duburo nono fafisu, i uwarama dawa ereda neno kirifu ufitaita wei.

Jonibai We Ma Boroyari Sina 20:12

Nana erena i uitebita uwara nesia, ifu derawere uwaraini ifu kikiratu uwaraini ema nesia i kininu yaureta iboro yare inataro ere. Buka aika maika ma wurataro nono mui bukana i wiroeta buka ido ma wurai. Godima i buka nesia ereda i uitebita uwara nesia emanu bodere ueta sineta erite emaba enanari koto ui.

Jonibai We Ma Boroyari Sina 20:15

Ananu ifu i wiroeta bukaro ibawana dawa mune i uitawa yareiene yareiene yareta ina mesauro saniro itari. Nana i nesia eno ere.

Jonibai We Ma Boroyari Sina 21:27

Igawere ememetuma i tauniro da anibitaro i siosawere uetaini meoma weta uwarama iro da anibitaita. Ana ananu ifu ifu i Reka Mamoenu wiroeta bukaro ibifitaitana emanu torowana iro anibitaita.

Jonibai We Ma Boroyari Sina 3:5

Ana anama emanu siosawere ueta serigari ufitaitana ido Nana emaba inakeorau wadia emabai yure odimate emanu ifu i wiroeta bukaroma da ma iramau. Nana Nanu Babanu iboroini Danu anerunu iboro inaibeda emana Nanu uwara eno wemau.